1 Abhakörintö 8:7 - Imuuma Eehya

⁷ Te-bhantö bhonswe igho bhamanyirë amangʼana ghayö hë, ko bhoora bhaaho abhandë bhano bhaanara amangʼana agha ëbhëtöndö. Abhantö bhayö kora bhoono igho hano bhaarya ibhyakorya bheno bhimwënsëywë ëbhëtöndö, nkorya bharë bhaana amaitegherro agha ikimwenso ikya ëbhëtöndö, nkunyankuha bharë, ko bhoora amaitegherro aghaabho m-matëntëëru.

1 Abhakörintö 8:7 ပူးပေါင်းရင်းမြစ်များ

Amangʼana agha Abhatomwa 15:20

Ku bhuyö tobhandekere ritashandighi tobhatëëbhi igha, bhatakaaryanga ibhyakorya bheno bhinyankuhiibhwi ku ukumwensera ëbhëtöndö, bhatakaakora obhosooraare, bhatakaarya ibhibhuuse, kora bhatakaarya handë ukunywa amaanyinga.

Abharuumi 14:14

Kö-bhömwë bhono neenabho na Omonene Yëësu Kiristo, nemanyirë igha, m-maheene tebheeho ibhyakorya bhyobhyonswe bheno nkotora okoghamba igha m-binyanku. Kasi ömöntö ono akomaaha igha ibhyakorya nyabhorebhe igha m-binyanku, hayö ho bhikumunyankuhya.

Abharuumi 15:14

Abhakumya bharikyëtö, öni umwene nemanyirë igha, bhëënyu m-bantö abha heene mörë bhököngʼu, mmomanyirë keno kikutunwa mokore, kora mmoona obhotoro ubhwa okoragherrania.

1 Abhakörintö 10:25

Kera ëkëntö keno këköghöribhwa mo-moteera, moraagherenga motakaabhöörërryanga ko okoghera iya amaitegherro.

1 Abhakörintö 8:1

Mbe, bhoono tigha nshumaashere amangʼana agha ibhyakorya bheno bhimwënsëywë ëbhëtöndö. Ntomanyirë bhono bhëënyu mokoghamba igha, “Bhëëtö bhonswe igho, ntoona obhomanyi ko amangʼana ghayö.” Kasi obhomanyi, nkoreeta bhörë ikiheemere ko-bhantö. Na righonshe ryo nkoghera rërë umukumo ughwa ömöntö ghonagha.

1 Abhakörintö 8:4

Mbe, ko amangʼana agha okorya ibhyakorya bheno bhimwënsëywë ëbhëtöndö, ntomanyirë igha, ëbhëtöndö, tebheena engʼana ko-kebhara kono hë, na Waryobha nö-ömwë igho.

1 Abhatësarönikë 5:14

Abhakumya bharikyëtö, torabhasaasaama igha, mokaaninga abhooro na okotogheka bhano bhaakwa emetwe. Ghwiki motoghekenga bhano bhataana singuru na ököghömërrya abhantö bhonswe igho.