1 Abhakörintö 5:11 - Imuuma Eehya

¹¹ Kasi naabhandëkëëyë igha, motakaaghootana na ömöntö ono okobherekerwa igha umukumya murikyënyu, hano oraanyoore m-mosooraare, umuhiti, handë ömösëngërri uwa ëbhëtöndö, handë ömötöki, handë ömörëëbhi, handë omosaki. Ömöntö kya uyö, motakaasanga nawe kora ibhyakorya.

1 Abhakörintö 5:11 ပူးပေါင်းရင်းမြစ်များ

Mataayo 18:17

Hano araange ukwighwera na bhayö bhonswe, kaghi bhoono ötëëbhi ekanisa. Hano araange kwighwera kora ekanisa, bhoono uyö momaahe igha, të-möntö ono amanyirë Waryobha hë, handë omobhare igha, n-kya ömöghööti uwa righööti.

Mataayo 23:25

“Haahö, bhare abhëëghya abha amaraghërryö agha Mosa na Abhafarisaayo, bhëënyu moraikörya. Ko bhoora nkwikora mörë ko-bhantö igha m-bahörëëru mörë, mörööghya kebhara iya ekekombe na esahaani, kasi timukwöghya mönsë hë. Mönsë muyö haishööyë ubhwibhi na obhohoobhaaru.

Ruuka 18:11

“Hano bhaahikirë, Omofarisaayo uyö, akaimerra, akasaasaama Waryobha ko-mangʼana aghaaye umwene. Akasaasaama igha, ‘Ndakukumya Waryobha, ko bhoora te-moghogho ndë kya abhantö abhandë hë. Abhantö abhandë, m-basaki, bharangʼaina, m-basooraare, kora tintuubhaini na ömöghööti uwa righööti ono aahano.

Ruuka 21:34

“Mwiyangarre motakaasha kuritoherwa na obhoraaghëri, na öbhörëëbhi, na ehaho iya öbhöhöru ubhwa ko-kebhara kono. Hano mutiyangarre, urusikö urwa umuhiko ndorebhabhasha motamanyirë.

Amangʼana agha Abhatomwa 1:15

Mbe, abhakumya abha Yëësu bhaaikomanianga hamwë. Urusikö urwöndë, bhaare-ho abhantö kya righana imwë na emerongo ëbhërë. Peetero akaimerra ghatëghatë iyaabho,

Amangʼana agha Abhatomwa 9:17

Anania akaghya igho, akasoha mu-nyumba iyö. Akatoorra Sauri amabhoko, akamötëëbhya igha, “Umukumya murikyane Sauri, Omonene Yëësu ono yaaköbhööshökëëyë ko-nshera, enkaagha eno waashanga hano, antömirë ku-uwe. Antömirë, okore omaahe ghwiki, kora wishöribhwi Umwika Ömöhörëëru.”

Abharuumi 13:13

Tobhe na eteemo inshiiya kya iya abhantö abha mo-merengaari ighya urusikö orohya. Totakaabha abhaköri abha sinyangi isya obhohoobhaaru na öbhörëëbhi, totakaabha abhasooraare, totakaakora amangʼana agha sënsöni, ubhutindi na rikenge.

Abharuumi 16:17

Bhoono abhakumya bharikyëtö, ndabhasaasaama igha, mwiyangarre ko-bhantö bhaara bhakwëghya amëëghyö agha ukunyaraghania abhantö. Amëëghyö ghayö, kora nkosarya gharë umukumo na seteemo isya abhantö. Abhantö kya bhayö, mobhahete hare, ko bhoora amëëghyö ghaabho teghanga kya ghaara mwëghibhwa hë.

1 Abhakörintö 10:14

Ku bhuyö abhaghonshe abhaane, motakaasengerra ëbhëtöndö kora hake hë!

1 Abhakörintö 11:21

ko bhoora hano mwarya, kera ömöntö mö-bhëënyu muyö, nkotangata arë okorya ibhyakorya ibhyaye, takosanga na abhandë hë. Ku bhuyö, abhandë nkutighara bharë na umweko, na abhandë unyoora bhaghöötirwë na amarwa.

1 Abhakörintö 5:13

Bhayö bharëngë kebhara, Waryobha umwene we arebhabhotorra ikiina. Kasi bhëënyu mobhotorre ikiina abhantö bhano bharëngë mo-kanisa, kya bhono Amaandeko Amahörëëru ghakoghamba igha, “Muruusi ömöntö omoghogho uyö arëngë mö-bhëënyu muyö.”

1 Abhakörintö 6:10

abhaibhi, abha oronamba, abharëëbhi, abha amatöki, na abhasaki, tebharerya umwandö ughwa Obhokama ubhwa Waryobha hë.

1 Abhakörintö 6:6

N-kwakë motakwahokania ibhiina ibhyënyu abheene? Nkoroghoora ndë igha nkughya mörë ukushongerana ko-bhantö bhano bhatakukumya Waryobha!

1 Abhakörintö 6:9

Kasi, motamanyirë igha abhaköri abha amangʼana amaghogho, tebharerya umwandö ughwa Obhokama ubhwa Waryobha hë? Motakaingʼaina, abhasooraare, handë bhano bhakosengerra ëbhëtöndö, abha sintwara, abhashaasha bhano bhakuturamya abhashaasha bharikyabho,

1 Abhakörintö 7:12

Mbe, abhantö abhandë to-Monene akobhatëëbhya hë, kasi nö-öni. Ndabhatëëbhya igha, hano oraanyoore umushaasha umukumya ono aana omokari ono atarë umukumya, na omokari uyö araikërrya ököghëndërrya okobha nawe, atakaamutigha.

