1 Abhakörintö 6:3 - Imuuma Eehya

³ Temomanyirë igha morebhotorra ikiina abhamaraika? Ku bhuyö ni-igha momarenga amangʼana aghëënyu bhëënyu abheene.

1 Abhakörintö 6:3 ပူးပေါင်းရင်းမြစ်များ

Mataayo 25:41

“Ho ndemara ntëëbhi bhaara urinyoora bharëngë bhömösi ubhwane igha, ‘Murwe hano, ko bhoora bhëënyu, mwaihiimwa na Waryobha. Moghende mo-morro ghotakurima amakora ghonswe igho, ahasë hano Waryobha yaasëëmëërya Oghosambwa na abhamaraika abha Oghosambwa ghuyö.

Ruuka 21:34

“Mwiyangarre motakaasha kuritoherwa na obhoraaghëri, na öbhörëëbhi, na ehaho iya öbhöhöru ubhwa ko-kebhara kono. Hano mutiyangarre, urusikö urwa umuhiko ndorebhabhasha motamanyirë.

Ruuka 8:14

“Simbusiro seera syaatöönyirë mo-maanyamahwa, siyö na-bhantö bhano bhakwitegherra engʼana iya Waryobha bhaghikërrya. Kasi hano enkaagha yaaheta-ho, bhanyankibhwa na amangʼana agha ubhutuni, ukwighomba ubhwamë, na obhoraaghëri. Amangʼana ghayö ngo ghakoghera umukumo ughwabho teghokobha ughwa heene hë.

Abharuumi 6:16

Kasi temomanyirë igha ömöntö nkobha arë omoghorwa uwa keera akwighwera? Aratora okobha omoghorwa uwa okokora ëbhëbhë, bhekamokorerra uruku. Handë aratora okobha ömöntö ono akwighwera Waryobha, ku bhuyö abha omoghorwa uwa Waryobha, uwa öbhömënyi ubhwa heene.

1 Abhakörintö 6:15

Kasi temomanyirë igha ëmëbhërë ighyënyu, ni-myaho ighya Yëësu Kiristo? Mbe, bhoono ngeghe imyaho ighya Yëësu Kiristo ngekore ghebhe imyaho ighya omosooraare? A a, ti-igho hë!

1 Abhakörintö 6:16

Temomanyirë igha ömöntö wowonswe igho ono yaghootana na omosooraare, yaabha ömöbhërë öghömwë nawe? N-kya bhono yandëkirwë mo-Maandeko Amahörëëru igha, “Abhabhërë bhayö, nkobha bharë kya ömöbhërë öghömwë.”

1 Abhakörintö 6:19

Kasi, temomanyirë igha, ëmëbhërë ighyënyu ngyo inyumba iya Waryobha, mono amënyirë Umwika Ömöhörëëru ono mwaahaanwa na Waryobha? Tëghërëngë ighyënyu hë,

1 Abhakörintö 6:4

Mbe, hano mwanga ukwighwerrana, n-kwakë mukuhira ibhiina ibhyënyu ko-bhantö bhano bhatarëngë abha ekanisa igha bhabhaahokani, kora tebhakosookwa na ekanisa hë?

2 Timoteo 2:4

Umusirikare umuuya ono akutuna omonene uwaaye ashomerwe, takokora emeremo ighya ubhusirikare na eno araishooghania-mo na gheno ghetarëngë ighya ubhusirikare.

2 Timoteo 4:10

ko bhoora Dema, yaantigha. Dema uyö, yaahansha amangʼana agha ko-kebhara kono, akamaaha igha aghende mu-mughi ughwa Tësarönikë. Kiresike, yaghëëyë mo-mokowa ughwa Gharatia, na Tiito, yaghëëyë mo-mokowa ughwa Darimatia.

2 Peetero 2:4

Abhamaraika bhano bhaakörrë ëbhëbhë, Waryobha tiyaabhatighirë hë. Kasi yaabhatabhutirë mu-kyaro ikya abhaku, bhakabhohwa-mo na ebheraangʼani mu-kisuntë. Mu-kyaro ikya abhaku muyö, mo bhakoghanyera urusikö urwa okobhotorrwa ikiina.

Yuuda 1:6

Muhiitoke igha, kora abhamaraika bhano bhataanaghëri ibhyeo ibhyabho, bhakatigha ahasë ahaabho aha okomenya, Waryobha yabhabhoha na ebheraangʼani mu-kisuntë. Nkoghanya bharë urusikö oronene roora, urwa okobhotorrwa ikiina.