1 Abhakörintö 3:5 - Imuuma Eehya

⁵ Mbe bhoono, Apöörö n-nawë? Na Pauro n-nawë? Bhayö m-baköri abha emeremo abha Waryobha bhano bhaaghërrë mokakumya Waryobha, kera ömöntö mo-bhayö, yaakörrë emeremo gheno yaahaanwa na Omonene.

1 Abhakörintö 3:5 ပူးပေါင်းရင်းမြစ်များ

Mataayo 25:15

Akahaana kera ömöntö okorengʼaana na obhotoro ubhwaye. Omoghorwa uwa mbere, akamohaana setaranta isaano. Uwa kabhërë, akamohaana setaranta ibhërë, na uwa katatö, akamohaana etaranta ëmwë, bhoono akatanora.

Ruuka 1:2

Mbaandëkirë amangʼana kya ghaara twaatëëbhiibhwi na bhano bhaagharööshë ukurwa okosemoka. Abhantö bhayö, m-baara bhaaraarekanga engʼana iya Waryobha.

Yohana 3:27

Yohana akabhahonshora igha, “Taaho ömöntö ono akotora ukunyoora ëkëntö kyokyonswe igho, hano atahaaywë na Waryobha.

Amangʼana agha Abhatomwa 18:24

Mbe, Ëfësö hayö, yaaishirë-ho Umuyahudi uwöndë ono yaabherekerwanga igha Apöörö. Apöörö uyö, nu-mwebhorrwa uwa umughi ghono ghwaabherekerwanga igha Arekisandiria. Apöörö m-mokarë yaarë ko okoghamba, na yaamanyirë bhuuya Amaandeko Amahörëëru.

Amangʼana agha Abhatomwa 19:1

Mbe, enkaagha eno Apöörö yaarenga Körintö, Pauro akahetera mu-mighi ighya mu-singuku, akangʼaaraara igho, akahika Ëfësö. Hano yaarë Ëfësö hayö, akasikana-ho na abheegha abhandë abha Yëësu.

Abharuumi 15:16

okore mbe ömököri uwa emeremo uwa Kiristo Yëësu ko-Bhakyaro. Ensonga iyaamo ni-igha, naakorwa ömösëngëri uwa okoraareka Amangʼana Amaiya agha Waryobha, okore Abhakyaro bhabhe kya ibhimwenso bheno bhëkötëghërya Waryobha, bheno bhyaarabhwa na Umwika Ömöhörëëru.

1 Abhakörintö 12:28

Abhatomwa mbo Waryobha yaatoora mo-kanisa abha mbere, abha kabhërë abharööti, abha katatö abhëëghya. Ghwiki yaatoora-mo bhano bhakokora amakono, na abha ituho iya ukuhwënia abharööyë, na abha ökötöörrya abhandë, na bhano bhakotangata bharikyabho, na abha ituho iya okoghamba ebheghambo ebhehya.

1 Abhakörintö 16:12

Nasaasaama bhököngʼu Apöörö umukumya murikyëtö igha, bhareetane hamwë na abhakumya abhandë, kasi umwene takutuna aashe bhoono igho hë. Rono arinyoora umweya, nariisha.

1 Abhakörintö 3:10

Waryobha kö örööbhö urwaye rono yaangʼaana, yaantöörrya okohaghaasha umusingi kya omohaghaashi umuuya omongʼaini, ono amanyirë amangʼana, nkatoora-ho umusingi ghono ömöntö uwöndë akohaghaasha-ko. Mbe, kera ömöntö angarre bhuuya bhono akohaghaasha ku-musingi kuyö.

1 Abhakörintö 3:22

nekaabha igha m-Pauro, Apöörö, Keefa, ekebhara, öbhöhöru, uruku, bheno bheeho, handë igha, bheno bherebha-ho, bhyonswe igho ni-bhyënyu.

1 Abhakörintö 3:7

Mbe, momanye igha, umwëmya të-këntö hë, kora na umwëtërri uwa amanshë, wonswe të-këntö hë, kasi ekenene n-Waryobha ono akukiinia.

1 Abhakörintö 9:17

Hano ndaakore emeremo ghiyö ko okohansha ukwane öni umwene, nendaatuhwe. Kasi hano oraanyoore igha te-ko okohansha ukwane hë, mmanye igha naakumibhwa, nkahaanwa ubhwimërërri.

2 Abhakörintö 11:23

Bhoono tigha ngambe kinyabhushuuru igha, nyoore abheene m-baköri abha emeremo abha Kiristo, öni nembahëtëërëëyë. Öni naakora omotono ughwa okokora emeremo okobhakera. Naatoorwa mo-kebhohe hare kaaru, naatemwa bhököngʼu imishariti, naahona ukukwa hare kaaru.

