1 Abhakörintö 8:1 - Imuuma Eehya

¹ Mbe, bhoono tigha nshumaashere amangʼana agha ibhyakorya bheno bhimwënsëywë ëbhëtöndö. Ntomanyirë bhono bhëënyu mokoghamba igha, “Bhëëtö bhonswe igho, ntoona obhomanyi ko amangʼana ghayö.” Kasi obhomanyi, nkoreeta bhörë ikiheemere ko-bhantö. Na righonshe ryo nkoghera rërë umukumo ughwa ömöntö ghonagha.

1 Abhakörintö 8:1 ပူးပေါင်းရင်းမြစ်များ

Amangʼana agha Abhatomwa 15:10

Bhoono n-kibhuno kë kikughira morashaashya Waryobha ko okohaana Abheegha abha Yëësu inyanko eno ekotokera? Kora abhakörö abhëëtö bhonswe yaabhakërrë!

Amangʼana agha Abhatomwa 15:29

Motakaarya ibhyakorya bheno bhimwënsëywë ëbhëtöndö, handë ukunywa amaanyinga, motakaarya ibhibhuuse, na motakaakora obhosooraare. Hano muriharreke amangʼana ghayö, m-buuya moraanyoore mökörrë. Mbe, mutighare na omorembe.”

Amangʼana agha Abhatomwa 21:25

Mbe, ko orobhareka urwa Abhakyaro bhano bhakukumya Yëësu, twaabhandëkëëyë kya bhono twaarööshë igha tobhandekere. Tokabhandekera igha, bhatakaaryanga ibhyakorya bheno bhimwënsëywë ëbhëtöndö. Bhatakaarya handë ukunywa amaanyinga. Bhatakaarya ibhibhuuse kora bhatakaakora obhosooraare.”

Abharuumi 11:25

Abhakumya bharikyëtö, keno nkutuna ni-igha momanye ësëëmyö iya Waryobha, eno yaarenga ibhisirwë ukurwa kare, okore motakaikumya igha, mmomanyirë ghonswe igho. Ekeghaaka ikya Abhaisiraëri n-kya ribhagha ike igho, okohekera hano ekerengere ikya Abhakyaro keno Waryobha akutuna, kirihika.

Abharuumi 12:16

Mobhe ikiina ëkëmwë. Motakaabha na ikiheemere, kasi mwisuuhi mobhe na öbhömwë na abhantö bhano bhakoserwa. Motakaimaaha igha, m-bangʼaini mörë bhököngʼu.

Abharuumi 14:10

Bhoono uwe, n-kwakë okobhotorra ikiina umukumya murikyaho? Uwe! N-kwakë okosera umukumya murikyaho? Momanye igha bhëëtö bhonswe igho, nturyemerra mbere iya ikitumbë ikya ekekama ikya Waryobha ikya okobhotorra ibhiina.

Abharuumi 14:14

Kö-bhömwë bhono neenabho na Omonene Yëësu Kiristo, nemanyirë igha, m-maheene tebheeho ibhyakorya bhyobhyonswe bheno nkotora okoghamba igha m-binyanku. Kasi ömöntö ono akomaaha igha ibhyakorya nyabhorebhe igha m-binyanku, hayö ho bhikumunyankuhya.

Abharuumi 14:19

Mbe, ku bhuyö ni-igha, tokorenga amangʼana ghano ghakoreeta omorembe mo-bhantö, na agha okotoghekana.

Abharuumi 14:22

Umukumo ughwaho ko engʼana iyö, ghobhe ughwaho na Waryobha. Ku bhuyö nyakara ömöntö ono atakwibhotorra ikiina mo-nkoro iyaaye hano yakora engʼana eno akomaaha igha, ya heene.

Abharuumi 14:3

Ömöntö ono akorya kyokyonswe keera, atakaasera ono akorya sinyënyi, na ono akorya sinyënyi wonswe, atakaabhotorra ikiina ono akorya kyokyonswe keera, ko bhoora Waryobha nkumwikërrya arë kya igho arë.

Abharuumi 15:14

Abhakumya bharikyëtö, öni umwene nemanyirë igha, bhëënyu m-bantö abha heene mörë bhököngʼu, mmomanyirë keno kikutunwa mokore, kora mmoona obhotoro ubhwa okoragherrania.

1 Abhakörintö 1:5

Ko okobha na öbhömwë na Yëësu Kiristo, mwamëhirë ko obhoghambi bhwonswe igho, na ko obhongʼaini bhwonswe igho.

1 Abhakörintö 10:15

Nkushumaasha ndë na abhantö bhano momanyirë amangʼana ghayö, ku bhuyö mwitaahe amangʼana ghayö ngambirë.

1 Abhakörintö 10:28

Kasi hano ömöntö araabhatëëbhi igha, “Ibhyakorya bheno bhimwënsëywë ëbhëtöndö,” motakaarya ibhyakorya bhiyö, ko okoghera iya ömöntö uyö abhatëëbhëri, na ko okoghera iya amaitegherro.

