1 Abhakörintö 5:4 - Imuuma Eehya

⁴ Hano mwaikomania hamwë ku iriina irya Omonene uwëëtö Yëësu Kiristo, öni wonswe nkunyoora örë enkoro iyaane n-hamwë ërë na bhëënyu. Kora na obhotoro ubhwa Yëësu Kiristo bhwonswe, nkunyoora örë hamwë bhörë na bhëënyu.

1 Abhakörintö 5:4 ပူးပေါင်းရင်းမြစ်များ

Mataayo 16:19

Nendaakohaane sefongoro isya Obhokama ubhwa Waryobha, okore ghonswe igho ghano oraange ko-kebhara kono, noraanyoore Waryobha we aghangirë ukurwa mu-ryobha. Ghwiki ghonswe igho ghano oraaikërri ko-kebhara kono, noraanyoore Waryobha we aghaikërëëyi ukurwa mu-ryobha.”

Mataayo 18:20

Ko bhoora igha, hano bhasikana hamwë abhantö bhabhërë handë bhatatö ku iriina iryane, öni wonswe kunyoora örë hamwë ndë nabho.”

Mataayo 28:18

Mbe, Yëësu akabhasuntarra, akabhatëëbhya igha, “Waryobha angʼaayë ubhwera bhwonswe igho ubhwa mu-ryobha na ko-kebhara kono.

Mataayo 28:20

Möbhëëghi okoghoota ghonswe igho ghano naabharaghërrëëyi. Na öni, nendaabhenga hamwë na bhëënyu nkaagha syonswe igho, okohekera umuhiko ughwa ekebhara keno.”

Yohana 20:23

Ömöntö wowonswe ono moraabhere ëbhëbhë ibhyaye, uyö nabhëëywë. Na ono moraange ukwabhera ëbhëbhë ibhyaye, uyö taabherwe hë.”

Amangʼana agha Abhatomwa 16:18

Akataniatania igho sinsikö sinsharu. Engʼana iyö, ekaghera Pauro akarerra bhököngʼu. Akaisyörrya mwisëkë uyö. Akahamera risambwa riyö ryaamunyankyanga. Akarëtëëbhya igha, “Okohetera iriina irya Yëësu Kiristo, urwe ku-mwisëkë ono!” Hayö na hayö igho, risambwa riyö rekamohaatera.

Amangʼana agha Abhatomwa 3:6

Kasi Peetero akamötëëbhya igha, “Teneena ehera handë esahaabhu hë, kasi keno neenakyo, nkyo ndaakohaane. Ku iriina irya Yëësu Kiristo uwa Nazarëëti, ni-igha wemerre oghende!”

Amangʼana agha Abhatomwa 4:30

Orambeke okobhoko ukwaho, abhantö bhahwene, tokore amakono na ebhemanyërryö, ko okohetera iriina irya Yëësu, ömököri uwa emeremo uwaaho ömöhörëëru!”

2 Abhakörintö 13:10

Nkobhandekera ndë amangʼana ghano ntaraasha kö-bhëënyu iyö, okore hano ndiisha, ntakaasha okomaaha amangʼana ghano ghareghera nderre kora mbööröki ubhwera ubhwane bhono neenabho ko-Monene. Nkoghamba ndë igho, ko bhoora Omonene tiyangʼaana ubhwera ubhwa okobhasarya, kasi nu-bhwa okokora umukumo ughwënyu ghonaghe.

2 Abhakörintö 13:3

Nendekora igho, ko bhoora mukutuna ekemanyërryö ikya ukwörökya igha, m-maheene Yëësu Kiristo nkoghamba arë okohetera ku-öni? Yëësu Kiristo uyö, të-mötëntëëru hë, kasi naana singuru, we uyö akokora emeremo mö-bhëënyu.

2 Abhakörintö 2:6

Ubhushibhu bhono ömöntö uyö yaanyoora ukurwa kö-bhëënyu abhantö abhaaru, mbwisirë.

Abhaëfësö 5:20

Mukuminga Taata uwëëtö Waryobha nkaagha syonswe igho, ko amangʼana ghonswe igho, ko okoghera iya amangʼana ghano Omonene uwëëtö Yëësu Kiristo yaakora.

Abhakorosaai 3:17

Ghonswe igho ghano mokoghamba handë okokora, mokorenga okohetera iriina irya Omonene Yëësu Kiristo, na eno morakumya Taata Waryobha ko okohetera ku-uyö.

2 Abhatësarönikë 3:6

Abhakumya bharikyëtö, nkobharaghërrya törë okohetera ubhwera ubhwa Omonene Yëësu Kiristo igha, mwibhashe abhahiiri abhatereghanu bhonswe igho, bhano bhatakokora kya bhoora twaabharaghërrëëyi.