1 Abhakörintö 7:25 - Imuuma Eehya

²⁵ Bhoono ko amangʼana agha abhahara bhano bhataraatetwa, teneena engʼana iya Omonene iya okobharaghërrya. Kasi nkobharaghërrya ndë bhono öni nkomaaha, ko bhoora ko okoghera iya ikyabhera ikya Omonene, m-möntö uwa heene ndë.

1 Abhakörintö 7:25 ပူးပေါင်းရင်းမြစ်များ

1 Abhakörintö 15:10

Kasi bhono ndëngë bhoono igho, n-ko okoghera ukwa örööbhö urwa Waryobha. Örööbhö urwaye ruyö ku-öni, te-rwa bhosa hë, ko bhoora rwaaghera naakora emeremo okokera abhandë bhonswe igho, te-ko obhotoro ubhwane umwene hë, kasi nö-rööbhö urwa Waryobha ruyö rörëngë hamwë na öni.

1 Abhakörintö 4:2

Bhoono keno kikutunwa, nu-bhwimërërri ubhwa heene.

1 Abhakörintö 7:10

Kasi bhano bhaamara okotetana, ndabharaghërrya, kasi tö-öni hë, Omonene we akobharaghërrya igha, omokari atakaatighana na mushaasha uwaaye.

1 Abhakörintö 7:12

Mbe, abhantö abhandë to-Monene akobhatëëbhya hë, kasi nö-öni. Ndabhatëëbhya igha, hano oraanyoore umushaasha umukumya ono aana omokari ono atarë umukumya, na omokari uyö araikërrya ököghëndërrya okobha nawe, atakaamutigha.

1 Abhakörintö 7:28

Kasi nyoore noteta, tunyoore osarri hë. Na omohara wonswe nyoore natetwa, tunyoore asarri hë. Kasi, bhano bhaatetana mbaraanyoore inyanko ko-kebhara kono. Keno nkutuna ni-igha motakaanyoora inyanko iyö.

1 Abhakörintö 7:34

Ku bhuyö amangʼana aghaaye n-ga mbagha ibhërë. Omohara ono ataraatetwa, handë omokari ono ataraatetwa, we nkutighinkanera arë amangʼana agha Omonene, okore abhe ömöhörëëru uwa enkoro na ömöbhërë. Kasi omokari ono yaatetwa, umwene nkutighinkanera arë amangʼana agha ko-kebhara kono, okore atëghëri mushaasha uwaaye.

1 Abhakörintö 7:40

Kasi nyakara umusinö uyö aikare igho atatëtirwë. Ghayö na-maitegherro aghaane, ndamanya öni wonswe nu-Mwika uwa Waryobha we akontangata ngambe amangʼana ghayö.

1 Abhakörintö 7:6

Amangʼana ghayö ngambirë, ti-igha m-mughiro, kasi n-ko bhono öni umwene nkomaaha.

2 Abhakörintö 11:17

Amangʼana ghano ndaaghambe agha ukwikumya, ti-igha Omonene we yaantëëbhëri igha ngaghambe, kasi nkoghaghamba ndë ko bhokangi ubhwane.

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.