1 Abhatësarönikë 4:11 - Imuuma Eehya

¹¹ Mobhe na omorembe. Ömöntö wowonswe igho, atakaatönibhwa na amangʼana agha abhandë, kasi akore emeremo ighyaye umwene, kya bhoora twaabharaghërrëëyi.

1 Abhatësarönikë 4:11 ပူးပေါင်းရင်းမြစ်များ

Maariko 13:34

“Ukuusha ukwane öni Omoona uwa Ömöntö, nkutuubhaini kya ëkërëngyö keno hano. Igha, n-kya hano ömöntö areemoke ukughya oroghendo, umughi ughwaye ateghere abhaghorwa abhaaye bhamonaghëri. Abhatwenani emeremo ighya okokora. Amare atëëbhi ömörëndi uwa mu-kihiita igha, angarre.”

Amangʼana agha Abhatomwa 18:3

Ko bhono Pauro wonswe m-mutumi uwa amaghutu agha amatondobhaari yaarë, kya bhaabho Akiira, akaikara waabho hayö, bharakora hamwë emeremo ghiyö.

Amangʼana agha Abhatomwa 20:35

Ko-ghayö ghonswe igho, naabhörökëri igha, okobha na omotono ko-meremo, ne-nshera inshiiya iya ökötöörrya bhano bhaana obhohabhë. Muhiite bhono Omonene Yëësu yaaghambirë igha, ‘Nyakara okohaana, ko bhoora te-konga okohaanwa hë.’ ”

Abharuumi 12:11

Mobhe na omotono ughwa okokora emeremo ighya Waryobha, Umwika Ömöhörëëru abhatöörri, möghëndërri okokora emeremo ghiyö bhuuya, mokorre Omonene Yëësu Kiristo emeremo.

Abharuumi 15:20

Nkutuna ndë igha ndaareke Amangʼana Amaiya ahasë hano ömöntö ataakaraarëkirë-ho Amangʼana Amaiya agha Yëësu Kiristo. Ndakora igho, okore ntakaasha kukyorra emeremo bhohya, ahasë hano ömöntö uwöndë yaamara okokora-ho emeremo.

1 Abhakörintö 4:12

Nkunyanka törë ukwikorra emeremo na amabhoko aghëëtö abheene. Hano twatokwa, nkongʼoora törë. Hano twateeswa, nköghömërrya törë.

2 Abhakörintö 5:9

Ntokaabha na ëmëbhërë gheno, handë igha ntokaamenya hamwë na Omonene, kasi keno tokokora no-motono okore ashomerwe.

Abhaëfësö 4:28

Umwibhi atakaghëndërrya ukwibha ghwiki, kasi nyakara akore omotono ughwa okokora emeremo imiiya na amabhoko aghaaye umwene, okore anyoore ëkëntö ikya ukutwenera ono aana obhohabhë.

1 Timoteo 2:2

Ndabhakangʼasërrya igha, mosabherenga abhakama na abhatangati bhonswe igho, okore tobhe na omorembe, tosooke Waryobha na okobha na eteemo inshiiya.

1 Timoteo 5:13

Abhasinö kya bhayö, nkunyoora örë bhaana eteemo iya ubhworo na ubhwërëëri ubhwa mu-mighi ighya abhantö. Bhayö n-nyangasheka, abhashërëngya abha amangʼana agha abhantö abhandë, nkoghamba bharë amangʼana ghano ghatabhatönëri, na ghano ghataana enshera.

Tiito 3:14

Abhakumya bharikyëtö bhonswe, bheeghe okokora amangʼana amaiya, okore bhatöörri abhahabhë. Hano bharaakorenga igho, mbaraabhe abhantö abha ubhwera tebhahete bhosa igho hë.

1 Peetero 3:4

Kasi ubhwikööni ubhwënyu, bhusimiri mo-senkoro isyënyu. Ubhwikööni bhono bhotakosareka, handë okoghota. Ubhwikööni bhuyö, no-kobha na enkoro inshiiya na obhohaabhu, bhuyö mbo ubhwikööni bhono bhoona ubhwera obhonene ku-Waryobha.

1 Peetero 4:15

Mbe, ömöntö atakaanyoora inyaanyi ko okoghera iya ubhwiti ubhwa abhantö, ubhwibhi, okokora amangʼana amaghogho handë okosarekania abhantö.