1 Abhakörintö 6:11 - Imuuma Eehya

¹¹ Abhandë mö-bhëënyu muyö, ni-igho mwaarë. Kasi bhoono mwoghibhwa obhoghogho ubhwënyu, mwahorwa, mokakorwa abha heene okohetera ku iriina irya Omonene uwëëtö Yëësu Kiristo, na ku-Mwika uwa Waryobha uwëëtö.

1 Abhakörintö 6:11 ပူးပေါင်းရင်းမြစ်များ

Mataayo 20:4

Akabhatëëbhya igha, ‘Na bhëënyu bhonswe, moghende mokore emeremo kö-möghöndö ughwane ughwa emezabhibhu. Nendaabhahake ekerengere ikya ukwisa.’

Ruuka 18:14

Ho Yëësu yëëngëëyi-ko igha, “Ndabhatëëbhya igha, ömöghööti uwa righööti uyö, yaakyörrë ka waaye abhëëywë na Waryobha. Kasi uwöndë uyö, tiyaabhëëywë hë. Ömöntö wowonswe ono akwinënëhya, Waryobha nkumusuuhya arë. Kasi ömöntö ono akwisuuhya, Waryobha nkömönënëhya arë.”

Yohana 13:10

Yëësu akamohonshora igha, “Ömöntö ono amarrë ukwisaabha ömöbhërë ghwonswe igho, uyö n-wa ukwisaabhya amaghörö agheene igho, ko bhoora taana riikwë kö-möbhërë hë. Bhëënyu m-buuya mörë, kasi te-bhonswe igho mu bhuuyabhuuya hë.”

Yohana 13:8

Peetero akamötëëbhya igha, “Uwe tunyisaabhi amaghörö aghaane kora hake hë!” Yëësu akamohonshora igha, “Nyoore ntakwisaabhi amaghörö, omanye igha toona öbhömwë na öni hë.”

Yohana 5:4

ko bhoora maraika uwa Omonene Waryobha yaashanga abhurunga amanshë mwi-ribha riyö, ömörööyë ono yaasohanga-mo mbere, uyö we yaahwenanga öbhörööyë ubhwaye bhono yaarë nabho.]

Amangʼana agha Abhatomwa 13:39

Ömöntö wowonswe igho ono akumukumya, nkokorwa arë na Waryobha abha ömöntö uwa heene. Engʼana iyö amaraghërryö agha Mosa, teghaaghetoranga hë.

Amangʼana agha Abhatomwa 22:16

Bhoono uwe, otakaategheta. Emoka! Obhatiisibhwi, osaabhuurwe, osaasaame Waryobha akwabhere ëbhëbhë ibhyaho.’

Amangʼana agha Abhatomwa 26:18

Okore obharamöki bharwe mu-kisuntë, bhaghi ko-bhorabhu. Bharwe mo-mabhoko agha Oghosambwa, bhaghi ku-Waryobha. Hayö ho bhoono bhaabherwe ëbhëbhë ibhyabho, okohetera ku-mukumo ughwabho ku-öni. Bhabhe hamwë na abhantö abha Waryobha bhonswe igho bhano bhasaabhuurwa.’

Abharuumi 3:24

Kasi bhoono Waryobha kö örööbhö urwaye, aikërëëyi okobhara abhantö igha m-ba heene ku-mwene, bhatamohakirë kyokyonswe keera. Bhatunguribhwa ukurwa mö-bhëbhë ibhyabho okohetera ku-Kiristo Yëësu

Abharuumi 4:5

Ömöntö ono atakwesegha amangʼana aghaaye amaiya ghano akokora, hano araakumi Waryobha umwene igho ono akobhara abhantö igha m-ba heene, ömöntö kya uyö, nokaanyoora igha m-möntö moghogho, kasi Waryobha nkomobhara arë igha n-wa heene, ko okoghera iya umukumo ughwaye.

Abharuumi 5:1

Mbe, Waryobha atobharrë igha m-ba heene törë, ko okoghera iya umukumo ughwëtö. Ku bhuyö ntoona omorembe ku-Waryobha ko okohetera ko-Monene uwëëtö Yëësu Kiristo.

