1 Abhatësarönikë 1:5 - Imuuma Eehya

⁵ Ntomanyirë igha, Amangʼana Amaiya ghano twaabharaarëkëëyë, te-mangʼana agheene igho ghaarë hë, kasi ntwaaraarëkirë ku singuru, na okohetera ku-Mwika Ömöhörëëru, eno toona obhoheene igha, amangʼana ghayö na-agha obhoheene. Bhëënyu mmönyirë bhuuya kya igho twaarë hamwë na bhëënyu, okore tobhatöörri.

1 Abhatësarönikë 1:5 ပူးပေါင်းရင်းမြစ်များ

Maariko 16:20

Abheegha abhaaye bhakatanora ukurwa hayö. Bhakaghya okoraareka Amangʼana Amaiya kera hasë. Omonene Yëësu yaabhahaananga obhotoro ubhwa ebhemanyërryö, ku bhuyö ni-igho yöörökëri igha, amangʼana ghayö n-ga obhoheene.]

Ruuka 1:1

Omosookwa Teofiro uwëëtö, abhantö abhaaru bhaakora omotono ughwa ukwandeka amangʼana ghano ghaakörrwë mö-bhëëtö.

Amangʼana agha Abhatomwa 11:21

Obhotoro ubhwa Omonene Waryobha, mbwaarë hamwë nabho. Abhantö abhaaru këmwëkëmwë, bhakakumya na ukukyora ko-Monene Yëësu.

Amangʼana agha Abhatomwa 16:14

Mo-bhantö bhano bhaatwitegherranga, yaare-mo omokari uwöndë uwa umughi ughwa Tiyatira, ono yaabherekerwanga igha Ridia. Ridia m-möhönia yaarë uwa singibho sinshiiya isya erangë këësërö, omokari uyö, yaasookanga Waryobha. Omonene Yëësu akaghoota enkoro iya Ridia, enkaagha eno yaaitegherranga amangʼana ghano Pauro yaaghambanga. Akakumya amangʼana ghayö, akabhatiisibhwa.

Amangʼana agha Abhatomwa 2:33

Waryobha amuriiniri, amökörrë omonene, kora amötöörrë bhoryo ubhwaye. Na Taata Waryobha, akörrë kya bhoora yaaraghaini igha, akaahaayë Yëësu Umwika Ömöhörëëru ko okoghera iya bhëëtö. Ku bhuyö Yëësu atöhömërrëëyë Umwika Ömöhörëëru. Kiyö bhoono nkyo bhëënyu mukwighwa, na ukwimaahera bhëënyu abheene.

Abharuumi 1:16

Amangʼana Amaiya ghayö, ngo obhotoro ubhwa Waryobha bhono bhököhönia abhantö bhonswe igho, bhano bhakukumya Yëësu. Nkusimirya bhörë ko-Bhayahudi, bhughya igho bhohekeera abhantö bhano bhatarë Abhayahudi. Ku bhuyö öni tenkosooka okoraareka Amangʼana Amaiya ghayö hë.

Abharuumi 15:13

Waryobha we tukwitengʼera igha, naraatokorre ghonswe igho ghano yaaraghaini. Ku bhuyö nkobhasabhera ndë igha, abhahaane omorembe, okore mushomerwe bhököngʼu enkaagha eno mököghëndërrya ukumukumya. Hayö ho moraamweseghe bhököngʼu, ko bhoora moraatööribhwi na obhotoro ubhwa Umwika Ömöhörëëru.

Abharuumi 2:16

Ni-igho erebha ko-nkaagha iya okobhotorrwa ibhiina. Hayö ho Waryobha arebhotorra abhantö ibhiina okohetera ku-Kiristo Yëësu. Narebhabhotorra ibhiina ibhyabho kora imbumbure iya amaitegherro aghaabho. Amangʼana Amaiya ghano nkoraareka, ni-igho gharë.

1 Abhakörintö 1:24

Kasi ko bhano Waryobha yaabhabherekera bhabhe abhaaye, mbakaabha Abhayahudi handë abhantö bhano bhatarë Abhayahudi, Yëësu Kiristo, we obhotoro na obhongʼaini ubhwa Waryobha.

