1 Abhatësarönikë 2:14 - Imuuma Eehya

¹⁴ Abhakumya bharikyëtö, ghaara ghaanyöörrë abhakumya abha Kiristo Yëësu mo-makanisa agha Waryobha mo-mokowa ughwa Yudea, ni-ighoigho na bhëënyu ghaabhanyöörrë. Abhantö abhëënyu bhaabhanyankëri, kya hano bhayö bhaanyankiibhwi na Abhayahudi bharikyabho.

1 Abhatësarönikë 2:14 ပူးပေါင်းရင်းမြစ်များ

Amangʼana agha Abhatomwa 11:19

Mbe, abhakumya bhano bhaanyaraghaini ku kibhuno ikya inyaanyi iya ukwitwa ukwa Sitefaano, mbaangʼösëëyë mu-bhyaro ibhya Föinikë, abhandë Kiipuro, na mu-mughi ughwa Antiökia. Hano bhaahikirë iyö, bhakabha bharëëghya amangʼana agha Yëësu ko-Bhayahudi abheene igho.

Amangʼana agha Abhatomwa 13:50

Kasi Abhayahudi bhakasëëghërrya abhakari Abhakyaro bhano bhaasookwanga. Abhakari bhayö, m-bano bhaasöhirë mu-diini iya Ikiyahudi. Bhakasëëghërrya na abhatangati abha umughi ghuyö, bhakanyankya Pauro bhaana Bharinaabha, kora bhakabharughya ukurwa hayö.

Amangʼana agha Abhatomwa 14:19

Mbe, bhakaasha-ho Abhayahudi abhandë bhano bhaarwërëëyë Antiökia na Iköniö. Bhakangʼënërrya abhantö abha mu-mughi ughwa Risitira, bhakaghootana hamwë, bhakatema Pauro na amaghena. Bhakamungʼuura ukughya kebhara iya umughi, bharakanya igha nakuurë.

Amangʼana agha Abhatomwa 14:2

Kasi Abhayahudi abhandë abhamangarru, bhakasimya ökösëëghërrya Abhakyaro okore bhareghe abhakumya.

Amangʼana agha Abhatomwa 14:4

Kasi abhantö abha umughi ghuyö bhakaahokana. Abhandë bhakabha orobhareka urwa Abhayahudi, na abhandë urwa abhatomwa bhaara.

Amangʼana agha Abhatomwa 14:5

Mbe, Abhayahudi abhandë na Abhakyaro, hamwë na abhatöngi abhaabho, bhakasëëmya ököröönia Pauro bhaana Bharinaabha kora bhakatuna bhabhateme na amaghena.

Amangʼana agha Abhatomwa 17:13

Kasi Abhayahudi abha Tësarönikë, hano bhaamanyirë igha Pauro nkwëghya arë abhantö engʼana iya Waryobha mu-mughi ughwa Bherooya, bhakaghya-yo. Bhakasëëghërrya rikomo irya abhantö bhano bhaarë hayö, riihë rekaghöötya.

Amangʼana agha Abhatomwa 18:12

Enkaagha eno Ghario yaarenga ömötöngi uwa Akaaya, ho Abhayahudi bhaaghootaini hamwë, bhakaseeta Pauro, bhakamoghoota, bhakamuhira mo-bharasa.

Amangʼana agha Abhatomwa 8:1

Sauri wonswe yaaikererrraini na ukwitwa ukwa Sitefaano. Mbe, abhantö bhano bhaaighweranga Waryobha, bhakabheeka Sitefaano, bhakamokoorra bhököngʼu. Urusikö roora Sitefaano yaaitirwë, abhantö abha ekanisa iya Yërusarëëmu, bhaanyankiibhwi bhököngʼu, kora bhakanyaraghana. Abhaaru mbaangʼösirë, kasi abhatomwa abha Yëësu abheene igho, mbo bhaatighaayë Yërusarëëmu hayö. Bhano bhaangʼösirë, mbaangʼösëëyë mo-mokowa ughwa Yudea na Samaaria.

