1 Abhatësarönikë 3:8 - Imuuma Eehya

⁸ Bhoono töhëshëëyë, ko bhono mwitöghëkirë, monaghirë ko-Monene Yëësu.

1 Abhatësarönikë 3:8 ပူးပေါင်းရင်းမြစ်များ

Yohana 15:4

Mobhe na öbhömwë na öni, na öni wonswe nendaabhe na öbhömwë na bhëënyu. Kya bhono mokomaaha risagharya retakotora ukwama sehagho iryene igho, hano retaghotaini na omozabhibhu, ni-ighoigho na bhëënyu bhonswe, temotore ukwama sehagho hano motaabhe ëkëntö ëkëmwë na öni.

Yohana 15:7

Bhëënyu hano moraabhe na öbhömwë na öni, na amangʼana aghaane ghonswe ghaikare mö-bhëënyu, kyokyonswe keno mukutuna, mosabhe Taata, naraabhahaane.

Yohana 8:31

Mbe, Yëësu akatëëbhya Abhayahudi bhaara bhaamukumiri igha, “Hano moraaghëndërri okoghoota amëëghyö aghaane, hayö moraabhe abheegha abhaane abha heene.

Amangʼana agha Abhatomwa 11:23

Hano yaahikirë-yo akamaaha bhono abhantö bhayö bhaarë na örööbhö urwa Waryobha. Akashomerwa, akabhakangʼasërrya igha, bhaghëndërri okobha abhakumya abha heene mo-senkoro isyabho, ko-Monene Yëësu.

1 Abhakörintö 15:58

Mbe, bhoono abhakumya bharikyane abhaghonshe, ni-igha monaghe, motakaasingisa. Möghëndërri okokora emeremo ighya Omonene uwëëtö bhököngʼu nkaagha syonswe igho, ko bhoora momanyirë igha, emeremo ighyënyu gheno mokokorra Omonene, ti-ghya bhosa hë.

1 Abhakörintö 16:13

Mwiraarerrenga, mokarehe kora monaghe bhököngʼu ku-mukumo ughwënyu.

Abhagharatia 5:1

Kiristo yaatohaana öbhötöönööni, okore tobhe abhatöönööni. Ku bhuyö ni-igha monaghe, motakaikërrya ukukyora ghwiki mo-bhoghorwa ubhwa amaraghërryö.

Abhaëfësö 3:17

okore Yëësu Kiristo amenye këmwë mo-senkoro isyënyu ku umukumo ghono moonagho. Ndabhasabha igha, möghëndërri okohanshana. Righonshe n-kya imiri, imiri nkokora ghërë ëmëtë ghenagha, kora ghwiki n-kya inyumba eno ehaghaashirwë ku-musingi.

Abhafiripi 1:21

Ko bhoora öni nenkaabha möhöru, öbhöhöru ubhwane mboraabhe ubhwa okomanya, okohansha, ukutighinkanera na ökötöönia Kiristo. Kora nenkaakwa, ukukwa ukwane nkoraabhe ehoorohooro enene ku-öni.

Abhafiripi 1:27

Engʼana enene ni-igha, mobhe na eteemo eno ekorengʼana na Amangʼana Amaiya agha Kiristo. Hano ndaashe okobhamaaha handë nange ukuusha, kasi nighwenga igha, nköghëndërrya mörë okonagha, kora moona öbhömwë. Nkunyankera mörë hamwë umukumo ghono ghokotooka ko Amangʼana Amaiya.

Abhafiripi 4:1

Ku bhuyö abhakumya bharikyëtö, nembahanshirë, kora nkwighomba ndë mbamaahe. Bhëënyu mbo ukushomerwa ukwane, na m-bëënyu ituho iyaane eno naahaanwa ko okoghera iya meremo gheno naakora. Ni-igho ikutunwa igha bhaghonshe abhaane, monaghe ko-Monene.

Abhakorosaai 1:23

Kasi ni-igha möghëndërri okobha na umukumo, mohangarre, mobhe na singuru, motakaikërrya ukutigha ubhweseghe bhono mwaanyoora mo-Mangʼana Amaiya ghano mwaaighwa. Amangʼana Amaiya ghayö, ghaaraarekwa ko-bhantö bhonswe igho abha ko-kebhara kono. Na öni Pauro naabha umutighinkani uwa Amangʼana Amaiya ghayö.

1 Abhatësarönikë 3:7

Abhakumya bharikyëtö, amangʼana agha umukumo ughwënyu, ghatöghëkirë senkoro isyëtö ku-nyanko eno twaarë nayo.

Abhaëbhuraania 10:23

Tonaghi ubhweseghe ubhwëtö bhono twaaikërëëyi, ko bhoora Waryobha ono yaaraghania, n-wa heene.

Abhaëbhuraania 3:14

Ku bhuyö nkoghootana törë hamwë na Yëësu Kiristo, hano twesegha Waryobha kya bhono twaamukumiri, tokamwesegha, töghëndërri ighoigho na okohekera ku-muhiko.

Abhaëbhuraania 4:14

Mbe, ko bhoora ntoona Omonene uwa abhasëngëri ono yaasoha mu-ryobha, Yëësu Kiristo Omoona uwa Waryobha. Ku bhuyö ni-igha tonaghi umukumo ughwëtö.

1 Peetero 5:10

Waryobha uwa örööbhö rwonswe igho, yaabhabherekera, okore moghootane nawe ku-bhuhika ubhwaye ubhwa amakora ghonswe igho, ko bhoora ntoona öbhömwë na Yëësu Kiristo. Moraanyanke akabhagha akake igho, kasi we narebhatogheka, abhahaane singuru, na okobhaimererra.

2 Peetero 3:17

Bhoono abhaghonshe abhaane, momarrë okomanya amangʼana agha abhëëghya nyangasheka bhayö, ku bhuyö mwiraarerre, okore motakangʼainwa na obhongʼaini ubhwa abhasarya bhayö, bhobhakore moghwe kora mutighe obhoheene ubhwënyu ubhwa obhoheene.

Okohonyora 3:11

M-böngö ndaashe! Monaghi bhuuya amangʼana amaiya ghayö moonagho, okore ömöntö atakaabharuusya ibhirighi ibhyënyu ibhya obhobhaahi.

Okohonyora 3:3

Muhiite ghano mwëëghiibhwi, moghakumi na moghanaghi. Mbe, mogharöndërri bhuuya, kora mohongore ëbhëbhë ibhyënyu. Hano motaabhe maiso, nindiisha kya umwibhi, kora temoremanya enkaagha eno ndiisha hë.