1 Abhatësarönikë 1:9 - Imuuma Eehya

⁹ Ahasë honswe igho hano tukughya, abhantö nkushumaashera bharë kya bhono mwatwikërëëyi hano twaahikirë kö-bhëënyu. Nkoghamba bharë kya bhono mwaatighirë ëbhëtöndö ibhyënyu, mokaisyörrya Waryobha ömöhöru na uwa obhoheene, okore momokorre emeremo.

1 Abhatësarönikë 1:9 ပူးပေါင်းရင်းမြစ်များ

Mataayo 16:16

Simööni Peetero akamohonshora igha, “Nu-uwe Kiristo, Omoona uwa Waryobha ömöhöru.”

Amangʼana agha Abhatomwa 14:15

“Bhëënyu, n-kwakë mukutuna okokora amangʼana ghano? Bhëëtö bhonswe na-bhantö törë kya bhëënyu! Keno tokokora, no-kobharaarekera Amangʼana Amaiya igha, mutighe okosengerra amasambwa kya ghayö ghataana obhoheene. Mutighe amangʼana ghano ghataana enshera, mobhe abhantö abha Waryobha ömöhöru. Waryobha uyö we yaabhömbirë mu-ryobha bheena ekebhara, sinyansha, na ëbhëntö bhyonswe igho bheno bheemo!

Abharuumi 9:26

Ghwiki ni-igha, “Haara bhaatëëbhiibhwi igha, ‘Bhëënyu te-bhantö abhaane mörë hë,’ hayöhayö ho bharëtëbhibhwa igha, ‘Bhëënyu na-bhaana abha Waryobha ömöhöru.’”

1 Abhakörintö 12:2

Mmomanyirë igha, enkaagha eno mwaarenga motaraamanya Waryobha, mwaangʼainirwë kora mokatangatwa na amatöndö ghano kora ghatakoghamba.

1 Abhatësarönikë 2:1

Abhakumya bharikyëtö, bhëënyu abheene mmomanyirë igha, ukuusha kö-bhëënyu hayö, tekwaare kwa bhosa hë.

1 Abhatësarönikë 2:13

Bhëëtö tetokorosa ukukumya Waryobha hë, ko bhoora hano mwaaighuurë engʼana iyaaye eno twaabharaarëkëëyë, temwaghëghöötirë okanya igha nkö-möntö iruurë hë. Kasi mwaaghëghöötirë igha, ni-iya Waryobha, na maheene ni-igho ërë. Engʼana iyö, nkokora ërë emeremo mo-senkoro isyënyu, bhëënyu bhano mukukumya.

1 Timoteo 4:10

Engʼana iyö, yo ekoghera toranyanka na torakora omotono ko-meremo, ko bhoora igha, Waryobha ömöhöru we tukwitengʼera. Uyö we Ömötöörya uwa abhantö bhonswe igho, ekenene m-Mötöörya uwa bhano bhakumukumya.

Abhaëbhuraania 12:22

Kasi bhëënyu, muhikirë ku-nguku iya Sayuuni, mu-mughi ughwa Waryobha ömöhöru, Yërusarëëmu iya mu-ryobha, ahasë hano abhamaraika ëbhëkwë na ëbhëkwë bhaikomaini.

1 Yohana 5:21

Bhëënyu abhaana abhaane abhaghonshe, mwiyangarrenga motakaasengerra ëbhëtöndö.

Okohonyora 17:2

Omosooraare uyö, we abhakama abha ko-kebhara bhaakörrë nawe obhosooraare, na abhantö abha ko-kebhara kono, bhakaghootwa na obhosooraare ubhwaye bhuyö, kya hano ömöntö aghöötirwë na amarwa.”