1 Abhatësarönikë 2:4 - Imuuma Eehya

⁴ Kasi nkoraareka törë ko bhoora Waryobha yaarööshë igha ntwingʼarëëyi okokora igho. Ku bhuyö akatohaana emeremo ighya okoraareka Amangʼana Amaiya. Ta-bhantö tukutuna ökötëghërya hë, kasi keno tukutuna nö-kötëghërya Waryobha, ko bhoora we akwitaaha ghonswe igho ghano gharëngë mo-senkoro isya abhantö.

1 Abhatësarönikë 2:4 ပူးပေါင်းရင်းမြစ်များ

Ruuka 12:42

Omonene akamohonshora igha, “Umwimërërri uwa heene na omongʼaini nö-öhë? Nö-mököri uwa emeremo ono omonene uwaaye araakumi, amotoore ku-bhwimërërri ubhwa bharikyaye, abhahaanenga ibhyakorya ko-nkaagha yaako.

Ruuka 16:11

Hano motaabhe abhantö abha heene kö-bhëntö ibhyënyu ibhya ko-kebhara kono, nawë araabhahaane ëbhëntö ibhya heene ibhya mu-ryobha?

Yohana 21:17

Akamöbhöörya ghwiki urwa katatö igha, “Simööni, mumura uwa Yohana, nonhanshirë?” Peetero akabhaabhayera ko bhoora yaamöbhöörri hare katatö igha, “Nonhanshirë?” Akamohonshora igha, “Omonene, kana uwe nomanyirë ghonswe igho. Nomanyirë igha nenkohanshirë.” Yëësu akamötëëbhya igha, “Rëësya amangʼöndi aghaane.

Abharuumi 8:27

Waryobha ono akwitaaha ghonswe igho ghano gharëngë mo-senkoro isya abhantö, we amanyirë amaitegherro agha Umwika Ömöhörëëru uwaaye. Umwika Ömöhörëëru uyö, nkosabhera arë abhantö abha Waryobha bhono Waryobha akutuna.

1 Abhakörintö 7:25

Bhoono ko amangʼana agha abhahara bhano bhataraatetwa, teneena engʼana iya Omonene iya okobharaghërrya. Kasi nkobharaghërrya ndë bhono öni nkomaaha, ko bhoora ko okoghera iya ikyabhera ikya Omonene, m-möntö uwa heene ndë.

1 Abhakörintö 9:17

Hano ndaakore emeremo ghiyö ko okohansha ukwane öni umwene, nendaatuhwe. Kasi hano oraanyoore igha te-ko okohansha ukwane hë, mmanye igha naakumibhwa, nkahaanwa ubhwimërërri.

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.

2 Abhakörintö 4:2

Bhëëtö twanga amangʼana agha ubhubhise na agha sënsöni, kora tetokokora amangʼana agha öbhöngënërrya, handë ukwishooghania engʼana iya Waryobha na obhorongo. Kasi keno tokokora, no-koraareka obhoheene harabhurabhu igho, okore abhantö bhonswe igho, bhatomanye mo-maitegherro aghaabho igha, na-bhantö abha heene törë ku-Waryobha.

2 Abhakörintö 5:11

Ntomanyirë ubhuuya ubhwa okosooka Omonene Waryobha. Ku bhuyö nkokora törë omotono ughwa ukuruta abhantö, okore bhasooke Waryobha. Waryobha natomanyirë bhuuya kya igho törë. Öni nkwitengʼera ndë igha, bhëënyu bhonswe, mmotomanyirë bhuuya mo-maitegherro aghëënyu.

2 Abhakörintö 5:16

Ku bhuyö ukusimirya bhoono igho, tetokorengʼaania ubhwera ubhwa ömöntö ko amangʼana agha kinyabhantö, nokaanyoora ekembere ntwaarengʼaaninga kora Yëësu Kiristo ko amangʼana agha kinyabhantö. Kasi bhoono igho, ti-igho tokokora hë.