1 Abhakörintö 7:15

Kasi ono atarë umukumya hano araatanore, mutighe aghende. Hayö bhoono umushaasha handë omokari umukumya uyö, takorebherrwa na umughiro ughwa bhano bhaatetana. Kasi momanye igha, Waryobha yaatobherekera okore tobhe na omorembe.

1 Abhakörintö 8:11

Maaha mbe, umukumya murikyaho uyö, nyamukumo mötëntëëru ono Yëësu Kiristo yaakwërëëyë, nasira ko okoghera iya obhomanyi ubhwaho bhuyö.

Abhagharatia 2:12

Peetero yaasanganga ibhyakorya hamwë na abhakumya Abhakyaro. Urusikö urwöndë, abhantö nyabhorebhe ukurwa ku-Yaakobho bhakaasha. Hano abhantö bhayö bhaahikirë, akaiyahora ukurwa mo-bhakumya Abhakyaro, akakyora nyuma. Yaakörrë igho ko bhoora yööbhöhirë abhantö bhaara bhaakangʼasërryanga igha, abhakumya bhonswe igho, ni-igha bhasaarwe tangata.

Abhaëfësö 5:18

Motakaaghootwa na amarwa, ko bhoora okoghootwa na amarwa nkoghera körë ömöntö akora amangʼana agha sënsöni. Kasi bhëënyu mutighe Umwika Ömöhörëëru abhatangate ko amangʼana ghonswe igho.

Abhaëfësö 5:5

Omohoobhaaru, uyö n-kya ono akosengerra amasambwa. Ku bhuyö momanye igha, ömöntö kya uyö, bhaana omosooraare na umunyanku, tebhaana umwandö ghwoghwonswe ghoora hë mo-Bhokama ubhwa Yëësu Kiristo na Waryobha.

Abhakorosaai 3:5

Mbe, ku bhuyö ni-igha, mutighe okokora amangʼana agha ko-kebhara kono, obhosooraare, ubhunyanku, amaitegherro amaghogho, obhoraaghëri, obhohoobhaaru, na oronamba urwa ëbhëntö. Okobha na oronamba urwa ëbhëntö, n-kya okosengerra ëbhëtöndö.

2 Abhatësarönikë 3:14

Mwangarre ömöntö wowonswe ono atakutuna okoghoota amaraghërryö aghëëtö ghano gharëngë ku-ritashandighi reno, motakaasanga nawe, okore asooke.

2 Abhatësarönikë 3:6

Abhakumya bharikyëtö, nkobharaghërrya törë okohetera ubhwera ubhwa Omonene Yëësu Kiristo igha, mwibhashe abhahiiri abhatereghanu bhonswe igho, bhano bhatakokora kya bhoora twaabharaghërrëëyi.

1 Timoteo 3:3

Atakaabha umunywi uwa amarwa, atakaabha umutindi, abhe ömöntö omohaabhu ono ahanshirë amangʼana agha omorembe. Kora atakaabha ömöntö ono ahanshirë seehera.

1 Timoteo 6:5

Kora nkoghera gharë abhantö bhanga ukwighwerrana. Abhantö kya bhayö, emetwe ghyabhasarekera, tebhaana obhoheene hë. Nkokanya bharë igha, okosooka Waryobha ne-nshera iya okoneebhera-mo.

2 Yohana 1:10

Hano ömöntö wowonswe igho araashe kö-bhëënyu, eno arëëghya amëëghyö ghano ghatatuubhaini na amëëghyö ghaara Yëësu Kiristo yëëghya, motakaamösërëënia mu-sinyumba isyënyu. Kora motakaamökëërya ënkëërya iya Ikikiristo.

Okohonyora 2:14

Kasi amangʼana gharëngë kö-bhëënyu amake igho, ghano ghakunnyankya. Bhaaho abhantö bhano bhakosoorana amëëghyö agha Bharaamu, mö-bhëënyu muyö. Bharaamu uyö, yëëghëri Bharaaki okotegha Abhaisiraëri, okore bhakore ëbhëbhë ibhya okorya ibhyakorya bheno bhimwënsëywë ëbhëtöndö, na okokora obhosooraare.

Okohonyora 2:20

Kasi moona engʼana eno ikunnyankya. Bhëënyu nkwikererrania mörë na amangʼana agha omokari oora Yëzëbhëëri. Uyö akwibherekera igha m-mörööti, kasi të-mörööti hë. Nkwikërrya mörë igha angʼaine abhaköri abha emeremo abhaane, ko ököbhëëghya bhakore obhosooraare, na okorya ibhyakorya bheno bhimwënsëywë ëbhëtöndö.

Okohonyora 21:8

Kasi bhoono abhoobha, bhano bhatakukumya Waryobha, bhano bhakösësëëbhya enkoro iya Waryobha, abhaiti, abhasooraare, abhaturutumbi, bhano bhakosengerra ëbhëtöndö, na abharongo, bhonswe igho bhayö, mbaretoorwa mu-nyansha eno ikwibhugha omorro, na ubhurutu ubhwa ikibhiriiti. Na ruyö ndwo uruku urwa kabhërë.”

Okohonyora 22:15

Kasi abhaturutumbi bhonswe igho, abhasooraare, abhaiti abha abhantö, bhano bhakosengerra ëbhëtöndö, na bhonswe igho bhano bhakorongoha, mbarebha kebhara iya umughi ghuyö, kya sësëësë.