1 Abhatësarönikë 2:13 - Imuuma Eehya

¹³ Bhëëtö tetokorosa ukukumya Waryobha hë, ko bhoora hano mwaaighuurë engʼana iyaaye eno twaabharaarëkëëyë, temwaghëghöötirë okanya igha nkö-möntö iruurë hë. Kasi mwaaghëghöötirë igha, ni-iya Waryobha, na maheene ni-igho ërë. Engʼana iyö, nkokora ërë emeremo mo-senkoro isyënyu, bhëënyu bhano mukukumya.

1 Abhatësarönikë 2:13 ပူးပေါင်းရင်းမြစ်များ

Mataayo 10:20

Ko bhoora ti-igha m-bëënyu moreghamba hë, kasi nu-Mwika uwa Taata uwëëtö we areghera moghambe keno akutuna moghambe.

Mataayo 10:40

Yëësu akaghëndërrya okobhatëëbhya igha, “Ömöntö wowonswe ono akobhasërëënia, nö-öni ukunyoora asërëënëri. Ömöntö wowonswe ono akönsërëënia, n-Waryobha ono yaantoma we ukunyoora asërëënëri.

Ruuka 11:28

Kasi Yëësu akamohonshora igha, “Ti-igho hë, kasi nyakara ömöntö ono akwighwa, na okoghoota engʼana iya Waryobha.”

Ruuka 5:1

Urusikö nyabhorebhe, Yëësu yëëghyanga engʼana iya Waryobha, aimërëëyë ko-morambo ughwa inyansha iya Ghariraaya. Abhantö abhaaru bhakamusuntarra haangʼë bhamwinaarrë, okore bhamwitegherre.

Ruuka 8:11

“Ensonga iya ëkërëngyö kiyö ni-igha, Amangʼana Amaiya agha Waryobha, ngo imbusiro.

Ruuka 8:21

Yëësu akabhahonshora igha, “Maayö na abhamura abhëëtö m-bano bhakwitegherra engʼana iya Waryobha na ukughikërrya.”

Yohana 15:3

Bhëënyu bhoono, m-buuya mörë, ko okoghera iya amëëghyö ghayö mbëëghëri.

Yohana 17:17

Obhakore bhabhe abhahörëëru ko obhoheene ubhwaho. Öbhëëghi engʼana iyaaho, ko bhoora engʼana iyaaho yo obhoheene.

Yohana 17:19

Ndaitoora-ho öni umwene ku-uwe, ko okoghera iya bho, okore bhahörëëribhwi ko obhoheene ubhwaho.

Amangʼana agha Abhatomwa 10:33

Kiyö nkyo kyaaghërrë nkatoma abhantö bhakobherekere. Na uwe wonswe, ökörrë bhuuya wishirë, okore ötötëëbhi bhano bhonswe igho törëngë mbere iya Waryobha hano. Twighwe amangʼana ghonswe igho, ghano Omonene yaakoraghërrëëyi.”

Amangʼana agha Abhatomwa 13:48

Hano Abhakyaro bhaaighuurë igho, bhakashomerwa. Bhakakumya amangʼana agha Omonene Yëësu. Bhonswe igho bhano bhaaitengʼerwanga ukunyoora öbhöhöru ubhwa amakora ghonswe igho, mbaakumiri Omonene Yëësu.

Amangʼana agha Abhatomwa 16:14

Mo-bhantö bhano bhaatwitegherranga, yaare-mo omokari uwöndë uwa umughi ughwa Tiyatira, ono yaabherekerwanga igha Ridia. Ridia m-möhönia yaarë uwa singibho sinshiiya isya erangë këësërö, omokari uyö, yaasookanga Waryobha. Omonene Yëësu akaghoota enkoro iya Ridia, enkaagha eno yaaitegherranga amangʼana ghano Pauro yaaghambanga. Akakumya amangʼana ghayö, akabhatiisibhwa.

Amangʼana agha Abhatomwa 17:11

Abhabheerooya bhayö, m-bantö abha heene bhaarë okokera Abhatësarönikë. Ko bhoora bhaaghöötirë engʼana iya Waryobha ko motono, bhakabha bharitaaha mo-Maandeko Amahörëëru sinsikö syonswe igho, okore bhamaahe nyoore amangʼana ghayö Pauro akoghamba m-maheene!

Amangʼana agha Abhatomwa 17:32

Mbe, hano bhaaighuurë amangʼana agha ukuryoka ukwa abhaku, abhandë bhakashabhura. Kasi abhandë bhakamötëëbhya igha, “Toratuna ghwiki tukwitegherre ko engʼana iyö.”