Abhagharatia 1:10

Bhoono bhëënyu nkokanya mörë igha nkutuna ndë okohanshwa na abhantö? Ti-igho hë, keno nkutuna no-kohanshwa na Waryobha umwene igho! Okaanyöörrë igha na-bhantö nkutuna kötëghërya, tenkaabhaayë omoghorwa uwa Yëësu Kiristo hë.

Abhagharatia 2:7

Mbe, abhatangati bhakangʼura igha, Waryobha yaantoma ndaarekere Abhakyaro Amangʼana Amaiya agha Yëësu, kya bhono yaatoma Peetero araarekere Abhayahudi.

Abhaëfësö 3:8

Öni m-möntö moke ndë ko-bhantö abhahörëëru bhonswe igho abha Waryobha, kasi naahaaywë örööbhö urwa amaabhë aghaaye, okore ndaarekere Abhakyaro ubhwamë ubhwa Yëësu Kiristo. Ubhwamë bhuyö, tebhoona ekerengere hë. N-këköngʼu okomanyërribhwa na abhantö.

Abhaëfësö 6:6

Motakaabhaighwera enkaagha eno ukunyoora bhaaho, okore bhabhakumi. Kasi mobhaighwere okanya igha m-baghorwa abha Yëësu Kiristo mörë. Ëkëntö keno Waryobha akutuna igha mokore, mokekore kwa nkoro nshiiya.

Abhakorosaai 3:22

Na bhëënyu abhaghorwa, mwighwere abhanene abhëënyu abha ko-kebhara kono, ko-meremo ghyonswe igho. Motakaitangatërrya moraishömya hano bhaaho, okore igha bhabhakumi, kasi mobhasooke senkaagha syonswe igho, kwa nkoro nshiiya, ko bhoora nkosooka mörë Omonene Yëësu.

1 Timoteo 6:20

Timoteo, onaghi bhuuya ghonswe igho ghano Waryobha yaakohaana. Wibhashe amangʼana amanyanku, teghaana ubhwera bhwobhwonswe bhoora hë. Otakaisohya mo-senkaani isya ekekangi, seno abhandë bhakokanya igha, nsyo obhongʼaini.

2 Timoteo 1:14

Amangʼana amaiya ghano waatëëbhibhwa, ogharende ku singuru isya Umwika Ömöhörëëru ono arëngë mö-bhëëtö.

2 Timoteo 2:2

Amëëghyö ghaara waaighwa ndaghamba harabhu igho mo-bhaimërërri abhaaru, bhoono uwe oghaghööti abhantö abha heene, bhano bharaatore ukwëghya abhantö abhandë.

Tiito 1:3

Bhoono eno yo enkaagha eno Waryobha ahanshirë igha ööröki harabhu igho Amangʼana aghaaye Amaiya. Waryobha Ömötöörya uwëëtö yaahanshirë igha, angʼaane emeremo ighya okoraareka amangʼana ghayö.

Abhaëbhuraania 4:13

Tekeeho ëkëntö keno kyaabhombwa keno ketarëngë harabhu igho ku-Waryobha. Ko bhoora ëbhëntö bhyonswe igho n-harabhu igho bhërë ku-Waryobha, uyö we törëtëëbhya amangʼana ghano tokokora.

1 Peetero 4:11

Hano ömöntö aana amangʼana agha okoghamba, aghambe ko obhotoro bhono bhuruurë ku-Waryobha. Na hano araakorre bharikyaye emeremo, abhakorre ko obhotoro bhono bhukurwa ku-Waryobha. Hano moraakore igho, Waryobha naraakumibhwi ko amangʼana ghonswe igho, ko okoghera iya Yëësu Kiristo, uyö we aana ubhuhika na öbhötöngi ko makora na amakora. Amina.

Okohonyora 2:23

Ghwiki obhoheene ni-igha, nendaaite abhasoorani abhaaye. Hayö ho abhantö abha ekanisa bhareemanya igha, öni nkwitaaha ndë enkoro na amaitegherro agha ömöntö. Nendehaka kera ömöntö mö-bhëënyu, ko okorengʼaana na ghano yaakora.