1 Abhakörintö 4:15 - Imuuma Eehya

¹⁵ Mokaabha na abhëëghya ëbhëkwë ikömi, abha ököbhëëghya amangʼana agha Yëësu Kiristo, kasi bhasuwëënyu, te-bhaaru hë. Kasi suwëënyu ko amangʼana agha Yëësu Kiristo nö-öni, ko bhoora nö-öni naabharaarëkëëyë Amangʼana Amaiya.

1 Abhakörintö 4:15 ပူးပေါင်းရင်းမြစ်များ

Abharuumi 15:20

Nkutuna ndë igha ndaareke Amangʼana Amaiya ahasë hano ömöntö ataakaraarëkirë-ho Amangʼana Amaiya agha Yëësu Kiristo. Ndakora igho, okore ntakaasha kukyorra emeremo bhohya, ahasë hano ömöntö uwöndë yaamara okokora-ho emeremo.

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

1 Abhakörintö 15:1

Bhoono abhakumya bharikyane, nkobhahitökya ndë Amangʼana Amaiya ghano naabharaarëkëëyë, mokaghaghoota kora mwanagha ko Amangʼana Amaiya ghayö.

1 Abhakörintö 3:10

Waryobha kö örööbhö urwaye rono yaangʼaana, yaantöörrya okohaghaasha umusingi kya omohaghaashi umuuya omongʼaini, ono amanyirë amangʼana, nkatoora-ho umusingi ghono ömöntö uwöndë akohaghaasha-ko. Mbe, kera ömöntö angarre bhuuya bhono akohaghaasha ku-musingi kuyö.

1 Abhakörintö 3:6

Öni nëëmya, Apöörö akeeterra amanshë, kasi Waryobha we akukiinia.

1 Abhakörintö 3:8

Umwëmya na umwëtërri uwa amanshë, m-bamwë bhayö, kasi kera ömwë uwaabho, narituhwa ko okorengʼaana na inyanko iyaaye.

1 Abhakörintö 9:12

Hano okomaaha abhandë mbaingʼarëëyë okohaanwa ëbhëntö ukurwa kö-bhëënyu, bhoono bhëëtö bho titwingʼarëëyi bhököngʼu okohaanwa ëbhëntö bhiyö okokera bhayö? Kasi tetwasabha ëbhëntö bheno twingʼarëëyi ukunyoora, nköghömërrya törë amangʼana ghonswe igho, okore totakaarebherra abhantö ukukumya Amangʼana Amaiya agha Yëësu Kiristo.

1 Abhakörintö 9:14

Kora Omonene ni-ighoigho yaaraghërrya igha, bhano bhakoraareka Amangʼana Amaiya, bharaagherenga okohetera ko-meremo ghiyö.

1 Abhakörintö 9:16

Ko bhoora nokaanyoora nkoraareka ndë Amangʼana Amaiya, teneena ikiheemere hë, ko bhoora ni-igha ndaareke. Hano ndaange okoraareka Amangʼana Amaiya ghayö, haahö.

1 Abhakörintö 9:18

Bhoono ituho iyaane në-ëëhë? Ituho iyaane no-koraareka Amangʼana Amaiya bhosa igho, ntakosabha keno ningʼarëëyë okohaanwa.

1 Abhakörintö 9:23

Nkokora ndë amangʼana ghayö ghonswe igho, ko okoghera iya Amangʼana Amaiya, okore nsange na abhandë obhongʼoore ubhwa Amangʼana Amaiya ghayö.

2 Abhakörintö 4:5

Bhëëtö ta-mangʼana aghëëtö tokoraareka hë, kasi na-agha Yëësu Kiristo igha m-Monene, na bhëëtö na-bhaköri abha emeremo abhëënyu törë, ko okoghera iya Yëësu Kiristo.

Abhagharatia 3:24

Mbe amaraghërryö ghayö ghaatotangata na ukututugha kya umutughi, okohekera hano Kiristo yaaishirë. Ku bhuyö ko okohetera ku umukumo, tobharwe mö-bhöntö ubhwa heene.

Abhagharatia 3:25

Kasi ko bhoora bhoono umukumo ghoora ghuhikirë, ku bhuyö tëtökërëngë mo-mabhoko agha umutughi uwëëtö, amaraghërryö.

Abhagharatia 4:19

Abhaana abhaane, kya bhoora omokari uwa enda akunyanka na ebhesa ko-nkaagha iya ukwebhora, öni wonswe ni-ighoigho nkwiyighwa. Nendaaghëndërri ukwiyighwa igho, okohekera hano eteemo iya Kiristo eremaahekana mo-teemo iyëënyu.

2 Timoteo 4:3

Nkökötëëbhya ndë ghayö ko bhoora iriihika-ho enkaagha, eno abhantö bharyanga ukwitegherra amëëghyö agha obhoheene. Mbaritunanga ukwitegherra amangʼana ghano ghakobhashomera agheene igho, na ukwishaaghorra abhëëghya abhaaru abha ököbhëëghya ghano bhakutuna ukwitegherra.

Tiito 1:4

Tiito nu-uwe nkwandekera. Uwe m-maheene igha, m-moona uwaane örë ku-mukumo ghono tokosanga. Örööbhö na omorembe bheno bhikurwa ku-Waryobha Taata uwëëtö, na ku-Kiristo Yëësu Ömötöörya uwëëtö, bhebhe hamwë na uwe.

Firimoni 1:19

Öni Pauro, nandëkirë na okobhoko ukwane umwene igha, nendaakohake. Kasi otakaashe webhe igha oona isiirë iyaane, ko bhoora naakoraarekera engʼana iya Waryobha okabha Umukiristo.

Yaakobho 1:18

Kya bhono we umwene yaatunanga, akatokora tobhe abhaana abhaaye, ko okohetera ko-ngʼana iyaaye iya obhoheene, okore tobhe abhatangi abhaaye, ku-bhyonswe igho bheno yaabhömbirë.

1 Peetero 1:23

ko bhono mwibhööywë bhohya. Ukwebhorwa bhohya kuyö, te-koora ukwa abhaibhöri abhëënyu hë, abhaibhöri abhëënyu bhayö nkukwa bharë, kasi mwebhorwa bhohya okohetera ko Engʼana iya Waryobha ëhöru, engʼana iyö, neraaghëndërri okobha-ho amakora ghonswe igho.