1 Abhakörintö 7:22 - Imuuma Eehya

²² Ko bhoora ömöntö ono yaabherekerwa arëngë omoghorwa, m-mötöönööni ko-Monene. Ni-ighoigho kora na ono yaabherekerwa arëngë ömötöönööni, m-moghorwa uwa Kiristo.

1 Abhakörintö 7:22 ပူးပေါင်းရင်းမြစ်များ

Abharuumi 1:1

Ritashandighi reno, nku-öni Pauro omoghorwa uwa Yëësu Kiristo riruurë. Naabherekerwa igha mbe omotomwa, nkaahorwa igha, ndaarekenga Amangʼana Amaiya agha Waryobha.

1 Abhakörintö 7:21

Nyoore wabhërëkëëywë enkaagha eno waarë omoghorwa, otakaighwa bhoghogho, kasi hano oraanyoore umweya ughwa okobha ömötöönööni, kora igho.

1 Abhakörintö 9:19

Öni tëndëngë omoghorwa uwa ömöntö wowonswe igho hë, m-mötöönööni ndë. Kasi naikërrya okobha omoghorwa uwa abhantö bhonswe igho, okore ntöörri abhantö abhaaru bhakumi Kiristo.

1 Abhakörintö 9:21

Ko bhano bhataana amaraghërryö agha Mosa, nkabha kya ono ntaana amaraghërryö, okore mbatöörri bhakumi Yëësu Kiristo. Ti-igha teneena amaraghërryö ukurwa ku-Waryobha, kasi neena amaraghërryö agha ukurwa ku-Yëësu Kiristo. Naakörrë igho okore ntöörri bhano bhataana amaraghërryö.

Abhagharatia 1:10

Bhoono bhëënyu nkokanya mörë igha nkutuna ndë okohanshwa na abhantö? Ti-igho hë, keno nkutuna no-kohanshwa na Waryobha umwene igho! Okaanyöörrë igha na-bhantö nkutuna kötëghërya, tenkaabhaayë omoghorwa uwa Yëësu Kiristo hë.

Abhagharatia 5:1

Kiristo yaatohaana öbhötöönööni, okore tobhe abhatöönööni. Ku bhuyö ni-igha monaghe, motakaikërrya ukukyora ghwiki mo-bhoghorwa ubhwa amaraghërryö.

Abhagharatia 5:13

Bhëënyu abhakumya bharikyëtö, Waryobha yaabhabherekera okore mobhe abhatöönööni. Kasi motakaakora öbhötöönööni ubhwënyu bhobhe ubhwa oronamba urwa ömöbhërë, kasi mötöörraninga, na mohanshanenga.

Abhakorosaai 4:12

Epafura Omokorosaai murikyënyu wonswe nkobhakëërya arë, wonswe m-mököri uwa emeremo uwa Kiristo Yëësu. Epafura uyö, naana omotono ughwa okobhasabhera nkaagha syonswe igho, nkobhasabhera arë igha, monaghe ku-mukumo ughwënyu, na mohangarre ko amangʼana ghano Waryobha akutuna igha mokore.

Firimoni 1:16

Ukurwa bhoono igho, tarëngë kya omoghorwa ku-uwe hë. Kasi nakërrë omoghorwa. Uyö m-mura uwëënyu omoghonshe. Öni nemohanshirë bhököngʼu, kasi uwe, noraamohanshe bhököngʼu konkera. Noraamohanshe igha m-moghorwa uwaaho, na ko bhoora igha m-Mukiristo murikyaho.

1 Peetero 2:16

Momenye këtöönööni, kasi öbhötöönööni bhuyö, bhotakaaghera mokore amangʼana amaghogho. Momenye öbhömënyi bhono bhukwörökya abhantö igha, m-baköri abha emeremo abha Waryobha mörë.

2 Peetero 1:1

Ritashandighi reno nö-öni Simeoni Peetero ndyandëkirë, öni ömököri uwa emeremo, na ghwiki m-motomwa uwa Yëësu Kiristo ndë. Bhëënyu bhano mwanyoora umukumo ughwa ubhwera, m-bëënyu nkwandekera. Mwaanyoora umukumo ghooraghoora, ghono na bhëëtö bhonswe twaanyoora okohetera ko obhoheene ubhwa Waryobha na ömötöörya uwëëtö Yëësu Kiristo.

Yuuda 1:1

Ritashandighi reno, nö-öni Yuuda ömököri uwa emeremo uwa Yëësu Kiristo, mura uwaabho Yaakobho ndyandëkirë. M-bëënyu bhano mwahanshwa nandëkëëyë, mwabherekerwa na Taata Waryobha, na nkorendwa mörë bhuuya, ko okoghera iya Yëësu Kiristo.