1 Abhatësarönikë 2:16 - Imuuma Eehya

¹⁶ ko bhoora bhakotokaania okoraareka Amangʼana Amaiya ko-Bhakyaro. Keno bhakutuna ni-igha, Abhakyaro bhatakaatööribhwa. Ku bhuyö ni-igho bhaköghëndërrya okohekerania ëbhëbhë bhyonswe igho bheno bhakokora senkaagha syonswe igho. Kasi bhoono öbhöbhë ubhwa Waryobha, bhobhahëkërëëyë!

1 Abhatësarönikë 2:16 ပူးပေါင်းရင်းမြစ်များ

Mataayo 12:45

Mbe, hayö ho bhoono risambwa riyö rikughya ukutuna amasambwa aghandë muhungatë amaghogho bhököngʼu koreheteera. Na amasambwa ghayö, ghonswe igho nkuusha gharë ghamenya kö-möntö uyö. Ku bhuyö ömöntö uyö, nkobha arë omoghogho okokera mbere haara. Na ni-igho erebha kö-bhëënyu abhantö abha rekora righogho reno.”

Mataayo 23:32

Bhoono mbe momarërri ghaara abhakörö abhëënyu bhaatangirë kokora.

Mataayo 24:14

Kora ghwiki ni-igha, Amangʼana Amaiya agha Obhokama ubhwa Waryobha, ngareraarekwa ko-kebhara kyonswe igho, okore ghabhe kya ubhwimërërri ku-bhyaro bhyonswe igho. Hayö bhoono, ho urusikö urwa umuhiko rurihika.

Mataayo 24:6

“Ko-nkaagha iyö, muriighwanga amangʼana agha riihë na singʼurusa isya riihë. Motakaasha okoroghoora hano moremaahanga amangʼana ghayö, ni-igha ghabhe, kasi umuhiko ughwa ekebhara, turinyoora ghoraahika hë.

Mataayo 3:12

Uyö, naana orohongo mo-kobhoko ukwaye, urwa ukwerorra. Hano aremara, narekomania engano aghetoore mo-ketara, kasi umwiruro, nareghosamba mo-morro ghono ghotakurima.”

Maariko 16:16

Ömöntö wowonswe igho ono araakumi, abhatiisibhwi, naraatööribhwi. Kasi, ömöntö wowonswe igho ono ataakumi, uyö naraabhotorrwe ikiina.

Amangʼana agha Abhatomwa 13:45

Hano Abhayahudi bhaarööshë igha abhantö m-baaru bhököngʼu bhaaikomaini ukwitegherra abhatomwa bhayö, bhakakorra abhatomwa bhayö rikenge. Ku bhuyö bhakabha bharabhanyeera senkaani ko mangʼana ghonswe igho ghano Pauro yaaghambanga, na okobhatoka.

Amangʼana agha Abhatomwa 13:50

Kasi Abhayahudi bhakasëëghërrya abhakari Abhakyaro bhano bhaasookwanga. Abhakari bhayö, m-bano bhaasöhirë mu-diini iya Ikiyahudi. Bhakasëëghërrya na abhatangati abha umughi ghuyö, bhakanyankya Pauro bhaana Bharinaabha, kora bhakabharughya ukurwa hayö.

Amangʼana agha Abhatomwa 14:19

Mbe, bhakaasha-ho Abhayahudi abhandë bhano bhaarwërëëyë Antiökia na Iköniö. Bhakangʼënërrya abhantö abha mu-mughi ughwa Risitira, bhakaghootana hamwë, bhakatema Pauro na amaghena. Bhakamungʼuura ukughya kebhara iya umughi, bharakanya igha nakuurë.

Amangʼana agha Abhatomwa 14:2

Kasi Abhayahudi abhandë abhamangarru, bhakasimya ökösëëghërrya Abhakyaro okore bhareghe abhakumya.

Amangʼana agha Abhatomwa 14:5

Mbe, Abhayahudi abhandë na Abhakyaro, hamwë na abhatöngi abhaabho, bhakasëëmya ököröönia Pauro bhaana Bharinaabha kora bhakatuna bhabhateme na amaghena.

Amangʼana agha Abhatomwa 17:13

Kasi Abhayahudi abha Tësarönikë, hano bhaamanyirë igha Pauro nkwëghya arë abhantö engʼana iya Waryobha mu-mughi ughwa Bherooya, bhakaghya-yo. Bhakasëëghërrya rikomo irya abhantö bhano bhaarë hayö, riihë rekaghöötya.

Amangʼana agha Abhatomwa 19:9

Kasi abhandë bhakabha na emetwe ëmëköngʼu, bhakaanga ukukumya, kora bhakanyeera senkaani amangʼana agha Omonene Yëësu harabhu igho. Bhakaghasera mo-bhantö, ku bhuyö Pauro, akahaaterana nabho. Akaahora abheegha abha Yëësu, akabhahira mu-shuurë iya umwëghya Tirano. Akabha arashumaasha nabho iyö amangʼana agha Yëësu.

