1 Abhakörintö 4:4 - Imuuma Eehya

⁴ Amaitegherro aghaane m-buuya gharë, kasi engʼana iyö tekoghera nange okobha na obhosarya. Omonene we akombotorra ikiina.

1 Abhakörintö 4:4 ပူးပေါင်းရင်းမြစ်များ

Yohana 21:17

Akamöbhöörya ghwiki urwa katatö igha, “Simööni, mumura uwa Yohana, nonhanshirë?” Peetero akabhaabhayera ko bhoora yaamöbhöörri hare katatö igha, “Nonhanshirë?” Akamohonshora igha, “Omonene, kana uwe nomanyirë ghonswe igho. Nomanyirë igha nenkohanshirë.” Yëësu akamötëëbhya igha, “Rëësya amangʼöndi aghaane.

Amangʼana agha Abhatomwa 23:1

Mbe, Pauro akamoghorra amaiso abhanene abha ribharasa, akabhatëëbhya igha, “Bhëënyu bhahiiri abhaane, öni mo-nkoro iyaane, m-buuya ndë ku-Waryobha sinsikö syonswe igho.”

Abharuumi 2:13

Mbarebhotorrwa ikiina, ko bhoora Waryobha takobhara ömöntö igha uwa heene, ku ukwighwa amaraghërryö aghaaye ukwene igho. Kasi nkobhara arë ömöntö igha wa heene, ono akokora bhono amaraghërryö ghakomoraghërrya igha akore.

Abharuumi 4:2

Hano toraaghambe igha, Ibhurahimu yaabharrwë igha nu-uwa heene, ko okoghera iya amangʼana ghano yaakörrë, hayö noraanyoore anyöörrë engʼana iya ukwikumirya. Kasi obhoheene ni-igha, taana engʼana iya ukwikumirya ku-Waryobha hë.

1 Abhakörintö 4:3

Ko orobhaara urwane öni, mmokaanshongera, te-ngʼana hë, handë nenkaashongerwa na abhantö abha ubhwera honswe te-ngʼana hë. Kasi öni umwene tinkwishongera hë.

1 Abhakörintö 4:5

Ku bhuyö motakaabhotora ikiina, enkaagha iyaako etaraabha, moghanye okohekera hano Omonene ariisha. We aremoreka amangʼana agha mu-kisuntë ghonswe igho ghano ghabhisirwë, na okotoora harabhu ghano gharëngë mo-senkoro isya abhantö. Hayö ho bhoono kera ömöntö arinyoora sinkuma seno aingʼarëëyi, ukurwa ku-Waryobha.

2 Abhakörintö 1:12

Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

2 Abhakörintö 5:10

Ko bhoora bhëëtö bhonswe igho, nturimerra mbere iya ikitumbë ikya Yëësu Kiristo ikya okobhotorra ibhiina, okore kera ömöntö, ahakwe ko okorengʼaana na amangʼana ghano yaakora, ko-kebhara kono, nyoore m-maiya handë igha m-maghogho.