1 Abhakörintö 4:1 - Imuuma Eehya

¹ Mbe, abhantö bhamanye igha, bhëëtö m-baköri abha emeremo abha Yëësu Kiristo törë, abharaarëki abha amangʼana agha ibhibhisirë ibhya Waryobha.

1 Abhakörintö 4:1 ပူးပေါင်းရင်းမြစ်များ

Mataayo 13:11

Akabhahonshora igha, “Amangʼana agha Obhokama ubhwa Waryobha ngaibhisirë. Nyakara bhëënyu, ko bhoora Waryobha abhahönyörrëëyë amangʼana ghayö, okore moghamanye.

Mataayo 24:45

Mbe, Yëësu akabhöörya abheegha bhaaye igha, “Kasi mokaamanya omoghorwa omoheene uwa obhongʼaini? No-moghorwa ono omonene uwaaye araamötëëbhi aimererre abhaghorwa bharikyaye, okore abhahaanenga ibhyakorya ko-nkaagha iyaako.

Maariko 4:11

Akabhahonshora igha, “Bhëënyu mwahonyorrwa amëëghyö agha Obhokama ubhwa Waryobha. Kasi abhantö abhandë nköbhëëghya ndë amangʼana ghonswe igho, ko okobharëngërya ëbhërëngyö.

Ruuka 1:2

Mbaandëkirë amangʼana kya ghaara twaatëëbhiibhwi na bhano bhaagharööshë ukurwa okosemoka. Abhantö bhayö, m-baara bhaaraarekanga engʼana iya Waryobha.

Ruuka 12:42

Omonene akamohonshora igha, “Umwimërërri uwa heene na omongʼaini nö-öhë? Nö-mököri uwa emeremo ono omonene uwaaye araakumi, amotoore ku-bhwimërërri ubhwa bharikyaye, abhahaanenga ibhyakorya ko-nkaagha yaako.

Ruuka 8:10

Akabhahonshora igha, “Amangʼana agha Obhokama ubhwa Waryobha ngaibhisirë. Nyakara bhëënyu, ko bhoora Waryobha abhahönyörrëëyë amangʼana ghayö, okore moghamanye. Kasi abhandë në-bhërëngyö nkobharëngërya, ko bhoora igha, ‘Hano bhamaaha, n-kya hano bhatarööshë. Nokaanyoora bhaana amatwë bharaighwa, kasi n-kya bhano bhatakwighwa, tebhakomanyërrya hë.’

Abharuumi 11:25

Abhakumya bharikyëtö, keno nkutuna ni-igha momanye ësëëmyö iya Waryobha, eno yaarenga ibhisirwë ukurwa kare, okore motakaikumya igha, mmomanyirë ghonswe igho. Ekeghaaka ikya Abhaisiraëri n-kya ribhagha ike igho, okohekera hano ekerengere ikya Abhakyaro keno Waryobha akutuna, kirihika.

Abharuumi 16:25

Bhoono ni-igha tötööni Waryobha! Ko bhoora we nkotora arë okobhakora mobhe na umukumo ghono ghonaghirë, okohetera ko Amangʼana Amaiya agha Yëësu Kiristo ghano naabharaarekera, agha ësëëmyö iya Waryobha eno yaarenga ibhisirwë ukurwa kare.

1 Abhakörintö 2:7

Obhongʼaini bhuyö tokoraareka, ni-kibhisirë ikya Waryobha keno yaasëëmëri ukurwa kare, kora ekebhara ketaraabhombwa, okore atokorre ikuughë iya ubhuhika.

1 Abhakörintö 3:5

Mbe bhoono, Apöörö n-nawë? Na Pauro n-nawë? Bhayö m-baköri abha emeremo abha Waryobha bhano bhaaghërrë mokakumya Waryobha, kera ömöntö mo-bhayö, yaakörrë emeremo gheno yaahaanwa na Omonene.

1 Abhakörintö 4:13

Hano bhatohanga engʼana, nkobhahonshora törë bhuuya. Kora bhoono twakorwa kya amatokoore agha ko-kebhara kono, twabha kya abhantö bhano bhataana ubhwera okokera ëbhëntö bhyonswe igho.