Amangʼana agha Abhatomwa 2:41

Mbe, abhantö kya ëbhëkwë bhitatö, bhakakumya amangʼana agha Peetero, bhakabhatiisibhwa. Abheegha abha Yëësu bhakaaruha bhököngʼu urusikö ruyö.

Amangʼana agha Abhatomwa 8:14

Hano abhatomwa abha Yëësu abha Yërusarëëmu eera bhaaighuurë igha, abhantö abha mu-mughi ghono ghwaabherekerwanga igha Samaaria, bhaakumiri engʼana iya Waryobha, bhakatoma-yo Peetero bhaana Yohana.

Abharuumi 10:17

Ku bhuyö abhantö nkobha bharë na umukumo hano bhaighwa amangʼana agha Yëësu Kiristo. Kasi hano bhataraarëkëëywë amangʼana ghayö, iyakë bharaakore bhabhe na umukumo?

2 Abhakörintö 3:18

Bhëëtö bhonswe igho bhano totakundikiiyi ubhusyö, m-bëëtö emerengaari ighya Omonene ghekohetera-mo kya ikyowa. Omonene ono ërëngë igha we Umwika, nkutusyörya arë, tutuubhane nawe, ukurwa ko-merengaari okohekera ko-merengaari ëmërörö bhököngʼu.

Abhagharatia 4:14

Nokaanyoora ni-igho naarë, temwansërrë handë ukunyanga hë. Kasi keno mwaakörrë nukunyikërrya kya bhono mokaaikërëëyi maraika uwa Waryobha handë Kiristo Yëësu umwene.

Abhakorosaai 1:6

Amangʼana Amaiya ghayö mwaatëëbhiibhwi, nkoromaana gharë ko-kebhara kyonswe igho. Kora nköghëndërrya gharë ukusyörya seteemo isya abhantö, okore bhatëghëri Waryobha. Engʼana iyö, n-kya bhono yaabhaayë kö-bhëënyu ukusimirya hano mwaaighuurë Amangʼana Amaiya agha örööbhö urwa Waryobha, mokamanya bhuuya kya igho örööbhö urwaye urwa heene rörë.

Abhaëbhuraania 4:12

Momanye igha engʼana iya Waryobha nkoheeshera ërë, kora neena obhotoro okokera umushonge umwöghë nyambagha ibhërë. Engʼana iyö, nkobheta ërë ömöntö igho ihika mo-maghuha, yahokania imyaho na amaghuta ghano ghaamo. Kora nkwangoha ërë okomanya amaitegherro ghano gharëngë mo-nkoro iya ömöntö, na keno akutuna.

Abhaëbhuraania 4:2

Momanye igha kora bhëëtö bhonswe ntwaraarekerwa amangʼana amaiya kya bhaaghuuka. Kasi amangʼana ghaara bho bhaaraarëkëëywë, teghabhaayë na ubhwera hë, ko bhoora tebhaghakumiri hë.

Yaakobho 1:18

Kya bhono we umwene yaatunanga, akatokora tobhe abhaana abhaaye, ko okohetera ko-ngʼana iyaaye iya obhoheene, okore tobhe abhatangi abhaaye, ku-bhyonswe igho bheno yaabhömbirë.

1 Peetero 1:23

ko bhono mwibhööywë bhohya. Ukwebhorwa bhohya kuyö, te-koora ukwa abhaibhöri abhëënyu hë, abhaibhöri abhëënyu bhayö nkukwa bharë, kasi mwebhorwa bhohya okohetera ko Engʼana iya Waryobha ëhöru, engʼana iyö, neraaghëndërri okobha-ho amakora ghonswe igho.

1 Peetero 1:25

kasi engʼana iya Omonene, neraaghëndërri okobha-ho amakora ghonswe igho.” Engʼana iyö, yo Amangʼana Amaiya ghano mwaaraarekerwa.

1 Peetero 2:2

Bhoono momarrë okomanya igha Omonene Yëësu Kiristo, n-wa heene. Mbe, mwighombenga amabheere amaiya agha öbhöhörëëru, kya bhono ebhengʼerre bhikutuna amabheere agha bhanyakuwaabho, na bhëënyu bhonswe ighoigho, okore mobhe na singuru, monaghe kora mohone.

2 Peetero 3:2

Nkutuna ndë muhiite amangʼana ghaara abharööti abhahörëëru bhaaghambirë kare hayö, na amangʼana agha umughiro ughwa Omonene Ömötöörya uwëëtö, ghano abhatomwa abhaaye bhaabharëtëëyë.

1 Yohana 3:3

Ömöntö wowonswe igho ono akwitengʼera igha atuubhane na Yëësu Kiristo, aisaabhuure, abhe ömöhörëëru kya Yëësu Kiristo.