1 Abhakörintö 4:12 - Imuuma Eehya

¹² Nkunyanka törë ukwikorra emeremo na amabhoko aghëëtö abheene. Hano twatokwa, nkongʼoora törë. Hano twateeswa, nköghömërrya törë.

1 Abhakörintö 4:12 ပူးပေါင်းရင်းမြစ်များ

Mataayo 5:11

“Nyakara hano abhantö bhaabhatoka, bharabhateesa, na okobhaghamba amangʼana amaghogho amaaru agha obhorongo ko okoghera iya öni.

Mataayo 5:44

Kasi öni ndabhatëëbhya igha, mohanshenga abhabhisa abhëënyu, kora mosabherenga bhaara bhonswe igho, bhakobhateesa.

Ruuka 23:34

Yëësu akaghamba igha, “Ë Taata uwëëtö, otabhaabhera, ko bhoora tebhamanyirë keno bhaghokora hë.” Abhasirikare bhayö, bhakakora ekekoobhwe ikya ukutwena singibho isya Yëësu.

Ruuka 6:28

Mongʼoore bhano bhakobhaihiima. Bhano bhakobhanyankya, bhëënyu mobhasaasaamerenga ku-Waryobha.

Yohana 15:20

Motakeebha ghano naabhatëëbhëri igha, ‘Omoghorwa, taatore okobha omonene kokera omonene uwaaye hë.’ Mbe, nyoore bhaannyankëri, na bhëënyu bhonswe mbaraabhanyanki. Nyoore bhaghöötirë amangʼana aghaane, aghëënyu ghonswe mbaraaghaghoote.

Amangʼana agha Abhatomwa 18:3

Ko bhono Pauro wonswe m-mutumi uwa amaghutu agha amatondobhaari yaarë, kya bhaabho Akiira, akaikara waabho hayö, bharakora hamwë emeremo ghiyö.

Amangʼana agha Abhatomwa 20:34

Bhëënyu abheene mmomanyirë bhuuya igha, ko okokora emeremo na amabhoko aghaane, naaitoneranga öni umwene na bhano naarë hamwë nabho.

Amangʼana agha Abhatomwa 7:60

Ho yaamarrë, akatema hansë ibhiru, akakuura bhököngʼu igha, “Omonene, otakaabhashibhya kö ëkëbhë ikyabho keno!” Hano yaamarrë okoghamba ghayö, ghokahwa-mo.

Abharuumi 12:14

Abhantö bhano bhakobhateesa bhëënyu mobhasabherenga obhongʼoore, motakaabhasabheranga amaihiimo.

Abharuumi 12:20

Ghwiki Amaandeko Amahörëëru gharaghamba igha, “Hano umubhisa uwaaho asëngëëyë, mohaane ibhyakorya. Na hano aana inyonta, mohaane amanshë. Ko bhoora hano oraakore igho, noraabhe kya ono okomaini amakara agha omorro ukurwa ko-motwe ughwaye.”

Abharuumi 8:35

N-këntö kë keraatore okorebherra Kiristo atakaatohansha. Kiristo naraaghëndërri okotohansha, ntokaabha mu-nyaanyi indito, handë mu-nyanko, handë mo-mateeso, handë mu-nshara, okobhorwa singibho, okohona ukukwa, handë ukukwa.

1 Abhakörintö 9:6

Kasi nö-öni na Bharinaabha abheene igho, mbo twingʼarëëyë ukwikorra emeremo ko okoghera iya obhohabhë ubhwëtö?

2 Abhakörintö 11:8

Enkaagha eno naakörrë emeremo kö-bhëënyu hayö, na-makanisa aghandë ngo ghaanhaheeneranga. Yaarenga kya hano naabharuusyanga ëbhëntö ibhyabho, okore mbatöörri bhëënyu.

Abhaëfësö 4:28

Umwibhi atakaghëndërrya ukwibha ghwiki, kasi nyakara akore omotono ughwa okokora emeremo imiiya na amabhoko aghaaye umwene, okore anyoore ëkëntö ikya ukutwenera ono aana obhohabhë.

1 Abhatësarönikë 2:9

Abhakumya bharikyëtö, ndamanya nkuhiita mörë omotono ughwëtö na ukunyanka ukwëtö, kono twaarë nako ko okokora emeremo ubhutikö na omobhasö. Ntwaakoranga igho, okore totakaanyankya ömöntö wowonswe mö-bhëënyu, hano twaraareka Amangʼana Amaiya agha Waryobha.

2 Abhatësarönikë 3:8

Bhëëtö tetwaryanga ibhyakorya ibhya ömöntö wowonswe oora bhosa igho hë. Kasi ntwaarenga na omotono ughwa okokora emeremo ubhutikö na omobhasö, okore totakaanyankya ömöntö uwëënyu wowonswe oora.

1 Timoteo 4:10

Engʼana iyö, yo ekoghera toranyanka na torakora omotono ko-meremo, ko bhoora igha, Waryobha ömöhöru we tukwitengʼera. Uyö we Ömötöörya uwa abhantö bhonswe igho, ekenene m-Mötöörya uwa bhano bhakumukumya.

1 Peetero 2:23

Hano yaatökirwë, tiyaatökirë hë. Hano yaatëësirwë, tiyöbhöhërrëëyi hë. Kasi ghonswe igho, akateghera Waryobha abhotore ikiina bhwaheene.

1 Peetero 3:14

Kasi hano moraanyankibhwi ko okoghera iya okokora amangʼana agha heene, Waryobha naraabhangʼoore. Ku bhuyö, motakaabha na entarëki handë okoobhoha bhano bhakobhanyankya. Mötööninga Yëësu Kiristo, uyö we Omonene uwa öbhöhöru ubhwënyu.

1 Peetero 3:9

Motakaahakanga ikisiiyomba ko abhantö, handë okotoka ömöntö ono akötökirë, kasi engʼana inshiiya ko-bhantö kya bhayö, no-kobhakorra ubhwa heene. Ghayö ngo mwaabherekerrwa igha mokore, okore mongʼoorwe.

1 Peetero 4:19

Ku bhuyö, bhano bhakunyoora inyaanyi ko okokora ghano Waryobha akutuna, bhamanye igha, Waryobha m-Möbhömbi uwa heene. Ku bhuyö, bho bhaitoore mo-mabhoko aghaaye, bhaghëndërri okokora amangʼana amaiya.

Yuuda 1:9

Kasi kora Mikaëri, maraika omonene oora, hano yaanyeraini senkaani na Oghosambwa, ko okoghera iya ömöbhërë ughwa Mosa, tiyaakarëhirë okoghamba bhoghogho Oghosambwa, handë okoghotema amasoro. Kasi keno yaaghambirë ni-igha, “Omonene Waryobha umwene akohamere!”