1 Abhakörintö 4:17 - Imuuma Eehya

¹⁷ Ku bhuyö ntömirë Timoteo, omoona uwaane omoghonshe ku umukumo ghono tokosanga nawe, m-möntö uwa heene ko-meremo ighya Omonene. Uyö we araabhahiitöki amangʼana aghaane kya bhono nkosoorana Yëësu Kiristo. Naraabhatëëbhi kya bhono nkwëghya kera ahasë mo-makanisa ghonswe igho.

1 Abhakörintö 4:17 ပူးပေါင်းရင်းမြစ်များ

Mataayo 24:45

Mbe, Yëësu akabhöörya abheegha bhaaye igha, “Kasi mokaamanya omoghorwa omoheene uwa obhongʼaini? No-moghorwa ono omonene uwaaye araamötëëbhi aimererre abhaghorwa bharikyaye, okore abhahaanenga ibhyakorya ko-nkaagha iyaako.

Mataayo 25:21

“Omonene uwaaye akamötëëbhya igha, ‘Ökörrë bhuuya. Uwe omoghorwa, m-möntö uwa heene örë, kora m-moheene örë. Ko bhoora obhaayë omoheene kö-bhëntö ebheke bheno naakötëghëëyë, bhoono nendaakokore obhe umwimërërri uwa ëbhëntö ibhyane ibhyaru. Nshö hano ushomerwe hamwë na öni.’

Mataayo 25:23

“Omonene uwaaye akamötëëbhya igha, ‘Ökörrë bhuuya. Uwe omoghorwa, m-möntö uwa heene örë, kora m-moheene örë. Ko bhoora obhaayë omoheene kö-bhëntö ebheke bheno naakötëghëëyë, bhoono nendaakokore obhe umwimërërri uwa ëbhëntö ibhyane ibhyaru. Nshö hano ushomerwe hamwë na öni.’

Amangʼana agha Abhatomwa 16:1

Mbe, Pauro akahika mu-mughi ghono ghwaabherekerwanga igha Dëribhë. Hano yaaruurë-mo, akaghya mu-mughi ughwöndë ghono ghwaabherekerwanga igha Risitira. Mu-mughi muyö, yaare-mo umwegha uwa Yëësu ono yaabherekerwanga igha Timoteo. Nyakuwaabho m-Muyahudi ono yaarenga akumiri Omonene Yëësu, kasi suwaabho, m-Muyunaani yaarë.

1 Abhakörintö 11:16

Kasi hano ömöntö wowonswe araatune okorya senkaani ko amangʼana ghayö, amanye igha, bhëëtö tetoona eteemo iyëndë hë, kora amakanisa agha Waryobha, teghaana eteemo iyëndë hë.

1 Abhakörintö 11:2

Mbe, nkobhakumya ndë ko bhoora mukunhiita ko mangʼana ghonswe igho, kora nkoghoota mörë amangʼana ghaara, kya bhono naabhatëëbhëri.

1 Abhakörintö 11:34

Nyoore ömöntö aana umweko, araagherenga waaye ka, okore ukwikomania ukwënyu, kotakaabhakorerra mobhotorrwe ikiina. Mbe, hano ndiisha, nendetoora bhuuya amangʼana aghandë ghano ghatighaayë.

1 Abhakörintö 14:33

ko bhoora Waryobha uwëëtö takoreeta riihë hë, kasi no-morembe akoreeta. N-kya bhoora ërëngë ko amakanisa ghonswe igho agha abhahörëëru,

1 Abhakörintö 16:1

Bhoono ko mangʼana agha okosororra abhahörëëru, mokore kya bhono naaraghërrya amakanisa agha Gharatia.

1 Abhakörintö 16:10

Hano Timoteo arihika hayö, muushe kömösërëënia bhuuya, okore atakaabha na entarëki yoyonswe eera, ko bhoora nkokora arë emeremo ighya Omonene kya bhono öni wonswe nkoghekora.

1 Abhakörintö 4:14

Tinkwandeka amangʼana ghano okore mbasöökërri hë, kasi nkobhakaania ndë kya hano nkokaania abhaana abhaane abhaghonshe.

1 Abhakörintö 4:15

Mokaabha na abhëëghya ëbhëkwë ikömi, abha ököbhëëghya amangʼana agha Yëësu Kiristo, kasi bhasuwëënyu, te-bhaaru hë. Kasi suwëënyu ko amangʼana agha Yëësu Kiristo nö-öni, ko bhoora nö-öni naabharaarëkëëyë Amangʼana Amaiya.

1 Abhakörintö 4:2

Bhoono keno kikutunwa, nu-bhwimërërri ubhwa heene.

1 Abhakörintö 7:17

Kera ömöntö amenye ko okorengʼaana na ësëëmyö iya Omonene, aghëndërri okobha kya bhono yaarë hano Waryobha yaamöbhërëkëëyë. Amangʼana ghayö, ngo nkoraghërrya ko-makanisa ghonswe igho.