1 Abhakörintö 14:20

Abhakumya bharikyane, motakaabha na amaitegherro kya agha abhaana. Nyakara mobhe abhaana ko mangʼana amaghogho, kasi mo-sehakëri isyënyu, mobhe abhantö abhakörö.

1 Abhakörintö 15:34

Mokore amangʼana kwa bhongʼaini, motakaakora ëbhëbhë, ko bhoora abhantö abhandë tebhamanyirë Waryobha hë. Nkoghamba ndë amangʼana ghayö okore mbasöökërri.

1 Abhakörintö 4:10

Abhantö bharatomaaha igha m-bakangi törë, ko okoghera iya okokorra emeremo Yëësu Kiristo, kasi bhëënyu moraikora igha m-bangʼaini mörë, ko okoghera iya Yëësu Kiristo. Bhëëtö m-batëntëëru törë, kasi bhëënyu moraikora igha, mmoona singuru, bhëënyu mmoona emerengaari, kasi bhëëtö nkoserwa törë.

1 Abhakörintö 4:18

Ndaighwa igha mö-bhëënyu muyö bhaamo bhano bhakwihasha bharakanya igha tiniishe kö-bhëënyu iyö hë.

1 Abhakörintö 4:6

Mbe, abhakumya bharikyane, nëndëngëri amangʼana aghaane na Apöörö, okore ghabhe ëkërëngyö keno keraabhatöörri okomanya amangʼana agha ëkërëngyö keno igha, “Motakaataamboka keera Amaandeko Amahörëëru ghakoghamba.” Nkoghamba ndë igho, okore ömöntö mö-bhëënyu muyö, atakaibhaakera murikyaye na okomosera.

1 Abhakörintö 5:2

Bhëënyu moraihashera engʼana iyö. Nyakara mokaabhaabhayëëyë na mughire ömöntö uyö yaakora ghayö, arwe mö-bhëënyu muyö.

1 Abhakörintö 5:6

Ikiheemere ikyënyu tekeena ubhwera hë. Temomanyirë igha ehamiira enke igho, nkötöndörya ërë ekerengo kyonswe igho ikya obhose?

1 Abhakörintö 8:2

Nyoore aaho ömöntö ono akokanya igha, namanyirë engʼana nyabhorebhe, amanye igha, taghemanyirë kya bhono ikutunwa igha aghemanye.

1 Abhakörintö 8:4

Mbe, ko amangʼana agha okorya ibhyakorya bheno bhimwënsëywë ëbhëtöndö, ntomanyirë igha, ëbhëtöndö, tebheena engʼana ko-kebhara kono hë, na Waryobha nö-ömwë igho.

1 Abhakörintö 8:7

Te-bhantö bhonswe igho bhamanyirë amangʼana ghayö hë, ko bhoora bhaaho abhandë bhano bhaanara amangʼana agha ëbhëtöndö. Abhantö bhayö kora bhoono igho hano bhaarya ibhyakorya bheno bhimwënsëywë ëbhëtöndö, nkorya bharë bhaana amaitegherro agha ikimwenso ikya ëbhëtöndö, nkunyankuha bharë, ko bhoora amaitegherro aghaabho m-matëntëëru.

Abhaëfësö 4:16

Yëësu Kiristo uyö, nkoroobhania arë abhantö abhaaye bhonswe igho, bhaghootana hamwë kya igho imyaho ighya ömöbhërë ughwa ömöntö gheghotaini. Hano imyaho ghyonswe igho ighya kö-möbhërë ghyatoorrani, ghekore emeremo ighyako bhuuya, ömöbhërë ghonswe igho nkukiina ghörë ghobha na singuru na okohansha imyaho ighya kö-möbhërë kuyö.

Abhakorosaai 2:18

Bhaaho abhantö bhano bhakokangʼasërrya amangʼana agha ubhwihöötu ubhwa okomaahwa na abhantö na agha okosengerra abhamaraika. Motakabhaikërrya, bhatakaasha okobharuusya ituho iyëënyu iya amakora ghonswe igho. Abhantö bhayö nkwiheema bharë ko bhoora bhakoghamba igha, bhaamaaha amangʼana ghayö mo-bherooto. Kasi obhoheene ni-igha, amaitegherro aghaabho amaghogho agha bhunyakyaro, ghabhakangihya.

Okohonyora 2:14

Kasi amangʼana gharëngë kö-bhëënyu amake igho, ghano ghakunnyankya. Bhaaho abhantö bhano bhakosoorana amëëghyö agha Bharaamu, mö-bhëënyu muyö. Bharaamu uyö, yëëghëri Bharaaki okotegha Abhaisiraëri, okore bhakore ëbhëbhë ibhya okorya ibhyakorya bheno bhimwënsëywë ëbhëtöndö, na okokora obhosooraare.

Okohonyora 2:20

Kasi moona engʼana eno ikunnyankya. Bhëënyu nkwikererrania mörë na amangʼana agha omokari oora Yëzëbhëëri. Uyö akwibherekera igha m-mörööti, kasi të-mörööti hë. Nkwikërrya mörë igha angʼaine abhaköri abha emeremo abhaane, ko ököbhëëghya bhakore obhosooraare, na okorya ibhyakorya bheno bhimwënsëywë ëbhëtöndö.