1 Abhatësarönikë 2:9 - Imuuma Eehya

⁹ Abhakumya bharikyëtö, ndamanya nkuhiita mörë omotono ughwëtö na ukunyanka ukwëtö, kono twaarë nako ko okokora emeremo ubhutikö na omobhasö. Ntwaakoranga igho, okore totakaanyankya ömöntö wowonswe mö-bhëënyu, hano twaraareka Amangʼana Amaiya agha Waryobha.

1 Abhatësarönikë 2:9 ပူးပေါင်းရင်းမြစ်များ

Ruuka 18:7

Mbe, ku bhuyö momanye igha, Waryobha naraabhakorre ubhwa heene abhaahorwa abhaaye, bhano bhakomosaasaama ubhutikö na omobhasö. Taateghete okobhatöörrya hë

Ruuka 2:37

Akaikara musinö ighoigho okohekera imyoka merongo monaane na inye. Na yaaikaranga mo-bhogho ubhwa risengerro irya Waryobha muyömuyö arasaasaama na ukwisasa ibhyakorya ubhutikö na omobhasö.

Amangʼana agha Abhatomwa 18:3

Ko bhono Pauro wonswe m-mutumi uwa amaghutu agha amatondobhaari yaarë, kya bhaabho Akiira, akaikara waabho hayö, bharakora hamwë emeremo ghiyö.

Amangʼana agha Abhatomwa 20:24

Kora nenkaakwa të-këntö ku-öni hë. Keno këntönëri ni-igha, mmarërri emeremo gheno Omonene Yëësu yaangʼaana okokora. Emeremo ghiyö, ni-ighya okoraarekera abhantö Amangʼana Amaiya agha örööbhö urwa Waryobha.

Amangʼana agha Abhatomwa 20:31

Ku bhuyö, mwiyangarre! Muhiitenga igha, imyoka etatö gheno naikaayë hamwë na bhëënyu hano, naaraghërryanga kera ömöntö ubhutikö na omobhasö, kora nkuura amaisöri ghaheta.

Abharuumi 1:1

Ritashandighi reno, nku-öni Pauro omoghorwa uwa Yëësu Kiristo riruurë. Naabherekerwa igha mbe omotomwa, nkaahorwa igha, ndaarekenga Amangʼana Amaiya agha Waryobha.

Abharuumi 15:16

okore mbe ömököri uwa emeremo uwa Kiristo Yëësu ko-Bhakyaro. Ensonga iyaamo ni-igha, naakorwa ömösëngëri uwa okoraareka Amangʼana Amaiya agha Waryobha, okore Abhakyaro bhabhe kya ibhimwenso bheno bhëkötëghërya Waryobha, bheno bhyaarabhwa na Umwika Ömöhörëëru.

Abharuumi 15:19

Mbaarutirwë bhakabha na umukumo, ko bhoora bhaarööshë obhotoro ubhwa Yëësu Kiristo bhono bhwaamahekaini ko-makono na ebhemanyërryö. Naanyöörrë obhotoro ubhwa okokora igho, ko obhotoro ubhwa Umwika uwa Waryobha. Ku bhuyö naainaarrë kera hasë ndaraareka Amangʼana Amaiya agha Yëësu Kiristo ukusimirya mu-mughi ughwa Yërusarëëmu okohekera mo-mokowa ughwa Iririko.

1 Abhakörintö 4:12

Nkunyanka törë ukwikorra emeremo na amabhoko aghëëtö abheene. Hano twatokwa, nkongʼoora törë. Hano twateeswa, nköghömërrya törë.

1 Abhakörintö 9:15

Kasi öni, tenaakakörrë igho hë. Kora tërëngë igha nkwandeka ndë igho, okore mongʼaane, ti-igho hë. Ko bhoora nyakara nkwe, kasi ömöntö wowonswe igho, atakaasha ukunduusirya-ho ukwikumya ukwane kono.

1 Abhakörintö 9:18

Bhoono ituho iyaane në-ëëhë? Ituho iyaane no-koraareka Amangʼana Amaiya bhosa igho, ntakosabha keno ningʼarëëyë okohaanwa.