Abharuumi 5:9

Mbe, nyoore twabharwa igha na-abha heene törë ko okohetera amaanyinga agha Yëësu Kiristo, m-boheene igha, kora narëtötöörya totakaasoha mu-bhushibhu ubhwa okorerra ukwa Waryobha.

Abharuumi 8:30

Ku bhuyö abhantö bhano yaashaaghööyë, mbo yaabhërëkëëyë, akabhabhara igha m-ba heene, kora akabharaghania igha, narebhahaana ubhuhika.

Abharuumi 8:33

Taaho ömöntö uwa ukushongera abhaahorwa abha Waryobha, ko bhoora Waryobha umwene we akobhabhara igha m-ba heene.

1 Abhakörintö 1:2

nkobhakëërya törë bhëënyu bhano mörëngë mo-kanisa iya Waryobha, eno ërëngë Körintö hayö. Bhëënyu mwasaabhuurwa na Kiristo Yëësu. Mwabherekerwa igha, mobhe abhantö abha Waryobha, hamwë na bhonswe igho kera ahasë, bhano bhakosaasaama Omonene uwëëtö Yëësu Kiristo, ono arëngë Omonene uwaabho, na uwëëtö na bhëëtö bhonswe.

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

1 Abhakörintö 12:2

Mmomanyirë igha, enkaagha eno mwaarenga motaraamanya Waryobha, mwaangʼainirwë kora mokatangatwa na amatöndö ghano kora ghatakoghamba.

Abhagharatia 2:16

Kasi bhëëtö ntomanyirë obhoheene igha, taaho ömöntö ono akobharwa na Waryobha igha wa heene ko okoghera iya okoghoota amaraghërryö agha Mosa hë. Kasi ukukumya Yëësu Kiristo ukwene igho, nkwo kokoghera ömöntö abharwa na Waryobha igha, nu-uwa heene. Ku bhuyö na bhëëtö bhonswe ntwaakumya Yëësu, okore tobharwe igha m-bantö abha heene törë ko okoghera iya ukukumya Yëësu, te-ko okoghoota amaraghërryö agha Mosa hë. Obhoheene ni-igha, okohetera okoghoota amaraghërryö agha Mosa, taaho ömöntö ono akobharwa igha uwa heene ku-Waryobha hë.

Abhagharatia 3:11

M-maheene, taaho ömöntö ono Waryobha akobhara igha, nu-uwa heene ko okoghera iya okoghoota amaraghërryö, ko bhoora Amaandeko Amahörëëru nkoghamba gharë igha, “Ömöntö uwa heene, naremenyanga mu-mukumo ughwaye ghono aanagho.”

Abhagharatia 3:24

Mbe amaraghërryö ghayö ghaatotangata na ukututugha kya umutughi, okohekera hano Kiristo yaaishirë. Ku bhuyö ko okohetera ku umukumo, tobharwe mö-bhöntö ubhwa heene.

Abhagharatia 3:8

Amaandeko Amahörëëru ghaaghambirë igha, Waryobha nakaabharrë igha, Abhakyaro m-bantö abha heene okohetera ku umukumo ughwabho. Waryobha yaatangatirë okoraareka amangʼana agha Ibhurahimu ukurwa kare igha, “Okohetera ku-uwe, abhantö abha ibhyaro bhyonswe igho, mbarengʼoorwa.”

Abhaëfësö 5:26

Yaaghikwërëëyë, okore aghesaabhuure. Yaasaabhuurrë ekanisa ko engʼana iya Waryobha na ukughyöghya na amanshë agha obhobhatiisyo,

Abhaëfësö 5:8

Nokaanyoora igha kare hayö mmu-kisuntë mwaarë, kasi bhoono igho mösöhirë mo-bhorabhu ko bhoora mobhaayë na öbhömwë na Omonene Yëësu Kiristo. Ku bhuyö mokore amangʼana kya abhantö bhano bharëngë mo-bhorabhu.