1 Abhakörintö 7:25

Bhoono ko amangʼana agha abhahara bhano bhataraatetwa, teneena engʼana iya Omonene iya okobharaghërrya. Kasi nkobharaghërrya ndë bhono öni nkomaaha, ko bhoora ko okoghera iya ikyabhera ikya Omonene, m-möntö uwa heene ndë.

2 Abhakörintö 8:18

Hamwë na uyö, nkotoma törë umukumya murikyëtö ono akukumibhwa na amakanisa ghonswe igho, ko-meremo ighyaye, ighya okoraareka Amangʼana Amaiya.

Abhaëfësö 6:21

Mbe, Tikiiko nu-mukumya murikyëtö omoghonshe, ömököri uwa emeremo uwa Omonene Yëësu, m-möntö uwa heene. Uyö we araabhatëëbhi amangʼana aghaane ghonswe igho, na ghano ghaannyoora, okore momanye amangʼana aghaane na keno nkokora.

Abhafiripi 2:19

Hano Omonene Yëësu araahanshe, ndaitengʼera okotoma Timoteo aashe kö-bhëënyu iyö bhöngö hano, okore hano arikyora, antëëbhi amangʼana aghëënyu, enkoro iyaane esambaaroke.

Abhafiripi 2:22

Kasi mmomanyirë bhono Timoteo akwiyörökya igha, m-möntö uwa heene. Yaakora emeremo ighya okoraareka Amangʼana Amaiya hamwë na öni, kya omoona na suwaabho.

Abhakorosaai 1:7

Amangʼana Amaiya ghayö mwëëghibhwa na Epafura. Epafura uyö, m-moghonshe uwëëtö, ömököri uwa emeremo murikyëtö, kora m-möntö uwa heene, ko okokorra Kiristo emeremo ko okoghera iya bhëëtö.

Abhakorosaai 4:9

Naraashe hamwë na Onesimo, umukumya murikyëtö omoghonshe uwa heene, ono arëngë Omokorosaai murikyënyu. Bhayö mbo bharaabhatëëbhi ghonswe igho ghano ghakwikora eno.

1 Timoteo 1:18

Timoteo, omoona uwaane ku-mukumo ghono tokosanga, ndakoraghërrya ko okorengʼaana na amangʼana agha öbhörööti, ghano ghaaghambirwë ku-uwe. Amangʼana ghayö ghakötörri witane riihë irya emeremo ighya Waryobha bhuuya.

1 Timoteo 1:2

Timoteo nu-uwe nkwandekera. Uwe m-maheene igha m-moona uwaane örë, ku umukumo ghano tokosanga. Örööbhö, ikyabhera na omorembe ukurwa ko-Taata uwëëtö Waryobha na ku-Kiristo Yëësu Omonene uwëëtö, bhebhe hamwë na uwe.

2 Timoteo 1:2

Timoteo nu-uwe nkwandekera. Uwe omoona uwaane omoghonshe ku-mukumo ghono tokosanga hamwë. Örööbhö, ikyabhera na omorembe ukurwa ku-Waryobha Taata uwëëtö na ko-Monene uwëëtö Kiristo Yëësu, bhebhe hamwë na uwe.

2 Timoteo 2:2

Amëëghyö ghaara waaighwa ndaghamba harabhu igho mo-bhaimërërri abhaaru, bhoono uwe oghaghööti abhantö abha heene, bhano bharaatore ukwëghya abhantö abhandë.

2 Timoteo 3:10

Kasi uwe waaghoota-ko amëëghyö aghaane, eteemo iyaane, ësëëmyö iyaane, umukumo ughwane, na ököghömërrya ukwane,

Tiito 1:5

Hano naaruurë Kerete hayö, naakutighirë-ho igha, omarërri okokora amangʼana ghaara ghaatighaayë, hamwë na ukushaaghora abhaghaaka abha ekanisa mu-mighi ghyonswe igho, kya bhono naakoraghërrya.

Okohonyora 2:10

Motakoobhoha inyanko iyö murinyoora. Motamaaha! Oghosambwa ngorebhashaashya, kora ghotoore bharikyënyu mo-kebhohe, na bhëënyu murinyankibhwa sinsikö ikömi. Kasi mobhe abhantö abha heene ku-öni, nokaanyoora igha nkukwa, mukwe. Ko bhoora öni, nendebhatuha ibhirighi ibhya öbhöhöru ubhwa amakora ghonswe igho.

Okohonyora 2:13

Öni nemanyirë ahasë hayö mömënyirë, hayö, ho Oghosambwa ghokotonga. Nokaanyoora ni-igho amangʼana gharë, kasi nkunkumya mökërë. Kora enkaagha eno umwimërërri uwaane uwa heene Antipa yaaitirwë mu-mughi ughwënyu muyö Oghosambwa ghömënyirë, temwanyikaanirë hë. Antipa uyö, nu-mwimërërri uwaane uwa heene yaarë.