Amangʼana agha Abhatomwa 8:3

Sauri wonswe yaarenga asimiri ukusikya abhantö abha ekanisa. Yaasohanga mu-sinyumba isyabho, arabhahorotora-mo kwa nguru, abhakari na abhashaasha bhano yaanyooranga-mo, abhahira mu-nyumba iya ekebhohe.

Amangʼana agha Abhatomwa 9:1

Ku-ribhagha riyö ryonswe igho, Sauri yaasëmërrëëyë na ibhyöbhöhërryö ibhyaye, ibhya ukwita abheegha abha Omonene Yëësu. Akaghya ko-monene uwa abhasëngëri,

Amangʼana agha Abhatomwa 9:13

Kasi Anania akamohonshora igha, “Omonene, naighwa amangʼana ukurwa ko-bhantö abhaaru, kya bhono Sauri uyö yaakorra abhantö abhaaho abhahörëëru amangʼana amaghogho Yërusarëëmu iyö!

Amangʼana agha Abhatomwa 9:31

Mbe, ekanisa ekabha na omorembe ahasë honswe igho, Yudea, mo-mokowa ughwa Ghariraaya na Samaaria. Abhakumya bhakaghëndërrya okonagha, na okosooka Omonene Yëësu. Ko okoseghwa na Umwika Ömöhörëëru, abhantö bhakaaruha mo-kanisa.

1 Abhakörintö 10:32

Motakaabha ikibhuno ikya ukutimba Abhayahudi, abhantö bhano bhatarë Abhayahudi, handë ekanisa iya Waryobha.

1 Abhakörintö 7:17

Kera ömöntö amenye ko okorengʼaana na ësëëmyö iya Omonene, aghëndërri okobha kya bhono yaarë hano Waryobha yaamöbhërëkëëyë. Amangʼana ghayö, ngo nkoraghërrya ko-makanisa ghonswe igho.

Abhagharatia 1:22

Enkaagha iyö abhakumya abha Kiristo abha amakanisa agha mo-mokowa ughwa Yudea, tebhaarenga bhammanyirë hë.

1 Abhatësarönikë 1:1

Ritashandighi reno, nö-öni Pauro ndyandëkirë toona Siriwano hamwë na Timoteo. Ekanisa iya umughi ghono ghokobherekerwa igha Tësarönikë, m-bëënyu tukwandekera, abhantö bhano mukukumya Taata uwëëtö Waryobha na Omonene uwëëtö Yëësu Kiristo. Waryobha abhahaane örööbhö na omorembe.

1 Abhatësarönikë 1:6

Nokaanyoora mwaatëësirwë bhököngʼu ku ikibhuno ikya umukumo ughwënyu, kasi mwaaikërëëyi engʼana iyö ku ukushomerwa kono kukurwera ku-Mwika Ömöhörëëru. Nkö-bhëëtö na ko-Monene Yëësu nko mwëëghëëyë ököghömërrya ghayö.

1 Abhatësarönikë 3:4

Ghayö mmoghamanyirë, ko bhoora enkaagha eno twaarë na bhëënyu, ntwaabhahitökyanga igha, ntoraanyankibhwi. Bhoono ni-igho ërë.

2 Abhatësarönikë 1:1

Ritashandighi reno nö-öni Pauro ndyandëkirë toona Siriwano hamwë na Timoteo. Ekanisa iya umughi ghono ghokobherekerwa igha Tësarönikë, m-bëënyu tukwandekera, abhantö bhano mukukumya Taata uwëëtö Waryobha na Omonene uwëëtö Yëësu Kiristo.

2 Abhatësarönikë 1:4

Ku bhuyö nkwikumya törë mo-makanisa agha Waryobha, ko okoghera iya ököghömërrya ukwënyu, na umukumo ghono moonagho ku-nyanko yonswe igho, na inyaanyi eno mukunyoora.