1 Abhakörintö 6:13 - Imuuma Eehya

¹³ Abhantö abhandë bharaghamba igha, enda n-ko okoghera iya ibhyakorya, na ibhyakorya n-ko okoghera iya enda. Kasi bhyonswe igho bhibhërë bhiyö, enda na ibhyakorya, Waryobha naribhiruusya-ho. Kasi ömöbhërë te-ko okoghera iya obhosooraare hë, kasi n-ko okoghera iya Omonene uwëëtö, na Omonene n-ko okoghera iya ömöbhërë.

1 Abhakörintö 6:13 ပူးပေါင်းရင်းမြစ်များ

Mataayo 15:17

Temomanyirë igha, ëkëntö kyokyonswe keno ömöntö akorya, mo-nda kikughya, kemara kirwa-mo?

Mataayo 15:20

Bhiyö mbyo bhikunyankuhya ömöntö. Kasi igha, ömöntö arëëyë ataisaabhirë bhuuya amabhoko aghaaye kya bhono amaraghërryö agha abhakörö ghakoraghërrya, takunyankuha hë!”

Maariko 7:19

Ibhyakorya tibhikughya mo-nkoro iya ömöntö hë, kasi mo-nda bhikughya, bhemara bhirwa-mo.” Hano Yëësu yaaghambirë igho, yöörökëri igha, ibhyakorya bhyonswe igho bhyaikërribhwa igha, bhereebhwe.

Yohana 6:27

Motakaakoranga emeremo ko okoghera iya ukunyoora ibhyakorya bheno bhekosareka, kasi mokorenga emeremo ko okoghera iya ibhyakorya bheno bhëköghëndërrya okobha-ho kora nkohaana bhërë abhantö öbhöhöru ubhwa amakora ghonswe igho. Ibhyakorya bhiyö, mbyo öni Omoona uwa Ömöntö nkohaana abhantö, ko bhoora Taata Waryobha yaangʼaana obhotoro ubhwa okokora ghayö.”

Yohana 6:49

Nokaanyoora abhakörö abhëënyu bhaarëëyë emana ku-riköngö, kasi mbaakuurë.

Abharuumi 12:1

Bhoono abhakumya bharikyëtö, ko bhoora igha Waryobha abhaayë na amaabhë na bhëëtö, ndabhasaasaama bhököngʼu igha, mwiruusi mobhe kya itugho ëhörëëru iya ikimwenso, eno ikushomera Waryobha. Okokora igho, nko enshera inshiiya iya okosengerra Waryobha.

Abharuumi 14:17

Ko bhoora Obhokama ubhwa Waryobha, tokorya handë ukunywa hë, kasi no-kokora amangʼana agha heene, okobha na omorembe, na ukushomerwa, ghayö nku-Mwika Ömöhörëëru ghakurwa.

Abharuumi 6:12

Mbe, motakaahaana ëbhëbhë umweya ughwa okobhaaha ëmëbhërë ighyënyu gheno ghikukwa. Hano moraahaane ëbhëbhë obhobhaahi bhuyö, moraarutwe okokora amangʼana amaghogho ghano ëmëbhërë ghikutuna mokore.

Abharuumi 7:4

Abhakumya bharikyëtö, amangʼana ni-igho gharë na kö-bhëënyu bhonswe. Kya bhoora ërëngë igha, hano ömöntö yaakwa, takobhandërribhwa ghwiki na amaraghërryö hë, na bhëënyu bhonswe ni-igho ërë igha, temokotangatwa na amaraghërryö agha Mosa hë, mwahanekwa ko-mosarabha hamwë na Yëësu Kiristo. Bhoono bhëënyu na-bhantö abha Yëësu Kiristo mörë. Yëësu Kiristo uyö, yaaryökiibhwi ukurwa mo-bhaku, okore atohaane obhotoro ubhwa okokorra Waryobha emeremo.

1 Abhakörintö 3:16

Kasi motamanyirë igha bhëënyu ni-nyumba iya Waryobha mörë, kora Umwika uwa Waryobha mö-bhëënyu amënyirë?

1 Abhakörintö 6:15

Kasi temomanyirë igha ëmëbhërë ighyënyu, ni-myaho ighya Yëësu Kiristo? Mbe, bhoono ngeghe imyaho ighya Yëësu Kiristo ngekore ghebhe imyaho ighya omosooraare? A a, ti-igho hë!

1 Abhakörintö 6:19

Kasi, temomanyirë igha, ëmëbhërë ighyënyu ngyo inyumba iya Waryobha, mono amënyirë Umwika Ömöhörëëru ono mwaahaanwa na Waryobha? Tëghërëngë ighyënyu hë,

2 Abhakörintö 11:2

Öni neena rihari reno rikurwa ku-Waryobha, ko bhoora monga kya umwisëkë intindë, ono naaghambera öbhökwë ku-mushaasha ömwë igho, ono akobherekerwa igha, Yëësu Kiristo.

2 Abhakörintö 5:15

Yëësu Kiristo yaakuurë ko okoghera iya abhantö bhonswe igho, okore abhantö abha öbhömënyi obhohya, bhatakaabha na öbhömënyi ko okoghera iyaabho abheene, kasi bhobhe ko okoghera iya ono yaakuurë akaryoka ko okoghera iyaabho.

Abhagharatia 5:24

Hano wanyoora abhantö bhaghootaini na Yëësu Kiristo, nkunyoora örë n-kya bhano bhaahanekwa ko-mosarabha hamwë na Kiristo Yëësu. Tebhakotongwa ghwiki na oronamba urwabho urwa ëmëbhërë, hamwë na amaitegherro aghaabho amaghogho ghaara.

Abhaëfësö 5:23

ko bhoora igha, umushaasha n-kya omotwe ko mokaaye, naana ubhwera ko mokaaye. N-kya bhoora Yëësu Kiristo aana ubhwera ko-kanisa iyaaye, na ekanisa n-kya ömöbhërë ughwa Yëësu Kiristo, na uyö we yaaghëtöörya.