1 Abhakörintö 5:7 - Imuuma Eehya

⁷ Ku bhuyö mwisaabhuure, ku ukuruusya ömöntö omoghogho uyö mö-bhëënyu, kya hano ömöntö yaruusya-mo ehamiira iya kare. Hayö bhoono ho moraabhe ekerengo ekehya, kya bhono motaarenga-mo na ehamiira iya kare. Ko bhoora Waryobha yaakörrë Yëësu Kiristo akabha Omoona Ringʼöndi uwa Epasaka iyëëtö, yaamara ukuruusibhwa akabha ikimwenso ko okoghera iya bhëëtö.

1 Abhakörintö 5:7 ပူးပေါင်းရင်းမြစ်များ

Mataayo 13:33

Yëësu akabharëngërya ghwiki igha, “Obhokama ubhwa Waryobha n-kya ehamiira. Omokari nkoghegha arë ehamiira aghishooghania mo-bhose ubhwa engano ubhwa ebherengo bhitatö. Ehamiira iyö, nkoghera ërë obhose ubhwa engano bhuyö bhubhimba, bhwebhokerra.”

Maariko 14:12

Urusikö urwa okotanga inyangi iya okorya emekaate gheno ghetatöörrwë-mo ehamiira, ruyö ndwo rwaarë urusikö urwa ukumwensa ikighuruki ikya ringʼöndi irya Epasaka. Mbe, hano urusikö ruyö rwaahikirë, abheegha abha Yëësu bhakamöbhöörya igha, “Bhoono, hai ukutuna igha toghende tökösëëmëri-ho, ahasë aha ukunyeera-ho ibhyakorya ibhya Epasaka?”

Yohana 1:29

Urusikö rono rwaarööbhëëyë, Yohana yaarööshë Yëësu araasha ko-we. Akatëëbhya abhantö bhano bhaarenga haara igha, “Maaha, uyö we Omoona Ringʼöndi uwa Waryobha, ono akuruusya-ho ëbhëbhë ibhya ko-kebhara kono!

Yohana 1:36

akamaaha Yëësu araghenda haangʼë nabho. Akaghamba igha, “Maaha, uyö we Omoona Ringʼöndi uwa Waryobha!”

Yohana 19:14

Okanyoora enkaagha ihikirë saa isansabha isya omobhasö. Urusikö ruyö, nu-urwa ökösëëmya inyangi iya Epasaka rwaarë. Piraato akatëëbhya Abhayahudi bhayö igha, “Momaahe omokama uwëënyu!”

Abharuumi 3:25

Waryobha yaakörrë Yëësu abhe ikimwenso ikya ukwighwerrania abhantö na Waryobha. Yaakörrë ghayö, okore abhantö bhaabherwe ëbhëbhë ibhyabho, ku ukukumya igha Yëësu Kiristo yaakuurë ko okoghera yaabho. Ni-igho Waryobha yaakörrë, okore ööröki abhantö igha, wa heene, ko bhoora yaaghömërrëëyi, tiyaabhashibhiri kö ëbhëbhë bheno bhaakörrë.

1 Abhakörintö 10:17

Ko bhoora omokaate n-gömwë, na bhëëtö bhano tokosanga omokaate ghuyö m-baaru törë, kasi m-möbhërë ghömwë törë.

1 Abhakörintö 5:13

Bhayö bharëngë kebhara, Waryobha umwene we arebhabhotorra ikiina. Kasi bhëënyu mobhotorre ikiina abhantö bhano bharëngë mo-kanisa, kya bhono Amaandeko Amahörëëru ghakoghamba igha, “Muruusi ömöntö omoghogho uyö arëngë mö-bhëënyu muyö.”

Abhaëfësö 4:22

Abhëëghya abhëënyu bhaabhëëghya igha, mutighe seteemo isyënyu isya kare seera, seno syaabhasikyanga, isya ubhunyanku ubhwa oronamba rono rwaabhangʼënërryanga.

Okohonyora 5:12

Nkabhaitegherra bhararëëtya bhököngʼu igha, “Omoona Ringʼöndi ono yaashinshwa, aingʼarëëyi okohaanwa obhotoro, ubhwamë na obhongʼaini. Singuru, okosookwa, ubhuhika na sinkuma ni-bhyaye!”