1 Abhatësarönikë 3:10 - Imuuma Eehya

¹⁰ Nkotonerra törë okosaasaama Waryobha ubhutikö na omobhasö, atötöörri tomaahane ghwiki na bhëënyu, okore töbhëngërërri keno kikusuuha ku-mukumo ughwënyu.

1 Abhatësarönikë 3:10 ပူးပေါင်းရင်းမြစ်များ

Ruuka 2:37

Akaikara musinö ighoigho okohekera imyoka merongo monaane na inye. Na yaaikaranga mo-bhogho ubhwa risengerro irya Waryobha muyömuyö arasaasaama na ukwisasa ibhyakorya ubhutikö na omobhasö.

Amangʼana agha Abhatomwa 26:7

Riraghaniö riyö irya ukuusha ukwa Kiristo, ndyo amakabhira aghëëtö ghonswe igho ikömi na abhërë ghakwitengʼera igha nderebha. Kiyö nkyo kekoghera bharasaasaama Waryobha ko motono ubhutikö na omobhasö. Ore omokama Aghiripa, engʼana iyö, yo ikibhuno ikya Abhayahudi ukunshongera ku-uwe hano!

2 Abhakörintö 1:15

Naarenga na obhoheene ubhwa amangʼana ghayö, kiyö nkyo kyaaghërrë nkatuna igha niishe kö-bhëënyu ekembere, okore munyoore umweya ughwa okomaahana na bhëëtö harë kabhërë.

2 Abhakörintö 1:24

Ti-igha nkobhaaha törë umukumo ughwënyu, kasi bhëëtö na-bhaköri abha emeremo hamwë na bhëënyu, ko okoghera iya ukushomerwa ukwënyu, ko bhoora umukumo ughwënyu ghwanagha.

2 Abhakörintö 13:11

Bhoono abhakumya bharikyane, nkomarërrya ndë ko okobharagha na eno ndabhatëëbhya igha, mohekerane ko amangʼana aghëënyu, mobhe abhantö abha ököröörësania, mobhe ikiina ëkëmwë, mobhe na omorembe. Hayö ho Waryobha uwa righonshe na omorembe araabhe hamwë na bhëënyu.

2 Abhakörintö 13:9

Nkushomerwa törë, hano twabha abhatëntëëru kasi bhëënyu mobha na singuru. Nkosaasaama törë Waryobha igha, abhahekerani.

Abhafiripi 1:25

Ko bhoora neena obhoheene ubhwa engʼana iyö, nemanyirë igha nendaaghëndërri okobha ko-kebhara kono. Ghwiki nendaabhe hamwë na bhëënyu bhonswe igho, okore mbatöörri mukiine ku-mukumo ughwënyu na mushomerwe.

Abhakorosaai 1:28

Ku bhuyö nkoraareka törë amangʼana agha Kiristo, torakaania abhantö na ukwëghya abhantö bhonswe igho, kwa obhongʼaini bhonswe igho, okore tobhareete bhonswe igho mbere iya Waryobha, kö-bhömwë ubhwa heene na Kiristo.

Abhakorosaai 4:12

Epafura Omokorosaai murikyënyu wonswe nkobhakëërya arë, wonswe m-mököri uwa emeremo uwa Kiristo Yëësu. Epafura uyö, naana omotono ughwa okobhasabhera nkaagha syonswe igho, nkobhasabhera arë igha, monaghe ku-mukumo ughwënyu, na mohangarre ko amangʼana ghano Waryobha akutuna igha mokore.

1 Abhatësarönikë 3:11

Taata uwëëtö Waryobha umwene we tokosaasaama, na Omonene uwëëtö Yëësu, bhatösëëmëri enshera iya ukuusha iyö.

2 Abhatësarönikë 1:11

Ku bhuyö nkobhasabhera törë sinsikö syonswe igho igha, Waryobha uwëëtö abhakore morengʼaane na keno yaabhabhërëkërra. Ghwiki nkobhasabhera törë igha, ko obhotoro ubhwaye, ahekerani amangʼana amaiya ghano mukutuna okokora, na okohekerania emeremo ighyënyu ghyonswe igho ighya umukumo.

2 Timoteo 1:3

Öni nkukumya ndë Waryobha ono nkokorra emeremo ko amaitegherro amaiya, kya bhoora abhakörö abhaane bhamokorranga emeremo. Ku bhuyö, nkukuhiita ndë senkaagha syonswe igho ko-masabhi aghaane ubhutikö na omobhasö.

Firimoni 1:22

Hamwë na ghayö, ndasabha önsëëmëri ahasë aha ukwikara, ko bhoora ko okohetera amasabhi aghëënyu, nkwesegha ndë igha Waryobha naraantöörri niishe kö-bhëënyu iyö.

Okohonyora 4:8

Ëbhëntö ibhine bheera bhekoheeshera, mbyaarë na amabhabha asansabha. Amabhabha ghaara, ghaarë na amaiso ahasë honswe igho. Ëbhëntö bhiyö bhyaarëëtyanga ubhutikö na omobhasö, tibhyakiranga hë. Bhyaarëëtyanga igha, “Ömöhörëëru, Ömöhörëëru, Ömöhörëëru, no-Monene Waryobha uwa obhotoro bhwonswe igho, ono aaho, ho yaarë ukurwa okosemoka, nanyabhoono ho arë.”

Okohonyora 7:15

Nkyo kekoghera bharëngë mbere iya ikitumbë ikya ekekama ikya Waryobha, bharasaasaama ubhutikö na omobhasö mu-nyumba iya Waryobha. Waryobha ono akwikara ku-kitumbë ikya ekekama, naraabhe hamwë nabho, abharende.