Amangʼana agha Abhatomwa 21:21

Bhaatëëbhibhwa igha, nkwëghya örë Abhayahudi bhonswe igho bhano bhaikaayë mu-bhyaro ibhya Abhakyaro igha, bhatighe okoghoota amaraghërryö ghayö. Okabhakaania igha bhatakaasaara abhaana abhaabho, handë ököröndërrya seteemo isya Ikiyahudi.

Amangʼana agha Abhatomwa 23:12

Hano bhwaakëëyë, Abhayahudi nyabhorebhe bhakakora ikiina bhubhise. Bhakaihiimirrya igha, bhatakaarya, handë ukunywa kyokyonswe keera, okohekera hano bharaaite Pauro.

Amangʼana agha Abhatomwa 24:9

Abhayahudi bhakaikërrya igha, ghayö ghonswe igho Tëriturö aghambirë m-maheene.

Amangʼana agha Abhatomwa 25:2

Abhanene abha abhasëngëri, hamwë na abhatangati abha Abhayahudi, bhakamoreetera ikikuuro ikyabho ko-mangʼana agha Pauro. Bhakasaasaama Fesito,

Amangʼana agha Abhatomwa 25:7

Hano Pauro yaahikirë hayö, akanyoora Abhayahudi bhano bhaangʼaaraarrë ukurwa Yërusarëëmu, hayö bharë. Bhakeemerra bhamötöörrë ghatë. Abhayahudi bhayö bhakamushongera amangʼana amaaru amarito, ghano bhaatatörrë ukwörökya obhoheene ubhwako.

Amangʼana agha Abhatomwa 4:12

“Öbhöhönia nku-Yëësu Kiristo umwene igho bhokotooka! Mu-kyaro kyonswe igho, taaho ömöntö ono Waryobha yaahaana ubhwera ubhwa ökötöhönia, kasi n-Yëësu Kiristo umwene igho!”

Amangʼana agha Abhatomwa 9:23

Hano sinsikö syaahëtirë-ho këmwëkëmwë, Abhayahudi bhakakora inikö iya ukwita Sauri.

1 Abhakörintö 10:33

Mobhe kya öni bhono nkötëghërya abhantö bhonswe igho, ko amangʼana ghonswe igho ghano nkokora. Tenkokora igho ko okoghera iya ehoorohooro iyaane, kasi n-ko okoghera iya ehoorohooro iya abhantö abhaaru okore bhatööribhwi.

Abhagharatia 5:11

Abhakumya bharikyëtö, ndaighwa abhantö abhandë bharaghamba igha, öni nkoraareka nkërë igha, abhashaasha bhonswe igho ni-igha bhasaarwe. Hano okaanyöörrë igha m-maheene ni-igho nkoraareka, n-kwakë Abhayahudi bhakunyankya? Singa ni-igho nkoraareka ko-bhantö, okoraareka ukwane amangʼana agha omosarabha ughwa Yëësu, tekokaaghërrë Abhayahudi bhandererre hë.

Abhaëfësö 3:13

Ku bhuyö bhoono nkobhasabha ndë igha, motakaakwa emetwe ku-nyanko eno nkunyoora ko okoghera iya bhëënyu, kasi keno mokaakora, nu-kwiheemera inyanko iyö.

Abhaëfësö 3:8

Öni m-möntö moke ndë ko-bhantö abhahörëëru bhonswe igho abha Waryobha, kasi naahaaywë örööbhö urwa amaabhë aghaaye, okore ndaarekere Abhakyaro ubhwamë ubhwa Yëësu Kiristo. Ubhwamë bhuyö, tebhoona ekerengere hë. N-këköngʼu okomanyërribhwa na abhantö.

1 Abhatësarönikë 1:10

Bhoono nkoghanya mörë Omoona uwa Waryobha, Yëësu, aike ukurwa mu-ryobha. Uyö we Waryobha yaaryökëri, ghwiki we akötötöörya okore Waryobha atakaasha ukutushibhya hano arebhotorra abhantö bhonswe igho ibhiina ibhyabho.

2 Abhatësarönikë 2:10

Narebhangʼaina ko obhongʼanangʼana ubhwaru, bhonswe igho bhano bharëngë ko-bhesendo ibhya ukusira, ko bhoora bhakwanga ukwikërrya obhoheene, okore bhatööribhwi.

1 Timoteo 2:4

Keno Waryobha akutuna ni-igha abhantö bhonswe igho bhatööribhwi kora bhamanye obhoheene.

Abhaëbhuraania 6:8

Kasi hano ryamërya amaanyamahwa na eketoha, terekobha na ubhwera hë, nkunyoora örë n-haangʼë rërë rihiimwe. Umuhiko ughwako no-kosambwa.

Okohonyora 22:11

Mbe, ömöntö ono akokora amangʼana amaghogho, we ataghëndërrya okokora amaghogho ghayö, na ono akokora amangʼana amanyanku, wonswe aghëndërri okokora amangʼana amanyanku ghayö. Ömöntö uwa heene, wonswe aghëndërri okobha ömöntö uwa heene, ömöhörëëru wonswe, aghëndërri okobha ömöhörëëru.”