1 Abhakörintö 4:6 - Imuuma Eehya

⁶ Mbe, abhakumya bharikyane, nëndëngëri amangʼana aghaane na Apöörö, okore ghabhe ëkërëngyö keno keraabhatöörri okomanya amangʼana agha ëkërëngyö keno igha, “Motakaataamboka keera Amaandeko Amahörëëru ghakoghamba.” Nkoghamba ndë igho, okore ömöntö mö-bhëënyu muyö, atakaibhaakera murikyaye na okomosera.

1 Abhakörintö 4:6 ပူးပေါင်းရင်းမြစ်များ

Amangʼana agha Abhatomwa 18:24

Mbe, Ëfësö hayö, yaaishirë-ho Umuyahudi uwöndë ono yaabherekerwanga igha Apöörö. Apöörö uyö, nu-mwebhorrwa uwa umughi ghono ghwaabherekerwanga igha Arekisandiria. Apöörö m-mokarë yaarë ko okoghamba, na yaamanyirë bhuuya Amaandeko Amahörëëru.

Amangʼana agha Abhatomwa 19:1

Mbe, enkaagha eno Apöörö yaarenga Körintö, Pauro akahetera mu-mighi ighya mu-singuku, akangʼaaraara igho, akahika Ëfësö. Hano yaarë Ëfësö hayö, akasikana-ho na abheegha abhandë abha Yëësu.

Abharuumi 12:3

Ko bhoora Yëësu Kiristo angʼaayë örööbhö igha mbe omotomwa uwaaye, ku bhuyö nkobhatëëbhya ndë igha, kera ömöntö mö-bhëënyu muyö, atakaimaaha igha, naingʼarëëyë okokera bhuyö arë, kasi abhe na obhongʼaini. Kera ömöntö yaahaanwa na Waryobha ekerengere ikyaye ikya umukumo.

1 Abhakörintö 1:12

Mbe, keno nkoghamba ni-igha, kera ömöntö mö-bhëënyu n-gaaye igho akoghamba, uwöndë araghamba igha, “Öni nu-uwa Pauro ndë.” Uwöndë igha, “Öni, nu-uwa Apöörö ndë.” Ghwiki uwöndë aghamba igha, “Öni, nu-uwa Keefa ndë.” Uwöndë igha, “Öni, nu-uwa Kiristo ndë.”

1 Abhakörintö 1:19

N-kya bhono yandëkirwë mo-Maandeko Amahörëëru igha, “Nendaasiki obhongʼaini ubhwa abhantö abhangʼaini. Nendaasari na obhomanyi ubhwa amangʼana ubhwa abhamanyi abha amangʼana.”

1 Abhakörintö 1:31

N-kya bhono yandëkirwë mo-Maandeko Amahörëëru igha, “Ömöntö wowonswe igho ono akwihasha, aikumi ko okoghera iya Omonene Waryobha.”

1 Abhakörintö 13:4

Ömöntö uwa righonshe, nköghömërrya arë amangʼana, nkösërëënia arë abhantö, takobha na rikenge hë, takwihasha handë ukwiheema hë.

1 Abhakörintö 3:19

Aikore igho, ko bhoora obhongʼaini ubhwa ko-kebhara kono, m-bokangi ku-Waryobha. Amaandeko Amahörëëru gharaghamba igha, “Waryobha we akoghashania abhangʼaini ko-bhongʼaini ubhwabho.”

1 Abhakörintö 3:21

Mbe, ömöntö wowonswe igho atakaibhaaka igha m-mosoorani uwa ömöntö nyabhorebhe, ko bhoora bhëëtö bhonswe igho na bhëënyu,

1 Abhakörintö 5:2

Bhëënyu moraihashera engʼana iyö. Nyakara mokaabhaabhayëëyë na mughire ömöntö uyö yaakora ghayö, arwe mö-bhëënyu muyö.

1 Abhakörintö 5:6

Ikiheemere ikyënyu tekeena ubhwera hë. Temomanyirë igha ehamiira enke igho, nkötöndörya ërë ekerengo kyonswe igho ikya obhose?

1 Abhakörintö 8:1

Mbe, bhoono tigha nshumaashere amangʼana agha ibhyakorya bheno bhimwënsëywë ëbhëtöndö. Ntomanyirë bhono bhëënyu mokoghamba igha, “Bhëëtö bhonswe igho, ntoona obhomanyi ko amangʼana ghayö.” Kasi obhomanyi, nkoreeta bhörë ikiheemere ko-bhantö. Na righonshe ryo nkoghera rërë umukumo ughwa ömöntö ghonagha.

1 Abhakörintö 9:23

Nkokora ndë amangʼana ghayö ghonswe igho, ko okoghera iya Amangʼana Amaiya, okore nsange na abhandë obhongʼoore ubhwa Amangʼana Amaiya ghayö.

