1 Abhakörintö 7:35 - Imuuma Eehya

³⁵ Nkoghamba ndë amangʼana ghayö, okore mobhe na ehoorohooro, tërëngë igha nkobhatimbya ndë hë. Kasi keno nkutuna ni-igha mwikarane bhwaheene, mutighinkanerenga Omonene bhuuya, motaköngʼënërribhwa na ëkëntö.

1 Abhakörintö 7:35 ပူးပေါင်းရင်းမြစ်များ

Mataayo 19:12

Ko bhoora bhaaho abhandë bhano bhatakoteta, ko bhoora igha, tebhaana singuru isya ikishaasha hë. Abhandë tebhakoteta hë, ko bhoora bhaihwa kya sengʼombe. Na ghwiki bhaaho abhandë bhano bhatakoteta, ko okoghera iya Obhokama ubhwa Waryobha. Ömöntö wowonswe ono akotora okokora igho, akore.”

Mataayo 22:15

Mbe, Abhafarisaayo bhakarwa hayö, bhakaghya okokora ikiina, okore bhaghashani Yëësu ko bhoghambi ubhwaye.

Ruuka 21:34

“Mwiyangarre motakaasha kuritoherwa na obhoraaghëri, na öbhörëëbhi, na ehaho iya öbhöhöru ubhwa ko-kebhara kono. Hano mutiyangarre, urusikö urwa umuhiko ndorebhabhasha motamanyirë.

Ruuka 8:14

“Simbusiro seera syaatöönyirë mo-maanyamahwa, siyö na-bhantö bhano bhakwitegherra engʼana iya Waryobha bhaghikërrya. Kasi hano enkaagha yaaheta-ho, bhanyankibhwa na amangʼana agha ubhutuni, ukwighomba ubhwamë, na obhoraaghëri. Amangʼana ghayö ngo ghakoghera umukumo ughwabho teghokobha ughwa heene hë.

1 Abhakörintö 7:2

Kasi ko okoghera iya ukwibhasha obhosooraare, ni-igha kera umushaasha abhe na mokaaye umwene igho, na kera omokari abhe na umushaasha uwaaye umwene igho.

1 Abhakörintö 7:28

Kasi nyoore noteta, tunyoore osarri hë. Na omohara wonswe nyoore natetwa, tunyoore asarri hë. Kasi, bhano bhaatetana mbaraanyoore inyanko ko-kebhara kono. Keno nkutuna ni-igha motakaanyoora inyanko iyö.

1 Abhakörintö 7:36

Ömöntö wowonswe igho ono akomaaha igha ti-bhuuya ukwanga okoteta omohara ono aghambëëyë öbhökwë, kora ömöbhërë ughwaye nkomokera ghörë ukwirebherra, aramaaha igha m-buuya atete, mbe, akore kya bhono akutuna, okore bhatetane. Hayö të-këbhë ukunyoora akörrë hë.

Abhaëfësö 5:3

Kasi motakaakora amangʼana ghano gharaaghere abhantö bhabhaghambe igha, m-basooraare mörë, m-banyanku mörë, handë igha m-bahobhaaru mötë, ko bhoora igha, amangʼana ghayö teghaingʼarëëyë ko-bhantö abha Waryobha abhahörëëru kya bhëënyu.

Abhafiripi 4:8

Mbe, bhoono abhakumya bharikyëtö, amangʼana agha obhoheene, amangʼana ghano ghaingʼarëëyi okosookwa, amangʼana agha heene, amangʼana ghano ghataraaishooghana na obhoghogho, amangʼana ghano ghakushomera abhantö na amangʼana amaiya, amangʼana ghano ghaingʼarëëyi, na amangʼana ghano abhantö bhakukumya, ghayö ngo amangʼana agha ukwitegherra mo-metwe ighyënyu.

1 Timoteo 1:10

Amaraghërryö agha Mosa ghayö, ngaatöörrwë-ho ko okoghera iya abhasooraare, abhashaasha bhano bhakuturamya abhashaasha bharikyabho, bhano bhakoghonyera abhantö, bhabhaghoota, bhaghya kobhaghörya, abharongo, na bhano bhakutyanera amangʼana agha obhorongo. Amaraghërryö ngaatoorwa-ho ko okoghera iya amangʼana ghonswe igho ghano ghatakorengerrania na amëëghyö agha obhoheene.

Tiito 2:3

Abhakungu bhonswe bhakorenga kya igho, obhatëëbhi igha, bhabhe na eteemo eno ëkötöönia Waryobha. Bhatakaabha abhaghambi abha abhantö, bhatakaabha abharëëbhi, kasi bhatönibhwi ukwörökërrya abhantö eteemo inshiiya,