1 Abhakörintö 10:33

Mobhe kya öni bhono nkötëghërya abhantö bhonswe igho, ko amangʼana ghonswe igho ghano nkokora. Tenkokora igho ko okoghera iya ehoorohooro iyaane, kasi n-ko okoghera iya ehoorohooro iya abhantö abhaaru okore bhatööribhwi.

1 Abhakörintö 3:16

Kasi motamanyirë igha bhëënyu ni-nyumba iya Waryobha mörë, kora Umwika uwa Waryobha mö-bhëënyu amënyirë?

1 Abhakörintö 3:6

Öni nëëmya, Apöörö akeeterra amanshë, kasi Waryobha we akukiinia.

1 Abhakörintö 4:20

Nkoghamba ndë igho, ko bhoora Obhokama ubhwa Waryobha, tebhokobha ko amangʼana agheene igho hë, kasi nko-bhotoro.

1 Abhakörintö 9:14

Kora Omonene ni-ighoigho yaaraghërrya igha, bhano bhakoraareka Amangʼana Amaiya, bharaagherenga okohetera ko-meremo ghiyö.

2 Abhakörintö 3:6

Uyö, we yaatokora tobhe abhaköri abha emeremo abha Imuuma Eehya, eno ikurwa ku-Mwika uwa Waryobha. Imuuma iyö, tërëngë igha na-maraghërryö ghano ghaandekwa hë, ko bhoora amaraghërryö ghano ghaandekwa, gho nu-ruku ghakoreeta, kasi Umwika uwa Waryobha, we nö-bhöhöru akoreeta.

Abhagharatia 2:2

Naatiirrë ukughya Yërusarëëmu ko-nkaagha iyö, ko bhoora Waryobha yaanhönyörrëëyë igha ngende-yo. Hano naahikirë-yo nkaikara righara na abhatomwa, nkabhatëëbhya Amangʼana Amaiya ghano naaraarekanga ko-Bhakyaro. Naakörrë igho, okore emeremo ighyane ghiyö naakörrë, na ghiyö naakoranga, ghetakaaheta bhosa.

Abhagharatia 5:5

Kasi bhëëtö, keno tukwitengʼera ni-igha, Waryobha naraatobhare igha m-ba heene törë, ko bhoora tukukumya Kiristo. Kiyö nkyo tokoghanya ko obhotoro ubhwa Umwika Ömöhörëëru.

Abhaëfësö 2:10

Ko bhoora igha Waryobha yaatobhomba, na kö bhömwë ubhwëtö na Kiristo Yëësu, yaatobhomba bhohya, okore eteemo iyëëtö ebhe iya okokora amangʼana amaiya ghano yaatösëëmëëyi ukurwa kare igha toghakore.

Abhaëfësö 3:20

Bhoono tigha tötööni Waryobha, ono akotora okokora amangʼana amaaru okokera ghano ghonswe igho tokomosabha igha akore, handë ghano tukwitegherra. Nkokora arë ko obhotoro ubhwaye bhono bhokokora emeremo mo-senkoro isyëtö.

Abhafiripi 2:13

Mbe, mokorenga igho, ko bhoora Waryobha we akoghera morahansha okokora ghano akutuna mokore, kora nkobhahaana arë obhotoro ubhwa okoghakora.

Abhafiripi 4:9

Möghëndërri okokora amangʼana ghaara mweegha ku-öni, mokaghaikërrya, mokaghaighwa kora mokamaaha ndaghakora. Hayö ho Waryobha ono akobhahaana omorembe, araaghëndërri okobha hamwë na bhëënyu.

Abhakorosaai 2:2

Nkokora ndë igho, okore senkoro isyabho setereme, bhabhe ëkëntö ëkëmwë ku righonshe, bhanyoore obhongʼaini bhono bhoraaghere bhamanye bhuuya igha, Yëësu Kiristo we ësëëmyö iya Waryobha.

