1 Abhatësarönikë 2:2 - Imuuma Eehya

² Ghwiki mmomanyirë igha, enkaagha eno waanyöörrë totaraahika kö-bhëënyu, ntwaanyankiibhwi bhököngʼu, kora tokatokwa mu-mughi ghoora ghokobherekerwa igha Firipi. Nokaanyoora twaarëbhërrëywë bhököngʼu igha totakaasha kö-bhëënyu, kasi Waryobha yaatohaayë singuru isya okoraareka Amangʼana aghaaye Amaiya kö-bhëënyu.

1 Abhatësarönikë 2:2 ပူးပေါင်းရင်းမြစ်များ

Amangʼana agha Abhatomwa 14:3

Pauro bhaana Bharinaabha bhakaghëndërrya ukwikara Iköniö hayö sinsikö sinsharu. Bhakaraareka amangʼana agha örööbhö urwa Omonene Yëësu ko obhokarë. Omonene Yëësu wonswe akabha arabhaimererra ko okobhahaana obhotoro ubhwa okokora amakono na ebhemanyërryö.

Amangʼana agha Abhatomwa 14:5

Mbe, Abhayahudi abhandë na Abhakyaro, hamwë na abhatöngi abhaabho, bhakasëëmya ököröönia Pauro bhaana Bharinaabha kora bhakatuna bhabhateme na amaghena.

Amangʼana agha Abhatomwa 16:12

Kukurwa hayö, tokaghya igho, tokahika mu-mughi omonene ghono ghwaabherekerwanga igha Firipi. Umughi ghuyö, ngwaarë mu-kyaro ikya Makedonia. Ghwaaghöötërrëëywë na Abharuumi. Tokaikara-mo sinsikö nyabhorebhe.

Amangʼana agha Abhatomwa 16:19

Mbe, abhanene abha umwisëkë uyö, hano bhaarööshë igha teeho enshera iyëndë eno bharaanyoorenga ehoorohooro, bhakaghoota Pauro bhaana Siira, bhakabharuta okohekera hano bhaabhahikiri mo-bharasa, ko-bhatöngi abha umughi ghuyö.

Amangʼana agha Abhatomwa 16:37

Kasi Pauro akatëëbhya abhantö bhayö bhaarëëtirë amangʼana ghayö igha, “Ndarra mbaarë bhatötëmirë bhörrö, harabhu igho mo-bhantö, kora bhataraatobhotorra ikiina? Bhëëtö m-Baruumi törë! Bhakatoseekera mu-nyumba iya ekebhohe. Bhoono nkutuna bharë kotohaatera bhughunyi igho? Tekeebhe hë! Tigha abheene bhaashe hano, bhatohaatere!”

Amangʼana agha Abhatomwa 17:1

Mbe, Pauro bhaana Siira bhakahetera mu-mughi ghono ghwaabherekerwanga igha Amfipöri, na ughwöndë igha Apörönia, bhakahika Tësarönikë. Tësarönikë hayö ho inyumba iya esango iya Abhayahudi yaarë.

Amangʼana agha Abhatomwa 17:17

Mbe, akabha arasoha mu-nyumba iya esango iya Abhayahudi, arashumaasha na bhano yaasikananga nabho muyö. Akashumaasha na Abhayahudi na Abhakyaro bhano bhaaighweranga Waryobha, akabhaheemera amangʼana agha Yëësu. Akaheemera kora bhano yaasikananga nabho mo-moteera kera urusikö.

Amangʼana agha Abhatomwa 19:8

Mbe, ku-ribhagha irya imyëri etatö, Pauro akabha arasoha mu-nyumba iya esango iya Abhayahudi, arashumaasha na abhantö ko obhokarë, akaiköngʼërrya igha abharute ko amangʼana agha Obhokama ubhwa Waryobha.

Amangʼana agha Abhatomwa 4:13

Abhanene bhayö, bhakamaaha igha Peetero na Yohana, bhaashumaashirë ko bhokarë, bhakaroghoora bhököngʼu, ko bhoora mbamanyirë igha, tebhaasömirë hë. Kasi bhakahiita igha, Peetero na Yohana, n-hamwë bhaabhanga na Yëësu.

Amangʼana agha Abhatomwa 4:20

Bhëëtö tituutighe ukushumaashera amangʼana ghano twaaighwa na ukwimaahera bhëëtö abheene!”

Amangʼana agha Abhatomwa 4:31

Hano bhaamarrë okosaasaama Waryobha, inyumba eno bhaarenga bhaikomaini-mo, ekasingisa. Bhakaishöribhwa Umwika Ömöhörëëru bhonswe igho, bhakaghëndërrya ukwëghya abhantö engʼana iya Waryobha ko bhokarë.

Amangʼana agha Abhatomwa 5:41

Abhatomwa bhayö, bhakarwa mu-ribharasa hayö bhashömëëywë, ko bhoora Waryobha yaatunirë bhasookwe ko enshera iya okoserwa ko okohetera iriina irya Yëësu.

Abharuumi 1:1

Ritashandighi reno, nku-öni Pauro omoghorwa uwa Yëësu Kiristo riruurë. Naabherekerwa igha mbe omotomwa, nkaahorwa igha, ndaarekenga Amangʼana Amaiya agha Waryobha.

2 Abhakörintö 3:12

Nkoghamba törë ko bhokarë, ko okoghera iya ubhweseghe bhuyö toonabho.

Abhakorosaai 2:1

Nkutuna ndë momanye bhono neena omotono ko-meremo, ko okoghera iya bhëënyu, na bhaara abha mu-mughi ughwa Raodikia, hamwë na abhandë bhonswe igho bhano motaakaandööshë.

1 Abhatësarönikë 1:5

Ntomanyirë igha, Amangʼana Amaiya ghano twaabharaarëkëëyë, te-mangʼana agheene igho ghaarë hë, kasi ntwaaraarëkirë ku singuru, na okohetera ku-Mwika Ömöhörëëru, eno toona obhoheene igha, amangʼana ghayö na-agha obhoheene. Bhëënyu mmönyirë bhuuya kya igho twaarë hamwë na bhëënyu, okore tobhatöörri.

2 Timoteo 1:12

Kiyö nkyo kekoghera ndanyanka. Kasi tenkosookera inyanko iyö hë, ko bhoora nemanyirë ono naakumya. Ghwiki nemanyirë igha, amangʼana agha obhoheene ghano Yëësu Kiristo yaangʼaana, nkogharenda arë bhuuya okohekera urusikö roora arikyora.

Yuuda 1:3

Abhaghonshe abhaane, naaighombanga bhököngʼu igha, mbandekere amangʼana agha öbhöhönia bhono tokosanga bhëëtö bhonswe igho. Kasi ndööshë igha, ni-igha mbandekere ritashandighi reno, ko okobhasabha igha, mokore omotono ughwa okonaghya umukumo ghono Waryobha yaahaana abhantö abhaaye kamwë igho.