1 Abhatësarönikë 4:13 - Imuuma Eehya

¹³ Bhëënyu abhakumya bharikyëtö, keno tukutuna ni-igha momanye amangʼana agha Abhakiristo bhano bhaakwa, okore motakaabhaabhayera kya abhantö abhandë bhano bhataana ubhweseghe ubhwa ukuryoka.

1 Abhatësarönikë 4:13 ပူးပေါင်းရင်းမြစ်များ

Mataayo 27:52

Sembeehera sekarebhoka. Abhantö abhaaru abha Waryobha bhakaryoka.

Yohana 11:24

Maarita akamohonshora igha, “Öni nemanyirë igha, nariryoka ko-nkaagha iya ukuryoka ukwa abhantö ku-rusikö urwa umuhiko.”

Amangʼana agha Abhatomwa 13:36

Pauro akaghëndërrya okobhatëëbhya igha, “Hano Daudi yaamarrë okokora ghonswe igho ghano Waryobha yaatunanga akore ko-nkaagha iya rikora iryaye, akaheta akakwa, akabheekwa hano abhakörö abhaaye bhaabhëëkirwë. Ömöbhërë ughwaye ghwaghunda.

Amangʼana agha Abhatomwa 7:60

Ho yaamarrë, akatema hansë ibhiru, akakuura bhököngʼu igha, “Omonene, otakaabhashibhya kö ëkëbhë ikyabho keno!” Hano yaamarrë okoghamba ghayö, ghokahwa-mo.

Abharuumi 1:13

Abhakumya bharikyëtö, nkutuna ndë momanye igha, naatunanga bhököngʼu igha niishe mbamaahe, kasi nanyabhoono, nkorebherrwa nkërë. Nkutuna ndë niishe kö-bhëënyu iyö, okore ndute abhantö bhakumi Omonene Yëësu, kya bhoora naakörrë mo-Bhakyaro abhandë.

1 Abhakörintö 10:1

Abhakumya bharikyane, nkutuna ndë momanye igha, abhakörö abhëëtö bhonswe igho, mbaatangatwanga na risaarö, bhakaheta bhonswe igho mu-nyansha ghatë,

1 Abhakörintö 12:1

Bhoono abhakumya bharikyane, nkutuna ndë momanye bhuuya amangʼana agha imituho gheno ghikurwa ku-Mwika Ömöhörëëru.

1 Abhakörintö 15:6

Hano yaamarrë, akabhooshokera abhakumya okoheteera ekerengere ikya amaghana ataano, abhakumya bhayö n-hamwë bhaarenga. Abhaaru mo-bhantö bhayö, kora bhoono igho hobharë, kasi abhandë bhaakwa.

2 Abhakörintö 1:8

Keno tukutuna abhakumya bharikyëtö, ni-igha momanye inyaanyi eno twaanyöörrë mo-mokowa ughwa Asia Enke. Twaanyöörrë inyaanyi indito eno yaatökërrë, kora ntwaakanyanga igha, ntokaakuurë.

Abhaëfësö 2:12

Muhiite igha enkaagha iyö, temwamanyirë Yëësu Kiristo hë. Temwagherrwanga hamwë na Abhaisiraëri, abhantö abha Waryobha. M-baghëni mwaarë ko-maraghanio agha imuuma ghano Waryobha yaaraghaini Abhaisiraëri. Temwaarë na ubhweseghe bhwobhwonswe bhoora hë, mwaamënyirë ko-kebhara kono kya abhantö bhano bhatamanyirë Waryobha.

Abhaëfësö 2:3

Bhëëtö bhonswe igho Abhayahudi na bhëënyu Abhakyaro, tetwaighweranga Waryobha hë. Hano waanyöörrë totaraakumya Yëësu Kiristo, ntwaarë kya bhayö bhatakwighwera Waryobha. Twaakoranga amangʼana ghano ëmëbhërë ighyëtö na sehakëri isyëtö bhyaatunanga tokore. Ntwaarë kya bhono abhantö abhandë bharëngë ko-kebhara kono. Ntwaaibhööywë na esemoko iya obhoghogho. Twaarërërrëëywë na Waryobha, kora nakaatushibhiri.

1 Abhatësarönikë 4:14

Bhëëtö Abhakiristo ntomanyirë igha Yëësu yaakuurë, akamara akaryoka. Ku bhuyö, nkwesegha törë igha, Waryobha narereeta Yëësu hamwë na abhantö bhonswe igho bhano bhaakwa na eno bharamukumya.

1 Abhatësarönikë 4:15

Mbe, ghano tokobhatëëbhya ngo amëëghyö agha Omonene Yëësu igha, bhëëtö bhano urinyoora tökërëngë abhahöru enkaagha eno arikyora, tetoretangatera bhano bhaakwa hë.

1 Abhatësarönikë 5:10

Uyö we yaakuurë okoghera iya bhëëtö, okore twikare hamwë nawe, enkaagha eno tökërëngë abhahöru, kora hano urinyoora tukuurë.

1 Abhatësarönikë 5:6

Bhoono totakaaraara sentero kya abhandë, tobhe maiso, na ukwirebherra.

2 Peetero 3:4

bharaghamba igha, “Kiristo yaaraghaini igha nakaakyörrë! Bhoono heegharë? Ukurwa abhakörö abhëëtö bhaakwa, amangʼana m-buyöbhuyö igho gharë, kya bhono ghaarë ukurwa okosemoka ukwa ekebhara!”

2 Peetero 3:8

Kasi abhaghonshe abhaane, motakeebha engʼana eno igha, ko-Monene Waryobha, urusikö örömwë ndongʼana kya imyoka ëkëkwë, na imyoka ëkëkwë, ngengʼana kya urusikö örömwë igho.