2 Abhakörintö 3:3

Nkomaahekana mörë bhuuya igha, bhëënyu n-kya ritashandighi irya Yëësu Kiristo mörë, reno rikwörökya emeremo gheno twaakora kö-bhëënyu. Ritashandighi riyö, tiryandekwa na ubhwino hë, kasi ndyandekwa na Umwika uwa Waryobha ömöhöru. Kora tëmörëngë kya ritashandighi reno ryandekwa ko-bhebhaau ibhya amaghena, kasi mo-senkoro isya abhantö.

2 Abhakörintö 3:6

Uyö, we yaatokora tobhe abhaköri abha emeremo abha Imuuma Eehya, eno ikurwa ku-Mwika uwa Waryobha. Imuuma iyö, tërëngë igha na-maraghërryö ghano ghaandekwa hë, ko bhoora amaraghërryö ghano ghaandekwa, gho nu-ruku ghakoreeta, kasi Umwika uwa Waryobha, we nö-bhöhöru akoreeta.

2 Abhakörintö 4:1

Mbe, ko bhono Waryobha atohaayë emeremo gheno ku ikyabhera ikyaye, titukukwa omotwe hë.

2 Abhakörintö 4:5

Bhëëtö ta-mangʼana aghëëtö tokoraareka hë, kasi na-agha Yëësu Kiristo igha m-Monene, na bhëëtö na-bhaköri abha emeremo abhëënyu törë, ko okoghera iya Yëësu Kiristo.

2 Abhakörintö 4:7

Bhëëtö bhano toona emongo iyö, ntonga kya ëbhëntö bheno bhyaabhombwa ukurwa ku-rirobha. Ku bhuyö emanyekane igha, obhotoro ubhwa ököröghöörya bhono toonabho, nku-Waryobha bhukurwa, tu-bhwëtö hë.

2 Abhakörintö 5:18

Mbe, ghonswe igho ghayö, nku-Waryobha ghakurwa, ko bhoora we yaatoma Yëësu Kiristo, okore atwighwerrani na Waryobha umwene. Na bhëëtö bhonswe atohaayë emeremo ighya okoraareka engʼana, okore abhantö bhaighwerrane na Waryobha.

2 Abhakörintö 6:1

Mbe, ko bhono tokokora emeremo hamwë na Waryobha, ku bhuyö nkobhasaasaama törë igha, örööbhö urwa Waryobha rono mwanyoora, rotakaaheta bhosa.

2 Abhakörintö 6:4

Kasi nkwörökya törë abhantö ko amangʼana ghonswe igho igha, bhëëtö, m-baköri abha emeremo abha Waryobha törë. Nkokora törë igho, kö ököghömërrya bhököngʼu, amateeso na inyaanyi, na amangʼana amaköngʼu.

Abhaëfësö 3:7

Bhoono öni emeremo ighyane, no-koraareka Amangʼana Amaiya kö örööbhö urwa amaabhë agha Waryobha ghano yaankörëëyë ko obhotoro ubhwaye.

Abhakorosaai 1:23

Kasi ni-igha möghëndërri okobha na umukumo, mohangarre, mobhe na singuru, motakaikërrya ukutigha ubhweseghe bhono mwaanyoora mo-Mangʼana Amaiya ghano mwaaighwa. Amangʼana Amaiya ghayö, ghaaraarekwa ko-bhantö bhonswe igho abha ko-kebhara kono. Na öni Pauro naabha umutighinkani uwa Amangʼana Amaiya ghayö.

Abhakorosaai 1:25

Waryobha yaangʼaana emeremo ighya ukutighinkanera ekanisa iyaaye, okore ndaarekere abhantö engʼana iyaaye bhono ërë.

1 Timoteo 1:12

Nkukumya ndë Kiristo Yëësu Omonene uwëëtö. Uyö we yaangʼaana singuru isya okoraareka Amangʼana Amaiya. Keno kekoghera ndamukumya, n-ko bhoora yaandööshë igha, ningʼarëëyë okobha ömököri uwaaye uwa emeremo.

1 Peetero 4:10

Kera ömöntö naana ituho iyaaye eno yaahaanwa na Waryobha. Bhoono ni-igha aghekorre emeremo bhuuya ko ökötöörrya bharikyaye. Akorenga igho kya umwimërërri umuuya uwa örööbhö urwa Waryobha urwa seteemo nsharu.