1 Abhatësarönikë 1:6 - Imuuma Eehya

⁶ Nokaanyoora mwaatëësirwë bhököngʼu ku ikibhuno ikya umukumo ughwënyu, kasi mwaaikërëëyi engʼana iyö ku ukushomerwa kono kukurwera ku-Mwika Ömöhörëëru. Nkö-bhëëtö na ko-Monene Yëësu nko mwëëghëëyë ököghömërrya ghayö.

1 Abhatësarönikë 1:6 ပူးပေါင်းရင်းမြစ်များ

Mataayo 16:24

Ho Yëësu yaamarrë akatëëbhya abheegha abhaaye igha, “Ömöntö wowonswe ono akutuna igha ansoorane, ni-igha aikaane umwene, aiteeke omosarabha ughwaye, ansoorane.

Yohana 8:12

Mbe, Yëësu akaghëndërrya okoghamba ghwiki na rikomo reera igha, “Öni nö-öni obhorabhu ubhwa ekebhara. Ömöntö wowonswe igho ono akonsoorana, takoghenda mu-kisuntë kora hake hë, kasi naraabhe na obhorabhu bhono bhokomotangata mö-bhöhöru ubhwa amakora ghonswe igho.”

Amangʼana agha Abhatomwa 13:52

Kasi abheegha abha Yëësu, bho bhakashomerwa bhököngʼu, bhakaghëndërrya okotangatwa na Umwika Ömöhörëëru.

Amangʼana agha Abhatomwa 5:41

Abhatomwa bhayö, bhakarwa mu-ribharasa hayö bhashömëëywë, ko bhoora Waryobha yaatunirë bhasookwe ko enshera iya okoserwa ko okohetera iriina irya Yëësu.

Amangʼana agha Abhatomwa 9:31

Mbe, ekanisa ekabha na omorembe ahasë honswe igho, Yudea, mo-mokowa ughwa Ghariraaya na Samaaria. Abhakumya bhakaghëndërrya okonagha, na okosooka Omonene Yëësu. Ko okoseghwa na Umwika Ömöhörëëru, abhantö bhakaaruha mo-kanisa.

Abharuumi 15:13

Waryobha we tukwitengʼera igha, naraatokorre ghonswe igho ghano yaaraghaini. Ku bhuyö nkobhasabhera ndë igha, abhahaane omorembe, okore mushomerwe bhököngʼu enkaagha eno mököghëndërrya ukumukumya. Hayö ho moraamweseghe bhököngʼu, ko bhoora moraatööribhwi na obhotoro ubhwa Umwika Ömöhörëëru.

1 Abhakörintö 11:1

Ku bhuyö mweghe amangʼana aghaane, kya bhono öni nkwegha amangʼana agha Kiristo.

1 Abhakörintö 11:2

Mbe, nkobhakumya ndë ko bhoora mukunhiita ko mangʼana ghonswe igho, kora nkoghoota mörë amangʼana ghaara, kya bhono naabhatëëbhëri.

1 Abhakörintö 4:16

Mbe, ndabhasaasaama mokorenga bhono öni nkokora.

2 Abhakörintö 6:10

Ntörëngë kya abhantö bhano bhabhaabhayëëyë, kasi nkushomerwa törë sinsikö syonswe igho. Ntonga kya abhatöbhu, kasi m-baaru tukwamëhya. Ntörëngë kya bhano totaana ëkëntö, kasi ëbhëntö bhyonswe igho, ntoonabhyo.

2 Abhakörintö 8:5

Mbaakörrë okokera bhono twaakanyanga igha bhakaakörrë. Ko bhoora mbaaitörrë abheene mo-mabhoko agha Omonene ekembere, ho bhaamarrë, bhakaitoora na kö-bhëëtö, kya bhono Waryobha akutuna.

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

Abhaëfësö 5:1

Mbe, ku bhuyö ni-igha mweghe eteemo iya Waryobha, ko bhoora igha bhëënyu, m-baana abhaghonshe abha Waryobha mörë.

Abhafiripi 3:17

Abhakumya bharikyëtö, mweghe eteemo iyaane. Mosoorane bhano bhaana eteemo kya eno mwaamaaha kö-bhëëtö.

2 Abhatësarönikë 1:4

Ku bhuyö nkwikumya törë mo-makanisa agha Waryobha, ko okoghera iya ököghömërrya ukwënyu, na umukumo ghono moonagho ku-nyanko yonswe igho, na inyaanyi eno mukunyoora.

2 Abhatësarönikë 3:7

Keno kekoghera toraghamba igho, n-ko bhoora bhëënyu abheene mmomanyirë igha, ni-igha mweghe eteemo iyëëtö eno twaarenayo kö-bhëënyu hayö. Bhëëtö hano twaarë hayö, te-bhatereghanu twaarë hë.

2 Abhatësarönikë 3:9

Ni-igho twaakörrë, kasi ti-igha tetwaingʼarëëyë ukunyoora ëbhëntö kö-bhëënyu, kasi keno twaatunanga ni-igha, tobhakorre ëkërëngyö, okore bhëënyu bhonswe momaahere-ko.

2 Timoteo 4:2

Bhoono oraarekenga engʼana iya Waryobha na eno wisëëmëri okokora emeremo ighya Waryobha, ko-nkaagha eno amangʼana ghakughya bhuuya, na enkaagha eno ukunyoora ghasarëkirë. Okaaninga abhantö, obhahamerenga na okobhatogheka. Okorenga igho, kö ököghömërrya bhököngʼu na örëëghya.

Abhaëbhuraania 10:34

Mwaarenga na ikyabhera ko bhano bhaarenga bhabhöhirwë. Mwaaikërëëyi kora hano mwaaruusibhwanga ëbhëntö ibhyënyu, mwaashomerwanga. Mwaakörrë igho momanyirë igha, mo-senkoro isyënyu, mmoona ëbhëntö ibhya ubhwera obhonene bhököngʼu, bheno bhetakusika röndë.

1 Peetero 1:6

Mbe, mushomerwe bhököngʼu ko okoghera iya amangʼana ghayö, nokaanyoora bhoono igho, ni-igha mohetere mo-mashaashyo amaaru, ghano gharaaghere mobhaabhayere ku-ribhagha riike reno.

1 Peetero 1:8

Bhëënyu temwakaamörööshë hë, kasi momohanshirë. Kora nokaanyoora igha temokomomaaha bhoono igho hë, kasi nkumukumya mörë. Ku bhuyö, nkushomerwa mörë bhököngʼu moona ubhuhika bhono bhotakoghambwa,

1 Peetero 3:13

Hano moraakore omotono ughwa okokora amangʼana amaiya, nawë araabhanyanki?

3 Yohana 1:11

Bhoono Ghaayo omoghonshe uwaane, otakeegha okokora amangʼana amaghogho ghayö. Kasi weeghe eteemo iya abhantö bhano bhakokora amangʼana amaiya. Hano ömöntö yakora amangʼana amaiya, nkwörökya gharë igha, ömöntö uyö, m-moona uwa Waryobha. Kasi ömöntö ono akokora amangʼana amaghogho, uyö tamanyirë Waryobha hë.