2 Abhakörintö 10:12

Bhëëtö tetootore ukwitoora mu-rikomo rimwë, handë ukwirengʼaania na bhayö bhakwihasha igha, mbaana ubhwera. Nkwirengʼaania bharë abheene ko abheene, kuyö nu-kwiyörökya igha, tebhamanyirë ngʼana hë.

2 Abhakörintö 10:15

Ghwiki ni-igha, titukwihashera emeremo ighya abhantö abhandë, okokera ekerengere keno twaahaanwa. Kasi ubhweseghe ubhwëtö ni-igha, hano umukumo ughwënyu ghoraaghëndërri ukwaruha, hayö ho emeremo ighyëtö kö-bhëënyu, gheraagharehe.

2 Abhakörintö 10:7

Bhëënyu na-mangʼana agha kebhara agheene igho, ngo mokomaaha. Nyoore aaho ömöntö wowonswe igho ono akwimaaha igha nu-uwa Yëësu Kiristo, mbe, ömöntö uyö amanye igha, kya igho we arëngë uwa Yëësu Kiristo, na bhëëtö bhonswe na-abha Yëësu Kiristo törë.

2 Abhakörintö 11:4

Ngambirë igho, ko bhoora igha, bhëënyu m-bangö mörë abha ukwikërrya amangʼana agha ömöntö ono akuusha okoraareka amangʼana agha Yëësu, ghano ghatarengʼaini na ghano twaabharaarëkëëyë. Ghwiki nkwikërrya mörë umwika uwöndëwöndë igho, handë amangʼana aghandë igho ghano ghatakorengerrania na ghano mwaaikërëëyi ekembere ukurwa kö-bhëëtö.

2 Abhakörintö 12:19

Kasi nkokanya mörë igha, nkwikoorerra törë kö-bhëënyu. Bhëëtö nkoghamba törë amangʼana ghano mbere iya Waryobha, ntoona öbhömwë na Kiristo. Amangʼana ghayö ghonswe igho tokokora, abhaghonshe abhëëtö, n-ko okoghera iya okobhatöörrya, okore monaghe ku-mukumo ughwënyu.

2 Abhakörintö 12:20

Bhoono nkoobhoha ndë igha, ndatora ukuusha, nyoore morakora amangʼana ghano ghatakunshomera. Engʼana kya iyö eratora okokora mbakorre engʼana eno etaabhashomere. Ndatora ukunyoora morabheehana, moona rikenge, okorerrana, okokora ikisiiyomba, okohaamërrania, obhoghambi ubhwa abhantö, ubhwihëëmi, na riihë.

2 Abhakörintö 12:6

Kora hano okaanyöörrë ndatuna ukwikumya, tenkaabhaayë omokangi hë, ko bhoora no-bhoheene okaanyöörrë ndaghamba. Kasi nkwirebherra ndë, okore ömöntö wowonswe oora, atakaasha okomaaha igha, neena ubhwera okokera bhono bhakwighwa na bhono bhakomaaha.

2 Abhakörintö 4:15

Inyanko yonswe igho eno tukunyoora, n-ko okoghera iya bhëënyu, okore örööbhö urwa Waryobha, rwaruhe na okohekeera abhantö abhaaru, kora abhantö bhayö bhakumi bhököngʼu Waryobha na ökömötöönia.

Abhakorosaai 2:18

Bhaaho abhantö bhano bhakokangʼasërrya amangʼana agha ubhwihöötu ubhwa okomaahwa na abhantö na agha okosengerra abhamaraika. Motakabhaikërrya, bhatakaasha okobharuusya ituho iyëënyu iya amakora ghonswe igho. Abhantö bhayö nkwiheema bharë ko bhoora bhakoghamba igha, bhaamaaha amangʼana ghayö mo-bherooto. Kasi obhoheene ni-igha, amaitegherro aghaabho amaghogho agha bhunyakyaro, ghabhakangihya.

1 Abhatësarönikë 1:5

Ntomanyirë igha, Amangʼana Amaiya ghano twaabharaarëkëëyë, te-mangʼana agheene igho ghaarë hë, kasi ntwaaraarëkirë ku singuru, na okohetera ku-Mwika Ömöhörëëru, eno toona obhoheene igha, amangʼana ghayö na-agha obhoheene. Bhëënyu mmönyirë bhuuya kya igho twaarë hamwë na bhëënyu, okore tobhatöörri.

2 Timoteo 2:10

Ku bhuyö nköghömërrya ndë ghonswe igho, ko okoghera iya abhantö bhano bhaashaaghorwa na Waryobha igha bhabhe abhantö abhaaye. Nkokora ndë igho, okore abhantö bhayö bhahönibhwi ku ukukumya Kiristo Yëësu, kora bhasange ubhuhika ubhwaye bhono bhotakohwa.