1 Abhakörintö 9:4

Kanaa, ntotaana obhotoro ubhwa okorya na ukunywa?

2 Abhakörintö 11:27

Naakora emeremo ëmëköngʼu, na nkanyanka, inyanko iya ukwanga okoraara hare kaaru, inyanko iya okosengera na inyanko iya inyonta, naahika okobhorwa ibhyakorya hare kaaru, inyanko iya embeho na iya okobhorwa singibho.

2 Abhakörintö 11:9

Enkaagha eno naarë na obhohabhë hano naarë kö-bhëënyu hayö, tenaritöhëëyë ömöntö wowonswe oora hë, ko bhoora abhakumya bharikyëtö bhano bhaaruurë Makedonia, mbaangʼaayë ëbhëntö bheno naatunanga. Nairebherranga, okore ntakaaritohera ömöntö wowonswe oora kö-bhëënyu, na kora ni-igho ndaaghëndërri okokora.

2 Abhakörintö 6:5

Bhëëtö nkotemwa törë, nkobhohwa törë mo-kebhohe, nkokorrwa törë riihë, toona inyanko iya emeremo ëmëköngʼu, umweko, kora titukunyoora tero hë.

Abhafiripi 4:16

Kora hano naarë mu-mughi ughwa Tësarönikë, mwaandeteranga ëbhëntö ibhya ököntöörrya.

1 Abhatësarönikë 1:3

Hano twabhasabhera ko-Taata uwëëtö Waryobha, nkuhiita törë umukumo ughwënyu ko amangʼana ghano mokokora. Torahiita omotono ughwa righonshe ghono moonagho, na kya igho monaghirë ku ubhweseghe bhono moonabho ko-Monene uwëëtö Yëësu Kiristo.

1 Abhatësarönikë 2:2

Ghwiki mmomanyirë igha, enkaagha eno waanyöörrë totaraahika kö-bhëënyu, ntwaanyankiibhwi bhököngʼu, kora tokatokwa mu-mughi ghoora ghokobherekerwa igha Firipi. Nokaanyoora twaarëbhërrëywë bhököngʼu igha totakaasha kö-bhëënyu, kasi Waryobha yaatohaayë singuru isya okoraareka Amangʼana aghaaye Amaiya kö-bhëënyu.

1 Abhatësarönikë 2:6

Ghwiki titwatunanga igha abhantö bhatukumi hë, nekaabha igha m-bëënyu, handë igha na-bhantö abhandë igho. Ko bhoora igha bhëëtö na-bhatomwa abha Kiristo törë, ntokaatörrë ukutuna ëbhëntö nyabhorebhe kö-bhëënyu, kasi tetwakörrë igho hë.

1 Abhatësarönikë 3:10

Nkotonerra törë okosaasaama Waryobha ubhutikö na omobhasö, atötöörri tomaahane ghwiki na bhëënyu, okore töbhëngërërri keno kikusuuha ku-mukumo ughwënyu.

1 Timoteo 1:11

Amëëghyö agha obhoheene, gharëngë mo-Mangʼana Amaiya ghano ghakwörökya ubhuhika ubhwa Waryobha uwa obhongʼoore bhwonswe igho. Amangʼana ghayö, ngo naahaaywë na Waryobha igha, ndaarekere abhantö.

1 Timoteo 4:10

Engʼana iyö, yo ekoghera toranyanka na torakora omotono ko-meremo, ko bhoora igha, Waryobha ömöhöru we tukwitengʼera. Uyö we Ömötöörya uwa abhantö bhonswe igho, ekenene m-Mötöörya uwa bhano bhakumukumya.

1 Timoteo 5:5

Umusinö ono ataana ömöntö uwa ökömötöörrya, nkwitengʼera arë Waryobha, nkomosaasaama arë na okomosabha ubhutikö na omobhasö igha amötöörri.

2 Timoteo 1:3

Öni nkukumya ndë Waryobha ono nkokorra emeremo ko amaitegherro amaiya, kya bhoora abhakörö abhaane bhamokorranga emeremo. Ku bhuyö, nkukuhiita ndë senkaagha syonswe igho ko-masabhi aghaane ubhutikö na omobhasö.