2 Abhatësarönikë 2:13

Kasi bhëëtö, ni-igha tukumi Waryobha senkaagha syonswe igho, ko okoghera iya bhëënyu abhakumya bharikyëtö, bhëënyu bhano mohanshirwë na Omonene Yëësu. Ni-igha tokore igho, ko bhoora yaabhashaaghööyë ukurwa okosemoka ukwaye ukwa öbhöbhömbi, okore möhönibhwi. Möhönibhwi ko okosaabhuurwa na Umwika Ömöhörëëru ono akosaabhuura, na ko kohetera ukukumya ukwënyu obhoheene.

Abhaëbhuraania 10:22

Ku bhuyö ni-igha tusuntare ku-Waryobha kwa nkoro nyihöötu na umukumo omohekeranu, ko bhoora Waryobha asaabhuurrë senkoro isyëtö ko amaanyinga agha Yëësu Kiristo, okore totakaabha na amaitegherro amaghogho. Kora atwisaabhëri ëmëbhërë ighyëtö mo-manshë ghano ghatabhöröngökirë.

Abhaëbhuraania 10:29

Mbe, bhoono morakanya igha m-bushibhu ubhwa iyakë bhono araanyoore ömöntö ono akotashera hansë Omoona uwa Waryobha, na okomaaha igha amaanyinga agha Imuuma ghano ghaamosaabhuura te-ngʼana hë, na okokorra ikisiraani Umwika Ömöhörëëru?

Abhaëbhuraania 2:11

Yëësu Kiristo ono akosaabhuura abhantö, na bhano bhakosaabhuurwa, bhonswe igho suwaabho nö-ömwë. Nkyo kekoghera Yëësu Kiristo atakosooka okobhabherekera igha m-bahiiri abhaaye.

1 Peetero 1:2

Taata Waryobha yaabhamanyirë, akabhashaaghora ukurwa kare, ko okoghera iya ësëëmyö iyaaye. Umwika uwaaye Ömöhörëëru, akabhakora mobhe abhahörëëru, okore mwighwere Yëësu Kiristo na okosaabhuurwa ko amaanyinga aghaaye. Waryobha abhëngëri örööbhö na omorembe.

1 Peetero 1:22

Öbhömënyi ubhwënyu, nkorengʼaana bhörë na amëëghyö agha heene agha amangʼana agha Yëësu Kiristo. Ku bhuyö senkoro isyënyu syasaabhuurwa, na bhoono nkotora mörë okohansha abhakumya bharikyënyu këmwëkëmwë. Mbe, mohanshane bhököngʼu,

1 Peetero 3:21

Amanshë agha ëhöörö iyö në-kërëngyö ikya obhobhatiisyo bhono bhokobhatöörya bhëënyu reero eno, ti-igha nu-kuruusya ubhunyanku kö-möbhërë hë, kasi no-kobha na enkoro inshiiya ku-Waryobha. Amangʼana ghayö, nkobha gharë okohetera ukuryoka ukwa Yëësu Kiristo.

1 Yohana 2:12

Bhëënyu abhaana abhaane abhaghonshe, nkobhandekera ndë, ko bhoora mwaabherwa ëbhëbhë ibhyënyu ko okohetera ku-Yëësu Kiristo.

Okohonyora 1:5

na ukurwa ku-Yëësu Kiristo umwimërërri uwa heene. Uyö we yaaryökiibhwi mbere, okore abhe omokama uwa abhakama bhonswe igho ko-kebhara. Yëësu Kiristo natohanshirë, kora yatotashora ukurwa mö-bhëbhë ibhyëtö ku ukutukwera.

Okohonyora 7:14

Nkamohonshora igha, “Omonene, uwe nu-uwe omanyirë.” Akantëëbhya igha, “Abhantö bhayö, m-baara bhaaghömërrëëyi inyanko enene eera. Bhaafura sengansho isyabho ko amaanyinga agha Omoona Ringʼöndi, sekarabha shaa.