1 Abhakörintö 9:21 - Imuuma Eehya

²¹ Ko bhano bhataana amaraghërryö agha Mosa, nkabha kya ono ntaana amaraghërryö, okore mbatöörri bhakumi Yëësu Kiristo. Ti-igha teneena amaraghërryö ukurwa ku-Waryobha, kasi neena amaraghërryö agha ukurwa ku-Yëësu Kiristo. Naakörrë igho okore ntöörri bhano bhataana amaraghërryö.

1 Abhakörintö 9:21 ပူးပေါင်းရင်းမြစ်များ

Amangʼana agha Abhatomwa 15:28

Umwika Ömöhörëëru na bhëëtö törööshë igha, totakabhaitëëkya imirigho imirito, kokera amangʼana ghano tobhandëkëëyë mono.

Amangʼana agha Abhatomwa 16:4

Mu-mighi gheno bhaabho Pauro bhaahëtirë, mbaaraghërryanga-mo abhakumya amaraghërryö agha abhatomwa abha Yëësu, na abhaghaaka abha ekanisa iya Yërusarëëmu, okore bhaghaghoote.

Amangʼana agha Abhatomwa 21:25

Mbe, ko orobhareka urwa Abhakyaro bhano bhakukumya Yëësu, twaabhandëkëëyë kya bhono twaarööshë igha tobhandekere. Tokabhandekera igha, bhatakaaryanga ibhyakorya bheno bhimwënsëywë ëbhëtöndö. Bhatakaarya handë ukunywa amaanyinga. Bhatakaarya ibhibhuuse kora bhatakaakora obhosooraare.”

Abharuumi 2:12

Abhakyaro bhano bhakokora ëbhëbhë, mbarisikibhwa nokaanyoora bhatamanyirë amaraghërryö agha Mosa. Kasi Abhayahudi, mbamanyirë amaraghërryö ghayö, ku bhuyö hano bharaakore ëbhëbhë, mbaraabhotorrwe ikiina ko okorengʼaana na amaraghërryö ghayö.

Abharuumi 2:14

Abhakyaro, bhayö tebhamanyirë imighiro ighya Waryobha hë. Kasi hano amaitegherro aghaabho gharaaghere bhakore kya bhono imighiro ghyaaraghërya, hayö nkwörökya ërë igha, amaitegherro aghaabho ngamanyirë okokora amangʼana ghano ghakorengʼaana bhono imighiro ghiyö ghikutuna.

Abharuumi 7:22

Obhoheene ni-igha amaraghërryö agha Waryobha nengahanshirë bhököngʼu.

Abharuumi 7:25

Nkukumya ndë Waryobha, ko bhoora aköntöörya ko okohetera ko-Monene uwëëtö Yëësu Kiristo. Ku bhuyö mbe ni-igha, öni umwene ko sehakëri isyane nkomaaha ndë igha, nkoghoota ndë amaraghërryö agha Waryobha, kasi esemoko iyaane iya öbhököri ubhwa ëbhëbhë, yo nkoghoota ërë amaraghërryö agha ëbhëbhë.

Abharuumi 8:4

Waryobha yaakörrë igho, okore amangʼana agha heene agha amaraghërryö ghahekeranibhwi bhuuya kö-bhëëtö bhano totakwighwera esemoko iya öbhököri ubhwa ëbhëbhë, kasi nu-Mwika Ömöhörëëru we tukwighwera.

Abhagharatia 3:2

Bhoono tigha mbabhööri-ko engʼana. Mwaanyöörrë Umwika Ömöhörëëru ko okoghera iya okoghoota amaraghërryö agha Mosa kasi n-ko okoghera ukwa ukwitegherra Amangʼana Amaiya agha Yëësu na okoghakumya?

Abhagharatia 6:2

Mwangoranenga imirigho ighyënyu, iyö yo enshera iya okokora bhono amaraghërryö agha Kiristo ghakutuna.

Abhaëbhuraania 8:10

Imuuma Eehya, eno ndekora na Abhaisiraëri ko-nkaagha iyö ikuusha, yo eno, nendetoora amaraghërryö aghaane mo-maitegherro aghaabho, nendeghaandeka mo-senkoro isyabho. Hayö ho ndebha Waryobha uwaabho, nabho mbarebha abhantö abhaane. Ni-igho Omonene Waryobha akoghamba.