1 Abhakörintö 5:10 - Imuuma Eehya

¹⁰ Tenkoghamba igha motakaaghootana na abhasooraare abha ko-kebhara kono, handë abhahiti, handë abhasaki, handë abhasëngëri abha ëbhëtöndö. Mbe, hayö nekaabhaayë igha, murwe ko-kebhara kono.

1 Abhakörintö 5:10 ပူးပေါင်းရင်းမြစ်များ

Ruuka 18:11

“Hano bhaahikirë, Omofarisaayo uyö, akaimerra, akasaasaama Waryobha ko-mangʼana aghaaye umwene. Akasaasaama igha, ‘Ndakukumya Waryobha, ko bhoora te-moghogho ndë kya abhantö abhandë hë. Abhantö abhandë, m-basaki, bharangʼaina, m-basooraare, kora tintuubhaini na ömöghööti uwa righööti ono aahano.

Yohana 15:19

Singa na-abha ko-kebhara kono mörë, abhantö abha ko-kebhara kono, mbakaabhahanshirë kya bhono bhahanshirë abhakebhara bharikyabho. Kasi ko bhono naabhashaaghora ukurwa ko-bhantö abha ko-kebhara kono, tëmörëngë abha ko-kebhara kono hë, kiyö nkyo kekoghera abhantö abha ko-kebhara kono bharabharegha.

Yohana 17:6

Taata, nkökörrë omanyekaini ko-bhantö bhano kare hayö, na-abha ko-kebhara kono bhaarë. Na-bhaaho bhaarenga, okabhangʼaana, bhoono bhaghöötirë engʼana iyaaho.

Yohana 17:9

Bhayö mbo nkosabhera, ta-bhantö abha ko-kebhara kono igha mbo nkosabhera hë, m-baara wangʼaana mbo nkosabhera, ko bhoora bhayö mbo abhantö abhaaho.

Yohana 8:23

Yëësu akaghëndërrya okobhatëëbhya igha, “Bhëënyu n-hansë hano mwaarwa, kasi öni mu-ryobha naarwa. Bhëënyu na-abha ko-kebhara kono, kasi öni tu uwa ko-kebhara kono ndë hë.

1 Abhakörintö 1:20

Hai akotooka omongʼaini? Hai akotooka umwëghya uwa amaraghërryö? Hai akotooka umuri uwa senkaani uwa reero eno? Kasi obhongʼaini ubhwa ko-kebhara kono, Waryobha tiyaakora bhomaahekane igha m-bokangi?

1 Abhakörintö 10:27

Ömöntö ono atarëngë umukumya hano abharaarëkirë, na bhëënyu mwikërëëyi ukughya, moghende moraaghere kera ëkëntö keno moraareeterwe, motakaabhöörërryanga ko okoghera iya amaitegherro.

1 Abhakörintö 5:11

Kasi naabhandëkëëyë igha, motakaaghootana na ömöntö ono okobherekerwa igha umukumya murikyënyu, hano oraanyoore m-mosooraare, umuhiti, handë ömösëngërri uwa ëbhëtöndö, handë ömötöki, handë ömörëëbhi, handë omosaki. Ömöntö kya uyö, motakaasanga nawe kora ibhyakorya.

1 Abhakörintö 5:9

Naabhandekera mu-ritashandighi iryane igha, motakaaghootana hamwë na abhasooraare.

2 Abhakörintö 4:4

Amangʼana Amaiya teghakomanyekana ko-bhantö bhayö, ko bhoora Oghosambwa, oghokama ughwa ekebhara keno, ghoroghaini emetwe ighya abhantö bhano bhatakukumya. Nkyo kekoghera bhatakomaaha obhorabhu ubhwa Amangʼana Amaiya agha emerengaari ighya Yëësu Kiristo, uyö we ituubho iya Waryobha.

Abhaëfësö 2:2

Enkaagha iyö, mwaakoranga amangʼana agha ko-kebhara kono. Kora mwaasorananga omotangati omoghogho uyö, Omonene uwa singuru isya ighörö isya amasambwa. Uyö we bhoono igho akokora emeremo mo-bhantö bhano bhatakwighwera Waryobha.

Abhafiripi 2:15

okore mobhe abhaana abharöngë abha Waryobha, bhano bhataana risoro. Ghwiki bhano motakoghambwa bhoghogho mo-bhantö abha reero eno, bhano bhaishora amaghogho na obhorangara. Bhëënyu momaahekane mo-bhantö bhayö, kya emerengaari gheno ghëkömërëkya ekebhara.

1 Yohana 4:5

Abharööti abha obhorongo bhayö, m-ba ko-kebhara kono, ku bhuyö nkoghamba bharë amangʼana agha bhunyakyaro. Abhantö abha ko-kebhara kono bhano bhatakwighwera Waryobha, nkobhaitegherra bharë.

1 Yohana 4:7

Abhaghonshe abhaane, tohanshane, ko bhoora righonshe nku-Waryobha rikurwa. Ömöntö wowonswe ono akohansha bharikyaye, uyö nkobha arë omoona uwa Waryobha, kora namanyirë Waryobha.

1 Yohana 5:19

Ntomanyirë igha, bhëëtö m-baana abha Waryobha törë. Kasi abhantö abhandë bhonswe igho bhano bhatakwighwera Waryobha, bhayö nkobhaahwa bharë na Oghosambwa.

Okohonyora 12:9

Ughushoka oghonene ghuyö, ghokarekerwa ko-kebhara hamwë na abhamaraika abhaagho. Ghuyö, ngwo ughushoka ughwa kare ghoora ghokobherekerwa igha, Nyangasheka handë igha Oghosambwa. Ghuyö, ngo ghwaangʼainirë abhantö bhonswe igho ko-kebhara kono, okore bhakore ëbhëbhë.