1 Abhakörintö 4:14 - Imuuma Eehya

¹⁴ Tinkwandeka amangʼana ghano okore mbasöökërri hë, kasi nkobhakaania ndë kya hano nkokaania abhaana abhaane abhaghonshe.

1 Abhakörintö 4:14 ပူးပေါင်းရင်းမြစ်များ

Amangʼana agha Abhatomwa 20:31

Ku bhuyö, mwiyangarre! Muhiitenga igha, imyoka etatö gheno naikaayë hamwë na bhëënyu hano, naaraghërryanga kera ömöntö ubhutikö na omobhasö, kora nkuura amaisöri ghaheta.

1 Abhakörintö 15:34

Mokore amangʼana kwa bhongʼaini, motakaakora ëbhëbhë, ko bhoora abhantö abhandë tebhamanyirë Waryobha hë. Nkoghamba ndë amangʼana ghayö okore mbasöökërri.

1 Abhakörintö 4:15

Mokaabha na abhëëghya ëbhëkwë ikömi, abha ököbhëëghya amangʼana agha Yëësu Kiristo, kasi bhasuwëënyu, te-bhaaru hë. Kasi suwëënyu ko amangʼana agha Yëësu Kiristo nö-öni, ko bhoora nö-öni naabharaarëkëëyë Amangʼana Amaiya.

1 Abhakörintö 4:17

Ku bhuyö ntömirë Timoteo, omoona uwaane omoghonshe ku umukumo ghono tokosanga nawe, m-möntö uwa heene ko-meremo ighya Omonene. Uyö we araabhahiitöki amangʼana aghaane kya bhono nkosoorana Yëësu Kiristo. Naraabhatëëbhi kya bhono nkwëghya kera ahasë mo-makanisa ghonswe igho.

1 Abhakörintö 6:5

Nengambirë igho, okore mbasöökërri. Nköbhöörya ndë igha, mö-bhëënyu muyö, taamo ömöntö uwa obhongʼaini kora ömwë hë, ono akotora ukwahokania amangʼana agha ibhiina ibhya abhakumya bharikyaye hë?

1 Abhakörintö 9:15

Kasi öni, tenaakakörrë igho hë. Kora tërëngë igha nkwandeka ndë igho, okore mongʼaane, ti-igho hë. Ko bhoora nyakara nkwe, kasi ömöntö wowonswe igho, atakaasha ukunduusirya-ho ukwikumya ukwane kono.

2 Abhakörintö 11:11

Okoghamba ukwane igho, ensonga yaamo ti-igha tembahanshirë hë. Waryobha namanyirë kya bhono mbahanshirë.

2 Abhakörintö 12:19

Kasi nkokanya mörë igha, nkwikoorerra törë kö-bhëënyu. Bhëëtö nkoghamba törë amangʼana ghano mbere iya Waryobha, ntoona öbhömwë na Kiristo. Amangʼana ghayö ghonswe igho tokokora, abhaghonshe abhëëtö, n-ko okoghera iya okobhatöörrya, okore monaghe ku-mukumo ughwënyu.

2 Abhakörintö 7:3

Tenkoghamba amangʼana ghayö, ko okobhabhotorra ikiina igha bhëënyu, m-baghogho mörë, a a, ko bhoora nengambirë ekembere hayö igha, bhëënyu mmo-senkoro isyëtö mörë, n-hamwë törë na bhëënyu nekaabha igha nu-ruku handë öbhöhöru.

Abhakorosaai 1:28

Ku bhuyö nkoraareka törë amangʼana agha Kiristo, torakaania abhantö na ukwëghya abhantö bhonswe igho, kwa obhongʼaini bhonswe igho, okore tobhareete bhonswe igho mbere iya Waryobha, kö-bhömwë ubhwa heene na Kiristo.

1 Abhatësarönikë 2:11

Ghwiki mmomanyirë igha, enkaagha iyö twaarenga hamwë na bhëënyu, ntwaabhakorranga kya bhono omoghaaka akokorra abhaana abhaaye.

1 Abhatësarönikë 5:14

Abhakumya bharikyëtö, torabhasaasaama igha, mokaaninga abhooro na okotogheka bhano bhaakwa emetwe. Ghwiki motoghekenga bhano bhataana singuru na ököghömërrya abhantö bhonswe igho.

2 Abhatësarönikë 3:14

Mwangarre ömöntö wowonswe ono atakutuna okoghoota amaraghërryö aghëëtö ghano gharëngë ku-ritashandighi reno, motakaasanga nawe, okore asooke.

Firimoni 1:10

ndakosabha engʼana ëmwë igho ko okoghera iya Onesimo. Onesimo uyö, n-kya omoona uwaanewaane, ko bhoora mmötöörri ukukumya Yëësu Kiristo na eno ndëngë mo-kebhohe.

1 Yohana 2:1

Bhëënyu abhaana abhaane abhaghonshe, nkobhandekera ndë amangʼana ghano, okore motakaakora ëbhëbhë. Kasi ömöntö wowonswe igho hano araakore ëbhëbhë, amanye igha ntoona ono akotosabhera ko-Taata Waryobha. Uyö we Yëësu Kiristo, ömöntö uwa heene.

3 Yohana 1:4

Teeho engʼana eno ikunshomera bhököngʼu, okokera ukwighwa amangʼana igha, abhaana abhaane abha ku-mukumo, nköghëndërrya bharë bhuuya okobha na öbhömënyi ubhwa heene.