1 Abhakörintö 4:2

Bhoono keno kikutunwa, nu-bhwimërërri ubhwa heene.

2 Abhakörintö 11:23

Bhoono tigha ngambe kinyabhushuuru igha, nyoore abheene m-baköri abha emeremo abha Kiristo, öni nembahëtëërëëyë. Öni naakora omotono ughwa okokora emeremo okobhakera. Naatoorwa mo-kebhohe hare kaaru, naatemwa bhököngʼu imishariti, naahona ukukwa hare kaaru.

2 Abhakörintö 12:6

Kora hano okaanyöörrë ndatuna ukwikumya, tenkaabhaayë omokangi hë, ko bhoora no-bhoheene okaanyöörrë ndaghamba. Kasi nkwirebherra ndë, okore ömöntö wowonswe oora, atakaasha okomaaha igha, neena ubhwera okokera bhono bhakwighwa na bhono bhakomaaha.

2 Abhakörintö 4:5

Bhëëtö ta-mangʼana aghëëtö tokoraareka hë, kasi na-agha Yëësu Kiristo igha m-Monene, na bhëëtö na-bhaköri abha emeremo abhëënyu törë, ko okoghera iya Yëësu Kiristo.

2 Abhakörintö 6:4

Kasi nkwörökya törë abhantö ko amangʼana ghonswe igho igha, bhëëtö, m-baköri abha emeremo abha Waryobha törë. Nkokora törë igho, kö ököghömërrya bhököngʼu, amateeso na inyaanyi, na amangʼana amaköngʼu.

Abhaëfësö 1:9

Atöhönyörrëëyë ësëëmyö iyaaye eno yaatunanga aghehekerani okohetera ku-Yëësu Kiristo, ko bhoora yaashömëëywë okokora igho.

Abhaëfësö 6:19

Monsaasaamere na öni wonswe, okore Waryobha angʼaane amangʼana amaiya agha okoghamba enkaagha yoyonswe igho, eno ukunyoora ndashumaashera amangʼana agha Yëësu Kiristo, ndaghërri abhantö kö obhokarë, obhoheene bhono bhörëngë mo-Mangʼana Amaiya, bhaghamanye.

Abhakorosaai 2:2

Nkokora ndë igho, okore senkoro isyabho setereme, bhabhe ëkëntö ëkëmwë ku righonshe, bhanyoore obhongʼaini bhono bhoraaghere bhamanye bhuuya igha, Yëësu Kiristo we ësëëmyö iya Waryobha.

Abhakorosaai 4:3

Motosabheraninga na bhëëtö hano mwasaasaama Waryobha, okore atokorre enshera iya okoraareka engʼana iyaaye, iya imbumbure iya Yëësu Kiristo eno yaarenga ibhisirwë. Öni mo-kebhohe ndë, ko okoghera iya engʼana iyö.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

1 Timoteo 3:6

Kora atakaabha ömöntö ono yatööribhwa bhöngö hano, okore atakaasha okobha na ikiheemere. Ukwiheema kuyö, nkomokorerra abhotorrwe ikiina kya bhono Oghosambwa ghwaabhötörëëywë ikiina.

1 Timoteo 3:9

Kasi, bhabhe abhantö bhano bhakonaghya kwa amaitegherro amaiya obhoheene ubhwa umukumo ughwëtö bhono bhwahonyorwa.

Tiito 1:7

Ko bhoora igha, omoghaaka omotangati uwa ekanisa, uyö we umwimërërri ono yaaghöötibhwa emeremo ighya Waryobha, ku bhuyö ni-igha, atakaabha ömöntö uwa okotemwa amasoro. Atakaabha na ekeghaaka, atakaabha ömöntö uwa enkoro, atakaabha ömörëëbhi, atakaabha umutindi, kora atakaabha na oronamba urwa seehera.

1 Peetero 4:10

Kera ömöntö naana ituho iyaaye eno yaahaanwa na Waryobha. Bhoono ni-igha aghekorre emeremo bhuuya ko ökötöörrya bharikyaye. Akorenga igho kya umwimërërri umuuya uwa örööbhö urwa Waryobha urwa seteemo nsharu.