1 Abhakörintö 7:17 - Imuuma Eehya

¹⁷ Kera ömöntö amenye ko okorengʼaana na ësëëmyö iya Omonene, aghëndërri okobha kya bhono yaarë hano Waryobha yaamöbhërëkëëyë. Amangʼana ghayö, ngo nkoraghërrya ko-makanisa ghonswe igho.

1 Abhakörintö 7:17 ပူးပေါင်းရင်းမြစ်များ

Mataayo 19:12

Ko bhoora bhaaho abhandë bhano bhatakoteta, ko bhoora igha, tebhaana singuru isya ikishaasha hë. Abhandë tebhakoteta hë, ko bhoora bhaihwa kya sengʼombe. Na ghwiki bhaaho abhandë bhano bhatakoteta, ko okoghera iya Obhokama ubhwa Waryobha. Ömöntö wowonswe ono akotora okokora igho, akore.”

1 Abhakörintö 10:32

Motakaabha ikibhuno ikya ukutimba Abhayahudi, abhantö bhano bhatarë Abhayahudi, handë ekanisa iya Waryobha.

1 Abhakörintö 11:16

Kasi hano ömöntö wowonswe araatune okorya senkaani ko amangʼana ghayö, amanye igha, bhëëtö tetoona eteemo iyëndë hë, kora amakanisa agha Waryobha, teghaana eteemo iyëndë hë.

1 Abhakörintö 11:34

Nyoore ömöntö aana umweko, araagherenga waaye ka, okore ukwikomania ukwënyu, kotakaabhakorerra mobhotorrwe ikiina. Mbe, hano ndiisha, nendetoora bhuuya amangʼana aghandë ghano ghatighaayë.

1 Abhakörintö 14:33

ko bhoora Waryobha uwëëtö takoreeta riihë hë, kasi no-morembe akoreeta. N-kya bhoora ërëngë ko amakanisa ghonswe igho agha abhahörëëru,

1 Abhakörintö 16:1

Bhoono ko mangʼana agha okosororra abhahörëëru, mokore kya bhono naaraghërrya amakanisa agha Gharatia.

1 Abhakörintö 4:17

Ku bhuyö ntömirë Timoteo, omoona uwaane omoghonshe ku umukumo ghono tokosanga nawe, m-möntö uwa heene ko-meremo ighya Omonene. Uyö we araabhahiitöki amangʼana aghaane kya bhono nkosoorana Yëësu Kiristo. Naraabhatëëbhi kya bhono nkwëghya kera ahasë mo-makanisa ghonswe igho.

1 Abhakörintö 7:18

Nyoore aaho ömöntö nyabhorebhe, ono yaabhërëkëëywë na Waryobha amarrë okosaarwa, atighare bhuyöbhuyö. Nyoore aaho ömöntö nyabhorebhe ono yaabhërëkëëywë mo-bhano bhatakosaarwa, atighare bhuyöbhuyö.

1 Abhakörintö 7:24

Abhakumya bharikyane, kera ömöntö ku-Waryobha, abhe kya bhono yaarë enkaagha eno yaabhërëkëëywë.

1 Abhakörintö 7:7

Nenkaashömëëywë hano abhantö bhonswe igho bhakaabhaayë kya bhono ndëngë, kasi kera ömöntö, naana ituho iyaaye umwene, ukurwa ku-Waryobha, ömwë ituho eno, na uwöndë iyëndë.

2 Abhakörintö 11:28

Hamwë na ghayö ghonswe igho, kasi nkuritoherwa ndë sinsikö syonswe igho, na emeremo ighya amakanisa ghonswe igho.

2 Abhakörintö 8:18

Hamwë na uyö, nkotoma törë umukumya murikyëtö ono akukumibhwa na amakanisa ghonswe igho, ko-meremo ighyaye, ighya okoraareka Amangʼana Amaiya.

Abhagharatia 1:22

Enkaagha iyö abhakumya abha Kiristo abha amakanisa agha mo-mokowa ughwa Yudea, tebhaarenga bhammanyirë hë.

1 Abhatësarönikë 2:14

Abhakumya bharikyëtö, ghaara ghaanyöörrë abhakumya abha Kiristo Yëësu mo-makanisa agha Waryobha mo-mokowa ughwa Yudea, ni-ighoigho na bhëënyu ghaabhanyöörrë. Abhantö abhëënyu bhaabhanyankëri, kya hano bhayö bhaanyankiibhwi na Abhayahudi bharikyabho.

2 Abhatësarönikë 1:4

Ku bhuyö nkwikumya törë mo-makanisa agha Waryobha, ko okoghera iya ököghömërrya ukwënyu, na umukumo ghono moonagho ku-nyanko yonswe igho, na inyaanyi eno mukunyoora.