1 Abhakörintö 7:2 - Imuuma Eehya

² Kasi ko okoghera iya ukwibhasha obhosooraare, ni-igha kera umushaasha abhe na mokaaye umwene igho, na kera omokari abhe na umushaasha uwaaye umwene igho.

1 Abhakörintö 7:2 ပူးပေါင်းရင်းမြစ်များ

Mataayo 5:32

Kasi bhoono öni ndabhatëëbhya igha, ömöntö wowonswe ono araabhorre mokaaye, etarëngë igha m-mosooraare, nkunyoora örë amökörrë igha m-mosooraare. Ghwiki ni-igha, ömöntö wowonswe ono araatete omokari ono yaabhorrwa, uyö wonswe no-bhosooraare akokora.”

1 Abhakörintö 6:18

Ku bhuyö ni-igha mongʼose obhosooraare. Ëbhëbhë ibhyëndë bhyonswe igho bheno ömöntö akokora, n-kebhara iya ömöbhërë ughwaye bhërë, kasi ömöntö ono akokora obhosooraare, uyö nö-möbhërë ughwaye umwene akokorra obhosarya.

1 Abhakörintö 7:1

Mbe, bhoono ko mangʼana ghano mwaanyandëkëëyë igha, “Nyakara umushaasha atakaakunia omokari.”

1 Abhakörintö 7:3

Umushaasha atakaima mokaaye amangʼana ghaara agha abhantö bhakörö, kora omokari wonswe bhuyöbhuyö.

1 Abhakörintö 7:9

Kasi hano bharaakerwe ököghömërrya, bhatete, nyakara ömöntö otete, otakaasekaana oronamba urwa ömöbhërë.

Abhaëfësö 5:28

Abhashaasha bhonswe ighoigho, ni-igha bhahanshe bhakaabho kya bhono bhahanshirë ëmëbhërë ighyabho. Ömöntö ono akohansha mokaaye, nkunyoora örë aihanshirë umwene.

Abhaëfësö 5:33

Ndamarërrya amangʼana aghaane ko okoghamba igha, ni-igha umushaasha ahanshe mokaaye, kya bhono ahanshirë ömöbhërë ughwaye umwene, na omokari wonswe asooke mushaasha uwaaye.

1 Abhatësarönikë 4:4

Bhëënyu bhonswe igho ni-igha mwihoosherre, kö öbhöhörëëru na ukwisooka.

1 Timoteo 4:3

Abhantö bhayö, nkwëghya bharë igha abhantö bhatakaatetana, bhatighe okorya ibhyakorya nyabhorebhe. Kasi ibhyakorya bhiyö, Waryobha yaabhëbhömbirë akatohaana, okore abhakumya tumukumi ko bhoora igha, ntomanyirë obhoheene.