1 Abhakörintö 4:10 - Imuuma Eehya

¹⁰ Abhantö bharatomaaha igha m-bakangi törë, ko okoghera iya okokorra emeremo Yëësu Kiristo, kasi bhëënyu moraikora igha m-bangʼaini mörë, ko okoghera iya Yëësu Kiristo. Bhëëtö m-batëntëëru törë, kasi bhëënyu moraikora igha, mmoona singuru, bhëënyu mmoona emerengaari, kasi bhëëtö nkoserwa törë.

1 Abhakörintö 4:10 ပူးပေါင်းရင်းမြစ်များ

Mataayo 24:9

Ko-nkaagha iyö, abhantö mbarebhaghoota, bhabhateese na okobhaita, na abhantö abha ibhyaro bhyonswe igho, mbarebharegha ko okoghera igha, m-basoorani abhaane mörë.

Mataayo 5:11

“Nyakara hano abhantö bhaabhatoka, bharabhateesa, na okobhaghamba amangʼana amaghogho amaaru agha obhorongo ko okoghera iya öni.

Ruuka 10:16

Ho Yëësu yaamarrë akatëëbhya abheegha abhaaye igha, “Ömöntö wowonswe ono araabhaitegherre, noraanyoore nö-öni aitëghërrëëyë. Na ono araange okobhaitegherra, nkunyoora arë nö-öni angirë ukwitegherra. Na ömöntö ono akwanga ukunyitegherra, uyö nkunyoora arë yangirë Waryobha ono yaantoma.”

Ruuka 18:9

Yëësu akarëngya ëkërëngyö keno ko-bhantö bhano bhaimaahanga igha, m-bantö abha heene ku-Waryobha, na eno bharasera abhandë. Akabharëngërya ëkërëngyö igha,

Ruuka 6:22

Nyakara bhëënyu, hano abhantö bharebharegha, bhabhaahore, bhabhatoke, na okobhaghamba bhoghogho ko okoghera iya öni Omoona uwa Ömöntö.

Amangʼana agha Abhatomwa 17:18

Mbe, Pauro akahomerana na abhamanyi abha rikomo irya idiini ya Ikiepikureo na Ikisitoiko, bhakanyeerana senkaani. Abhandë bhakaghamba igha, “M-mangʼana kë ghano umwibhamböku ono akoghamba?” Abhandë bhakaghamba igha, “Eramaahekana igha, m-biwaryobha ibhya ikyaro ikyëndë akushumaashera.” Mbaaghambirë igho, ko bhoora Pauro yaabharaarëkëëyë Amangʼana agha Yëësu, na agha ukuryoka ukwa abhaku.

Amangʼana agha Abhatomwa 17:32

Mbe, hano bhaaighuurë amangʼana agha ukuryoka ukwa abhaku, abhandë bhakashabhura. Kasi abhandë bhakamötëëbhya igha, “Toratuna ghwiki tukwitegherre ko engʼana iyö.”

Amangʼana agha Abhatomwa 26:24

Mbe, hano Pauro yaaikorerranga, Fesito akamobhasha igha, “Kana Pauro, okosoma ukwaho bhököngʼu kono waasoma, nkwakushuurya!”

Amangʼana agha Abhatomwa 9:16

Nendaamwöröki kya igho araatundësibhwi bhököngʼu, ko okoghera iya iriina iryane.”

1 Abhakörintö 1:21

Nkoghamba ndë igho ko bhoora igha, Waryobha ko obhongʼaini ubhwaye, yaakörrë igha, abhantö bhatakaamomanya okohetera ko-bhongʼaini ubhwabho abheene. Kasi Waryobha akamaaha igha, atööri abhantö bhano bhakukumya engʼana eno ekoraarekwa, eno abhantö abhandë bhakomaaha igha m-bokangi.

1 Abhakörintö 1:23

Kasi bhëëtö, Yëësu Kiristo we tokoraareka, ono yaahanëkirwë ko-mosarabha. Engʼana iyö, yo Abhayahudi bhakwituuratuura-ko, na ko-Bhaghiriki, m-bokangi.

