1 Abhatësarönikë 3:3 - Imuuma Eehya

³ Ntwaakörrë igho, okore ömöntö wowonswe atakaakwa omotwe ku ikibhuno ikya inyaanyi eno mukunyoora. Bhëënyu mmomanyirë igha, ni-igha tohetere mu-nyaanyi muyö.

1 Abhatësarönikë 3:3 ပူးပေါင်းရင်းမြစ်များ

Ruuka 21:12

“Kasi enkaagha eno urinyoora ghayö ngambirë hayö ghataraabha, mmoreghootwa munyankibhwi, mbarebhahira mu-sinyumba isya esango iya Abhayahudi, kora mobhohwe mo-kebhohe. Mbarebhahira ko-bhakama na ko-bhatöngi, ko bhono igha, m-basoorani abhaane mörë.

Yohana 16:2

Abhantö mbaraabharughi murwe mu-sinyumba isya esango iya Abhayahudi. Kora enkaagha irihika-ho, eno kera ömöntö ono arebhaita, arekanyanga igha m-buuya akokora ku-Waryobha.

Yohana 16:33

Mbatëëbhëri amangʼana ghayö, okore mobhe na omorembe ko bhoora moona öbhömwë na öni. Moona inyanko ko-kebhara kono, kasi motakaakwa emetwe, ko bhoora öni nabhaaha ekebhara keno.”

Amangʼana agha Abhatomwa 14:22

Bhakaheta mu-mighi ghiyö bharatërëmya abheegha abha Yëësu, okore bhaghëndërri okobha na umukumo. Mbaabhatërëmyanga ko okobhatëëbhya igha, “Ni-igha tohetere mu-nyanko insharu, totaraasoha mo-Bhokama ubhwa Waryobha.”

Amangʼana agha Abhatomwa 2:25

Kora omokama Daudi wonswe yaaghambirë amangʼana agha Yëësu ghayö igha, ‘Naarööshë Omonene uwaane, araghëndërrya okobha hamwë na öni sinsikö syonswe igho. Na ko bhono igha M-boryo bhwane arë, tinsingisibhwi hë.

Amangʼana agha Abhatomwa 21:11

Hano yaahikirë kö-bhëëtö hayö, akaghegha umushibhi ughwa Pauro, akaghwibhoha ko-mabhoko na ko-maghörö aghaaye. Akaghamba igha, “Umwika Ömöhörëëru aghambirë igha, ‘Ni-igho mwene umushibhi ghono, araakorrwe. Ni-igho eraabhe, hano araaghi Yërusarëëmu. Abhayahudi abha iyö mbaraamoghoote, bhamobhohe, bhamare bhamöghööti mo-mabhoko agha Abhakyaro.’ ”

Amangʼana agha Abhatomwa 21:13

Kasi umwene akatohonshora igha, “Motakaakuura, mokambe munyite omotwe bhosa igho! Öni te-kebhohe ikyene igho hë, nenkakwera Yërusarëëmu iyö ko okoghera iya iriina irya Omonene Yëësu, te-ngʼana hë.”

Amangʼana agha Abhatomwa 9:16

Nendaamwöröki kya igho araatundësibhwi bhököngʼu, ko okoghera iya iriina iryane.”

Abharuumi 5:3

Bhoono kora ntokaanyoora inyanko, kasi tushomerwenga, ko bhoora ntomanyirë igha inyanko iyö, nkotokora ërë töghömërri ku-mukumo ughwëtö.

1 Abhakörintö 15:58

Mbe, bhoono abhakumya bharikyane abhaghonshe, ni-igha monaghe, motakaasingisa. Möghëndërri okokora emeremo ighya Omonene uwëëtö bhököngʼu nkaagha syonswe igho, ko bhoora momanyirë igha, emeremo ighyënyu gheno mokokorra Omonene, ti-ghya bhosa hë.

1 Abhakörintö 4:9

Kasi ndamanya bhëëtö abhatomwa, Waryobha yaatokora abhantö abha okoserwa okokera bhonswe igho. Twabha kya abhantö bhano bhaabhotorrwa ikiina igha bhaitwe. Nkoghamba ndë igho, ko bhoora twabha abhantö abha okosekerrwa ko-kebhara kyonswe igho, ko-bhamaraika na ko-bhantö.

Abhaëfësö 3:13

Ku bhuyö bhoono nkobhasabha ndë igha, motakaakwa emetwe ku-nyanko eno nkunyoora ko okoghera iya bhëënyu, kasi keno mokaakora, nu-kwiheemera inyanko iyö.

Abhafiripi 1:28

Kora motakoobhohanga abhabhisa bhëënyu, okokora igho, nkwo kukwörökya igha, bho nko-nshera iya ukusikibhwa bharë, kasi bhëënyu nko-nshera iya ökötööribhwa mörë. Ghayö ghonswe igho ne-meremo ighya Waryobha.

Abhakorosaai 1:23

Kasi ni-igha möghëndërri okobha na umukumo, mohangarre, mobhe na singuru, motakaikërrya ukutigha ubhweseghe bhono mwaanyoora mo-Mangʼana Amaiya ghano mwaaighwa. Amangʼana Amaiya ghayö, ghaaraarekwa ko-bhantö bhonswe igho abha ko-kebhara kono. Na öni Pauro naabha umutighinkani uwa Amangʼana Amaiya ghayö.

1 Abhatësarönikë 5:9

Waryobha tiyaatushaaghööyë, okore atusiki ku ukutushibhya hë. Kasi yaatushaaghööyë, okore töhönibhwi okohetera ko-Monene uwëëtö Yëësu Kiristo.

2 Abhatësarönikë 1:4

Ku bhuyö nkwikumya törë mo-makanisa agha Waryobha, ko okoghera iya ököghömërrya ukwënyu, na umukumo ghono moonagho ku-nyanko yonswe igho, na inyaanyi eno mukunyoora.

2 Timoteo 1:8

Mbe, bhoono otakaasooka ukwimererra amangʼana agha Omonene uwëëtö Yëësu Kiristo, handë okomaaha sënsöni ko bhoora igha öni mo-kebhohe ndë ko okoghera iya Omonene uwëëtö uyö. Kasi ghömërrya inyaanyi hamwë na öni, ko okoghera iya Amangʼana Amaiya, ku singuru seno okohaanwa na Waryobha.

1 Peetero 2:21

Ni-igha möghömërri, ko bhoora Yëësu Kiristo umwene yaatësëkirë ko okoghera iya bhëënyu. Ko okokora ghayö, akabhateghera ëkërëngyö, okore mweghenga okokora kya igho.

Okohonyora 2:10

Motakoobhoha inyanko iyö murinyoora. Motamaaha! Oghosambwa ngorebhashaashya, kora ghotoore bharikyënyu mo-kebhohe, na bhëënyu murinyankibhwa sinsikö ikömi. Kasi mobhe abhantö abha heene ku-öni, nokaanyoora igha nkukwa, mukwe. Ko bhoora öni, nendebhatuha ibhirighi ibhya öbhöhöru ubhwa amakora ghonswe igho.

Okohonyora 2:13

Öni nemanyirë ahasë hayö mömënyirë, hayö, ho Oghosambwa ghokotonga. Nokaanyoora ni-igho amangʼana gharë, kasi nkunkumya mökërë. Kora enkaagha eno umwimërërri uwaane uwa heene Antipa yaaitirwë mu-mughi ughwënyu muyö Oghosambwa ghömënyirë, temwanyikaanirë hë. Antipa uyö, nu-mwimërërri uwaane uwa heene yaarë.