1 Abhatësarönikë 2:8 - Imuuma Eehya

⁸ Ntwaabhahanshirë bhököngʼu. Ku bhuyö ntwaashömëëywë, te-Mangʼana Amaiya agheene igho twaabhatëëbhëri ukurwa ku-Waryobha hë, kasi ntwaakörrë ghonswe igho ghano ghakotora okobhatöörrya, ko bhoora bhëënyu m-baghonshe abhëëtö mörë.

1 Abhatësarönikë 2:8 ပူးပေါင်းရင်းမြစ်များ

Ruuka 7:2

Mu-mughi muyö, yaare-mo omonene uwa abhasirikare abha Ikiruumi. Omonene uyö, yaarenga na omoghorwa uwaaye ono yaahanshirë bhököngʼu. Kasi omoghorwa uyö, m-mörööyë musingu yaarë.

Abharuumi 1:1

Ritashandighi reno, nku-öni Pauro omoghorwa uwa Yëësu Kiristo riruurë. Naabherekerwa igha mbe omotomwa, nkaahorwa igha, ndaarekenga Amangʼana Amaiya agha Waryobha.

Abharuumi 10:1

Abhakumya bharikyëtö, ëkëntö ekenene keno nkutuna mo-nkoro iyaane, keno nkosaasaama ku-Waryobha, ni-igha Abhaisiraëri bharikyane bhatööribhwi.

Abharuumi 15:29

Nemanyirë igha, Yëësu Kiristo naretongʼoora öni na bhëënyu bhonswe igho hamwë ko-nkaagha eno urinyoora ndëngë kö-bhëënyu hayö.

2 Abhakörintö 12:15

Öni nendaashomerwe ukuruusya ëbhëntö ibhyane, na ukwiruusya öni umwene, okore mbatöörri. Kasi bhoono, nkomaahekana ërë igha, enkaagha eno öni nköghëndërrya okobhahansha bhököngʼu, ho bhëënyu mukusuuhya righonshe iryënyu ku-öni.

2 Abhakörintö 6:1

Mbe, ko bhono tokokora emeremo hamwë na Waryobha, ku bhuyö nkobhasaasaama törë igha, örööbhö urwa Waryobha rono mwanyoora, rotakaaheta bhosa.

Abhagharatia 4:19

Abhaana abhaane, kya bhoora omokari uwa enda akunyanka na ebhesa ko-nkaagha iya ukwebhora, öni wonswe ni-ighoigho nkwiyighwa. Nendaaghëndërri ukwiyighwa igho, okohekera hano eteemo iya Kiristo eremaahekana mo-teemo iyëënyu.

Abhafiripi 1:8

Waryobha namanyirë igha no-bhoheene nkoghamba, hano nakangʼasërrya igha, nkwighomba ndë okomaahana na bhëënyu ghwiki. Nembahanshirë ku righonshe reerareera Kiristo Yëësu abhahanshirë.

Abhafiripi 2:17

Nenkaruusya öbhöhöru ubhwane, bhobhe kya ikimwenso ikya idivai hamwë na umukumo ughwënyu ghono ghokokorwa ikimwenso ku-Waryobha, öni nendaashomerwe nsange hamwë na bhëënyu bhonswe igho.

Abhafiripi 2:20

Ko bhoora teneena ömöntö uwöndë ono akobhaighwera bhörrö heeneheene kya Timoteo.

Abhafiripi 4:1

Ku bhuyö abhakumya bharikyëtö, nembahanshirë, kora nkwighomba ndë mbamaahe. Bhëënyu mbo ukushomerwa ukwane, na m-bëënyu ituho iyaane eno naahaanwa ko okoghera iya meremo gheno naakora. Ni-igho ikutunwa igha bhaghonshe abhaane, monaghe ko-Monene.

Abhakorosaai 1:28

Ku bhuyö nkoraareka törë amangʼana agha Kiristo, torakaania abhantö na ukwëghya abhantö bhonswe igho, kwa obhongʼaini bhonswe igho, okore tobhareete bhonswe igho mbere iya Waryobha, kö-bhömwë ubhwa heene na Kiristo.

Abhakorosaai 1:7

Amangʼana Amaiya ghayö mwëëghibhwa na Epafura. Epafura uyö, m-moghonshe uwëëtö, ömököri uwa emeremo murikyëtö, kora m-möntö uwa heene, ko okokorra Kiristo emeremo ko okoghera iya bhëëtö.

Abhakorosaai 4:12

Epafura Omokorosaai murikyënyu wonswe nkobhakëërya arë, wonswe m-mököri uwa emeremo uwa Kiristo Yëësu. Epafura uyö, naana omotono ughwa okobhasabhera nkaagha syonswe igho, nkobhasabhera arë igha, monaghe ku-mukumo ughwënyu, na mohangarre ko amangʼana ghano Waryobha akutuna igha mokore.

Firimoni 1:1

Ritashandighi reno Firimoni, nö-öni Pauro nkwandëkëëyë. Öni mo-kebhohe ndë, ko okoghera iya okoraareka Amangʼana Amaiya agha Kiristo Yëësu. Öni toona umukumya murikyane Timoteo, torakökëërya uwe omoghonshe uwëëtö, ömököri uwa emeremo murikyëtö.

Abhaëbhuraania 13:17

Mwighwere abhatangati abhëënyu, kora mobhasooke. Bhayö n-senkoro isyënyu bhakunyankera, ko bhoora mbo bhareghamba amangʼana aghëënyu mbere iya Waryobha. Mobhaighwere, okore bhakorenga emeremo ighyabho bhashömëëywë. Bhatakaabhaabhayeranga, ko bhoora hano bharaabhaabhayere, timunyoore ehoorohooro yoyonswe igho hë.

1 Yohana 3:16

Hano Yëësu Kiristo yaaruusiri öbhöhöru ubhwaye ko okoghera iya bhëëtö, yaatwörökëri righonshe irya obhoheene. Kora bhëëtö bhonswe ni-igha turuusi öbhöhöru ubhwëtö, ko okoghera iya abhakumya bharikyëtö.