1 Abhakörintö 1:25

Ko bhoora igha, engʼana iya Waryobha eno ekomaahekana igha ni-iya obhokangi, nkunyoora örë eena obhongʼaini okokera obhongʼaini ubhwa abhantö. Engʼana iya Waryobha eno abhantö bhakomaaha igha m-botaaniinu, neena obhotoro okokera ubhwa abhantö.

1 Abhakörintö 10:12

Ku bhuyö ono akokanya igha naimërëëyë, angarre atakaaghwa.

1 Abhakörintö 2:14

Mbe, ömöntö ono ataana Umwika uwa Waryobha, uyö takotora okoghoota amangʼana ghano ghakurwa ku-Mwika uwa Waryobha, ko bhoora uyö, nkomaaha arë amangʼana ghayö igha, n-ga ekekangi. Kora taatore okoghamanya hë, ko bhoora nkomanywa gharë ko obhotoro ubhwa Umwika Ömöhörëëru.

1 Abhakörintö 2:3

Enkaagha iyö, m-mötëntëëru naarë, kora naarenga na entarëki, kora naarighitanga bhököngʼu.

1 Abhakörintö 3:18

Ömöntö atakaingʼaina umwene. Hano ömöntö araaimaahe igha m-mongʼaini mö-bhëënyu ko-kebhara kono, aikore igha mokangi, okore abhe omongʼaini uwa heene.

1 Abhakörintö 3:2

Naabhanywënsëri amabheere, ti-bhyakorya naabhahaayë hë, ko bhoora tewanyöörrë moraabha abha okorya ibhyakorya hë. Kora bhoono, temoraabha abha okorya ibhyakorya hë.

1 Abhakörintö 4:8

Bhoono ghonswe igho ghano mukutuna, mmoonagho! Mwameha! Mwabhaayë abhakama, bhëëtö totaamo. Nyakara mbe ekaabhaayë maheene igha, m-bakama mörë, okore na bhëëtö bhonswe totonge hamwë na bhëënyu!

2 Abhakörintö 10:10

Nkoghamba ndë igho, ko bhoora abhantö bhandë nkoghamba bharë igha, “Amatashandighi agha Pauro m-marito kora amangʼana aghaaye ngaana singuru, kasi hano aaho umwene, m-mötëntëëru, kora amashumaasho aghaaye, teghaana ubhwera hë.”

2 Abhakörintö 11:19

Ko bhono moona obhongʼaini, nkyo kekoghera morashomerwa ököghömërrya abhantö abhakangi.

2 Abhakörintö 11:29

Hano ömöntö abhaayë ömötëntëëru, öni wonswe nkobha ndë ömötëntëëru. Hano ömöntö yaghera murikyaye akore ëbhëbhë, öni wonswe nkwighwa ndë öbhörrö.

2 Abhakörintö 13:9

Nkushomerwa törë, hano twabha abhatëntëëru kasi bhëënyu mobha na singuru. Nkosaasaama törë Waryobha igha, abhahekerani.

2 Abhakörintö 4:12

Mbe, bhoono ni-igha, bhëëtö nkoghenda törë na uruku, kasi bhëënyu, nö-bhöhöru mukunyoora.

2 Abhakörintö 6:8

Bhëëtö twamara ukwiruusya igha, abhantö mbakaatosooka, handë bhatosere, mbakaatoghamba bhuuya, handë bhatoghambe bhoghogho, te-ngʼana hë. Nkomaahekana törë igha m-barongo törë, kasi no-bhoheene tokoghamba.

1 Abhatësarönikë 4:8

Ömöntö wowonswe ono akwanga amëëghyö ghano, tigha nu-mwëghya uyö akwanga, kasi nkwanga arë Waryobha ono yaabhahaana Umwika Ömöhörëëru.

1 Peetero 4:14

Hano moraatokwe ko okoghera iya iriina irya Yëësu Kiristo, momanye igha mmoraangʼoorwe. Engʼana iyö nköbhöörökya ërë igha, Umwika uwa Waryobha uwa ubhuhika, hamwë arë na bhëënyu.