1 Abhatësarönikë 2:13

Bhëëtö tetokorosa ukukumya Waryobha hë, ko bhoora hano mwaaighuurë engʼana iyaaye eno twaabharaarëkëëyë, temwaghëghöötirë okanya igha nkö-möntö iruurë hë. Kasi mwaaghëghöötirë igha, ni-iya Waryobha, na maheene ni-igho ërë. Engʼana iyö, nkokora ërë emeremo mo-senkoro isyënyu, bhëënyu bhano mukukumya.

2 Abhatësarönikë 2:14

Waryobha yaabhabhërëkëëyë, okore munyoore öbhötöörya bhuyö okohetera ko Amangʼana Amaiya ghano twaabharaarëkëëyë. Abhabhërëkëëyë okore munyoore ubhuhika ubhwa Omonene uwëëtö Yëësu Kiristo.

2 Timoteo 2:10

Ku bhuyö nköghömërrya ndë ghonswe igho, ko okoghera iya abhantö bhano bhaashaaghorwa na Waryobha igha bhabhe abhantö abhaaye. Nkokora ndë igho, okore abhantö bhayö bhahönibhwi ku ukukumya Kiristo Yëësu, kora bhasange ubhuhika ubhwaye bhono bhotakohwa.

2 Timoteo 2:8

Uhiite Yëësu Kiristo uwa eka iya omokama Daudi. Waryobha yaamuryökëri ukurwa mo-bhaku. Ghayö ngo Amangʼana Amaiya ghano nkoraarekera abhantö.

Abhaëbhuraania 10:22

Ku bhuyö ni-igha tusuntare ku-Waryobha kwa nkoro nyihöötu na umukumo omohekeranu, ko bhoora Waryobha asaabhuurrë senkoro isyëtö ko amaanyinga agha Yëësu Kiristo, okore totakaabha na amaitegherro amaghogho. Kora atwisaabhëri ëmëbhërë ighyëtö mo-manshë ghano ghatabhöröngökirë.

Abhaëbhuraania 6:11

Keno tukutuna ni-igha, kera ömöntö mö-bhëënyu, aghëndërri okobha na omotono ko mangʼana ghayö okohekera ku-muhiko, okore muushe ukunyoora ghayö mukwitengʼera.

1 Peetero 1:12

Waryobha yaahönyörrëëyë abharööti bhayö igha, amangʼana ghano bhaarootanga, te-ghaabho ghaarë hë, kasi na-ghëënyu ghaarë. Ghaara bhaaghambirë, ngo mwaaraarëkëëywë na abhantö bhano bhaabharëëtëëyë Amangʼana Amaiya agha Yëësu Kiristo. Bhonswe mbaabhatëëbhëri Amangʼana Amaiya ghayö, ko obhotoro ubhwa Umwika Ömöhörëëru ono yaatömirwë ukurwa mu-ryobha. Amangʼana ghayö, kora abhamaraika nkutuna bharë bhököngʼu igha bhaghamanye.

1 Peetero 1:3

Tukumi Waryobha, Suwaabho Omonene uwëëtö Yëësu Kiristo. Nkumukumya törë ko okoghera iya ubhwaru ubhwa ikyabhera ikyaye, keno kyaaghërrë akatwebhora bhohya, okohetera ku ukuryökya Yëësu Kiristo ukurwa mo-bhaku. Ku bhuyö, bhoono tunyöörrë ubhweseghe ubhwa öbhöhöru.

1 Peetero 5:3

Motakaabha abhakaraabhërri abharörö ko bhano mokotangata, kasi öbhömënyi ubhwënyu, bhobhe ëkërëngyö ikiiya ko-bhantö.

2 Peetero 1:10

Mbe, abhakumya bharikyane, mokore omotono bhököngʼu, ukwörökya igha, Waryobha yaabhabherekera na okobhaahora. Hano moraakore igho, timutighe umukumo ughwënyu kora hake hë.

2 Peetero 1:19

Kora ntoona amangʼana amaheene bhököngʼu, agha öbhörööti, hano moraaghaghoote, m-buuya oraanyoore mökörrë. Amangʼana ghayö n-kya etara eno ëkömërëkya mu-kisuntë, okohekera hano öröghörö roraasambe, na obhorabhu ubhwa inyota iya nyinkyo bhomoreke mo-senkoro isyënyu.