1 Abhatësarönikë 4:16 - Imuuma Eehya

¹⁶ Ko bhoora Omonene Yëësu umwene naariika ukurwa mu-ryobha. Nareraghërrya kwa nguru, abhantö mbariighwa engamba iya maraika omonene, na orotera urwa Waryobha ndurihuutwa. Ho abhakumya abha Kiristo bhonswe igho bhano bhaakwa, bhariryökibhwa mbere.

1 Abhatësarönikë 4:16 ပူးပေါင်းရင်းမြစ်များ

Mataayo 16:27

Öni Omoona uwa Ömöntö nindiisha na abhamaraika ko-merengaari ighya Taata. Hayö ho ndehaka abhantö bhonswe igho okorengʼaana na emeremo gheno bhaakora.

Mataayo 16:28

No-bhoheene nkobhatëëbhya igha, mo-bhantö bhano bhaimërëëyë hano, bhaamo abhandë bhano bhatarikwa igho, bhatandööshë öni Omoona uwa Ömöntö, ndaasha ko-Bhokama ubhwane.”

Mataayo 25:31

Ghwiki Yëësu akaghëndërrya ukushumaasha na abheegha abhaaye, akabhatëëbhya igha, “Hano ndiisha öni Omoona uwa Ömöntö neena ubhuhika ubhwane, hamwë na abhamaraika bhonswe igho, hayö bhoono ho ndikara ku-kitumbë ikya ekekama.

Mataayo 26:64

Yëësu akamohonshora igha, “Nu-uwe oghambirë igho. Kasi nkobhatëëbhya ndë bhonswe igho igha, ukusimirya reero, moraamaahe öni Omoona uwa Ömöntö nikaayë bhoryo ubhwa Waryobha uwa obhotoro. Ghwiki moreemmaaha ndaasha ndëngë ko-masaarö.”

Amangʼana agha Abhatomwa 1:11

Abhantö bhayö, bhakabhöörya abhatomwa bhayö igha, “Bhëënyu bhare Bhaghariraaya, ndarra mwimërëëyë hano moragharamera mu-ryobha? Yëësu uyö aruurë kö-bhëënyu hano ukughya mu-ryobha, kasi rooho urusikö rono arikyora kya ighoigho mömörööshë araghya mu-ryobha.”

1 Abhakörintö 15:18

Mbe, hayö bhoono abhantö bhano bhaakwa bhakumiri Yëësu Kiristo, bhayö mbasira.

1 Abhakörintö 15:20

Kasi bhoono obhoheene ni-igha, Kiristo yaaryoka ukurwa mo-bhaku, omotangi uwa bhano bhaakwa.

1 Abhakörintö 15:23

Kasi kera ömöntö ko-nkaagha iyaaye, Yëësu Kiristo we omotangi, bhararoobhera-ko abhantö abhaaye hano ariisha.

1 Abhatësarönikë 1:10

Bhoono nkoghanya mörë Omoona uwa Waryobha, Yëësu, aike ukurwa mu-ryobha. Uyö we Waryobha yaaryökëri, ghwiki we akötötöörya okore Waryobha atakaasha ukutushibhya hano arebhotorra abhantö bhonswe igho ibhiina ibhyabho.

1 Abhatësarönikë 3:11

Taata uwëëtö Waryobha umwene we tokosaasaama, na Omonene uwëëtö Yëësu, bhatösëëmëri enshera iya ukuusha iyö.

2 Abhatësarönikë 1:7

Bhëënyu bhano mukunyankibhwa, murimuunya inyanko iyëënyu hamwë na bhëëtö. Ni-igho Waryobha arekora, enkaagha eno Omonene Yëësu aremaahekana ararwa mu-ryobha. Nariisha na ëbhëmörë ibhya omorro hamwë na abhamaraika abhaaye abha obhotoro.

2 Abhatësarönikë 2:1

Bhoono abhakumya bharikyëtö, tigha tobhandekere amangʼana agha ukuusha ukwa Omonene uwëëtö Yëësu Kiristo, na kya igho turimwisangerra. Keno tokobhasabha ni-igha,

2 Peetero 3:10

Urusikö urwa Omonene nduriisha igho kya umwibhi. Urusikö ruyö, ighörö iyö, harihëënia ukurwa-ho ku ikirumo ekenene. Ëbhëntö bheno bheemo, mberesambwa na omorro. Ekebhara kyonswe igho nkirisika hamwë na ëbhëntö bhyonswe igho bheno bheemo.

Yuuda 1:9

Kasi kora Mikaëri, maraika omonene oora, hano yaanyeraini senkaani na Oghosambwa, ko okoghera iya ömöbhërë ughwa Mosa, tiyaakarëhirë okoghamba bhoghogho Oghosambwa, handë okoghotema amasoro. Kasi keno yaaghambirë ni-igha, “Omonene Waryobha umwene akohamere!”

Okohonyora 1:10

Mbe, Umwika Ömöhörëëru akanyitoomera urusikö nyabhorebhe urwa Omonene Yëësu. Kamwë igho, nkaighwa nyuma iyaane iyö, engamba enene kya iya orotera.

Okohonyora 1:7

Motamaaha! Nariisha arëngë ko-masaarö! Kera ömöntö naremomaaha, kora abhantö bhaara bhaamöbhëtirë ritimö, bhayö bhonswe mbaremomaaha. Amakabhira ghonswe igho ko-kebhara ngarikuura ko okoghera iya Yëësu. Yëë. Amina.

Okohonyora 14:13

Nkaighwa engamba erarwa mu-ryobha, eraghamba igha, “Andeka igha, nyakara abhantö bhano bhakukwa ukurwa bhoono igho na eno bhakumiri Omonene Yëësu.” Mbe, Umwika Ömöhörëëru uwa Waryobha akaghamba igha, “Tigha bhamuunye inyanko iyaabho eno bhaanyoora, ko bhoora amangʼana aghaabho amaiya ghano bhaakora, ngarebhasoorana.”

Okohonyora 8:13

Mbe, nkamaaha ritöönyi rinene rerabhurruka ighörö. Ryaakoranga ikituri reraghamba igha, “Haahö! Haahö! Haahö bhëënyu abhamënyi abha ko-kebhara kono, hano sirihuutwa sentera isatö siyö sitighaayë. Abhamaraika bhayö, haangʼë bharë bhahuute sentera siyö!”

Okohonyora 8:2

Ho naamarrë, nkamaaha abhamaraika muhungatë bhaara bhaaimërëëyë mbere iya Waryobha, kera ömwë uwaabho akahaanwa orotera.