1 Abhatësarönikë 3:11 - Imuuma Eehya

¹¹ Taata uwëëtö Waryobha umwene we tokosaasaama, na Omonene uwëëtö Yëësu, bhatösëëmëri enshera iya ukuusha iyö.

1 Abhatësarönikë 3:11 ပူးပေါင်းရင်းမြစ်များ

Mataayo 6:14

Yëësu akaghëndërrya okoghamba igha, “Hano moraabhere abhantö bhano bhakobhasarrya, ho kora na Suwëënyu uwa mu-ryobha, araabhaabhere hano moraamosarri.

Mataayo 6:18

okore abhantö bhatakaamanya igha, wisasirë ibhyakorya. Hayö bhoono, ho Taata uwëëtö uwa mu-ryobha, ono atakomaahwa araakutuhe.”

Mataayo 6:26

Momaahere ku-bhinyönyi. Tibhikwëmya handë okoghesa hë, tebheena eketara hë. Kasi Waryobha Taata uwëëtö uwa mu-ryobha, nkobhehaana arë ibhyakorya. Na bhëënyu mmoona ubhwera ku-Waryobha okokera ibhinyönyi.

Mataayo 6:32

Motakaabha kya abhantö bhano bhatamanyirë Waryobha. Ko bhoora abhantö bhano bhatamanyirë Waryobha, ghayö ngo ghakobhahahya, kasi bhëënyu momanye igha, Suwëënyu uwa mu-ryobha, namanyirë bhuuya igha, bhëënyu bhonswe ghayö nkoghatuna mörë.

Mataayo 6:4

engʼana iyö, otakaagherekera kebhara. Hayö ho Taata uwëëtö uwa mu-ryobha ono akomaaha imbumbure iya ömöntö, araakutuhe.”

Mataayo 6:6

Kasi hano uwe wasaasaama, ni-igha osohe mu-kinyumba ikyaho, usiike-ho ekesaku. Saasaama ku-Waryobha Taata uwëëtö, ono atakomaahekana. Ho bhoono Taata uwëëtö uyö akomaaha imbumbure iya ömöntö, araakutuhe.”

Maariko 1:3

Umuhiri uwa amangʼana uwaane uyö, we arekonganga ku-riköngö igha, ‘Mösëëmëri Omonene Waryobha enshera, mokore bhuuya ahasë hano araahete! ’”

Ruuka 12:30

Motakaabha kya abhantö abha ko-kebhara kono bhano bhatamanyirë Waryobha. Ko bhoora abhantö bhano bhatamanyirë Waryobha, ghayö ngo ghakobhahahya. Kasi bhëënyu, Suwëënyu uwa mu-ryobha, namanyirë bhuuya igha, nkoghatuna mörë.

Ruuka 12:32

“Nokaanyoora te-bhaaru mörë hë, kasi motakoobhoha. Ko bhoora Suwëënyu arööshë igha, abhahaane Obhokama ubhwaye.

Yohana 20:17

Yëësu akamötëëbhya igha, “Tigha, otakangoota. Tendariina ukughya ighörö iyö ko-Taata hë. Keno nkökötëëbhya ni-igha, kaghi ötëëbhi abhahiiri abhaane igha, ‘Ndaghya mu-ryobha ko-Taata, ono arëngë Suwëënyu na bhëënyu bhonswe, ku-Waryobha uwaane na bhëënyu bhonswe n-Waryobha uwëënyu.’”

Abharuumi 1:3

Amangʼana Amaiya ghayö, na-agha Omoona uwaaye. Omoona uwaaye uyö kinyabhantö, nu-muhiiri uwa omokama Daudi yaarë.

2 Abhakörintö 6:18

Kora nendaabhe Suwëënyu, na bhëënyu moraabhe abhaana abhaane, abha ikishaasha na abha ekekari. Ni-igho Omonene Waryobha uwa obhotoro bhwonswe igho akoghamba.”

Abhagharatia 1:4

Kiristo yaairuusiri öbhöhöru ubhwaye, ko okoghera iya ukuruusya-ho ëbhëbhë ibhyëtö. Yaakörrë igho, okore atötööri turwe mo-mangʼana amaghogho ghonswe igho agha ko-kebhara keno ikya bhoono igho. Ghayö ghonswe igho ngaabhaayë igho, ko okorengʼaana na okohansha ukwa Waryobha Taata uwëëtö.

Abhakorosaai 1:2

Nkobhandekera törë bhëënyu abhakumya bharikyëtö abhahörëëru abha Waryobha, bhano mömënyirë mu-mughi ghuyö ghokobherekerwa igha, Korosaai. Twabha ëkëntö ëkëmwë na bhëënyu, ku-mukumo ghono tokosanga ku-Kiristo. Torasabha munyoore örööbhö na omorembe ukurwa ku-Waryobha Taata uwëëtö.

1 Abhatësarönikë 3:13

Ghwiki ni-igha atogheke senkoro isyënyu, okore mobhe abhantö abhahörëëru na motakaabha na risoro ku-Waryobha Taata uwëëtö, enkaagha eno Omonene uwëëtö Yëësu ariisha hamwë na abhahörëëru abhaaye bhonswe igho.

1 Abhatësarönikë 4:16

Ko bhoora Omonene Yëësu umwene naariika ukurwa mu-ryobha. Nareraghërrya kwa nguru, abhantö mbariighwa engamba iya maraika omonene, na orotera urwa Waryobha ndurihuutwa. Ho abhakumya abha Kiristo bhonswe igho bhano bhaakwa, bhariryökibhwa mbere.

1 Abhatësarönikë 5:23

Waryobha ono akotohaana omorembe, abhasaabhuure ko amangʼana ghonswe igho. Abharende senkoro isyënyu na öbhöhöru ubhwënyu na ëmëbhërë ighyënyu, okore motakaatemwanga amasoro, okohekera enkaagha iya ukuusha ukwa Omonene uwëëtö Yëësu Kiristo.

2 Abhatësarönikë 2:16

Omonene uwëëtö Yëësu Kiristo na Waryobha Taata uwëëtö ono atohanshirë, na kö örööbhö urwaye, nkötöröörësya arë amakora ghonswe igho, na okotohaana ubhweseghe ubhurito. Nkosaasaama törë igha,

2 Abhatësarönikë 3:16

Bhoono, Omonene Yëësu umwene, ömösëmöri uwa omorembe, abhahaanenga omorembe senkaagha syonswe igho, ko-senshera syonswe igho. Abhe hamwë na bhëënyu bhonswe igho.

2 Abhatësarönikë 3:5

Omonene Yëësu, atangate senkoro isyënyu ku righonshe irya Waryobha, na kö ököghömërrya kono tokohaanwa na Kiristo.

1 Yohana 3:1

Momaahe bhono Taata Waryobha atohanshirë bhököngʼu, igha bhëëtö tobherekerwe igha, m-baana abhaaye törë! Obhoheene ni-igho törë. Kasi keno kekoghera abhantö abha ko-kebhara kono, bhano bhatakwighwera Waryobha bhatamanyirë igha m-baana abhaaye törë, n-ko bhoora bhatamanyirë Waryobha.

Okohonyora 21:3

Nkaighwa engamba enene, erarwera ku-kitumbë ikya ekekama eraghamba igha, “Taighwa! Waryobha hamwë amënyirë na abhantö abhaaye. Naraaikare hamwë nabho. Mbaraabhe abhantö abhaaye, wonswe naraabhe Waryobha uwaabho.