1 Abhakörintö 5:5 - Imuuma Eehya

⁵ Ni-igha mohaane Oghosambwa ömöntö uyö, okore esemoko iyaaye iya öbhököri ubhwa ëbhëbhë, isikibhwi, kasi enkoro iyaaye ëtööribhwi urusikö urwa ukukyora ukwa Omonene Yëësu Kiristo.

1 Abhakörintö 5:5 ပူးပေါင်းရင်းမြစ်များ

Mataayo 4:10

Kasi Yëësu akaghohonshora igha, “Ndwera-ho ghore Ghosambwa. Tenkosaasaame hë, ko bhoora yandëkirë mo-Maandeko Amahörëëru igha, ‘Ni-igha osaasaame Omonene uwaaho Waryobha, na ukumwighwera umwene igho.’”

Ruuka 22:31

Yëësu akaghamba igha, “Uwe Simööni, uwe Simööni uwe! Omanye igha, Oghosambwa ghosabhirë orohosa ku-Waryobha, ghobhashaashi bhëënyu bhonswe igho. Nerebha n-kya ukwirura öbhörwë.

Amangʼana agha Abhatomwa 26:18

Okore obharamöki bharwe mu-kisuntë, bhaghi ko-bhorabhu. Bharwe mo-mabhoko agha Oghosambwa, bhaghi ku-Waryobha. Hayö ho bhoono bhaabherwe ëbhëbhë ibhyabho, okohetera ku-mukumo ughwabho ku-öni. Bhabhe hamwë na abhantö abha Waryobha bhonswe igho bhano bhasaabhuurwa.’

1 Abhakörintö 1:8

Waryobha naraabhatogheke okohekera urusikö urwa umuhiko, okore amasoro ghatakaasha okotooka kö-bhëënyu urusikö ruyö, urwa Omonene uwëëtö Yëësu Kiristo.

1 Abhakörintö 11:32

Kasi hano twashibhibhwa na Omonene, nkwörökërribhwa törë, okore Waryobha atakaasha ukutushibhya hamwë na ekebhara keno.

1 Abhakörintö 5:13

Bhayö bharëngë kebhara, Waryobha umwene we arebhabhotorra ikiina. Kasi bhëënyu mobhotorre ikiina abhantö bhano bharëngë mo-kanisa, kya bhono Amaandeko Amahörëëru ghakoghamba igha, “Muruusi ömöntö omoghogho uyö arëngë mö-bhëënyu muyö.”

2 Abhakörintö 10:6

Hano moraabhe abhantö abha ukwighwera amangʼana agha heene, hayö ho bhëëtö toraabhe na obhotoro ubhwa ukushibhya amangʼana ghonswe igho agha ukwanga ukwighwera Kiristo.

2 Abhakörintö 12:7

Naahaaywë inyanko kö-möbhërë ughwane, eno enga kya reehwa. Inyanko iyö, ni-iya umihiri uwa amangʼana uwa Oghosambwa, ono yaatömirwë anyanki, okore ntakaikumya bhököngʼu ko okoghera iya amangʼana ghayö nööröökiibhwi.

2 Abhakörintö 13:10

Nkobhandekera ndë amangʼana ghano ntaraasha kö-bhëënyu iyö, okore hano ndiisha, ntakaasha okomaaha amangʼana ghano ghareghera nderre kora mbööröki ubhwera ubhwane bhono neenabho ko-Monene. Nkoghamba ndë igho, ko bhoora Omonene tiyangʼaana ubhwera ubhwa okobhasarya, kasi nu-bhwa okokora umukumo ughwënyu ghonaghe.

Abhafiripi 1:6

Neena obhoheene igha, Waryobha ono yaasyora emeremo imiiya mo-senkoro isyënyu, naraaghëghëndërri, kora nareghemarërrya urusikö roora Kiristo Yëësu arikyora.

1 Timoteo 1:20

Mo-bhantö bhayö, bhaamo Himenayo na Arekisanda. Naateghera Oghosambwa abhantö bhayö, okore bheeghe, bhatakaatokanga Waryobha.

2 Timoteo 1:18

Na uwe wonswe nomanyirë bhuuya, amangʼana amaaru ghano yaankörëëyë mu-mughi ughwa Ëfësö hayö. Omonene Yëësu aashe kumwabhera urusikö roora urwa okobhotora ibhiina.

2 Peetero 3:12

Moghanyenga urusikö urwa Waryobha, kora morokore rwangohe ukuusha. Urusikö ruyö, ighörö iyö haresambwa na omorro hasike. Ëbhëntö bheno bheemo, mbiriyaaya ko okoghera iya rebherera rirörö bhököngʼu.

1 Yohana 5:16

Bheeho ëbhëbhë ibhyëndë bheno bhetakotoora ömöntö hare na Waryobha, amakora ghonswe igho. Hano ömöntö wowonswe igho araamaahe umukumya murikyaye arakora ëbhëbhë kya bhiyö, amosabhere ku-Waryobha. Waryobha naraamohaane öbhöhöru. Ni-igho ekobha ko bhano bhakokora ëbhëbhë kya bhiyö. Kasi bheeho ëbhëbhë ibhyëndë, bheno bhikwahora ömöntö abha hare na Waryobha, amakora ghonswe igho. Öni tenkoghamba igha, asabhere ömököri uwa ëbhëbhë kya bhiyö ku-Waryobha.