1 Abhakörintö 3:23 - Imuuma Eehya

²³ Kasi bhëënyu, na-abha Kiristo mörë, na Kiristo wonswe nu-uwa Waryobha.

1 Abhakörintö 3:23 ပူးပေါင်းရင်းမြစ်များ

Mataayo 17:5

Enkaagha eno waanyöörrë Peetero akishumaasha, tamaaha, risaarö reno ryaamekamekanga, rekabhakundikirya. Bhakaighwa engamba erarwera mu-risaarö eraghamba igha, “Ono no-Moona uwaane omoghonshe we aköntëghërya bhököngʼu, mumwitegherrenga.”

Yohana 17:18

Kya bhono waantoma ko-kebhara kono, ni-ighoigho na öni wonswe nkobhatoma ko-kebhara kono.

Yohana 17:21

Ndasabha igha, abhantö bhayö bhonswe igho, bhabhe ëkëntö ëkëmwë, kya bhono uwe Taata örëngë ëkëntö ëkëmwë na öni, na kya igho öni wonswe ndëngë ëkëntö ëkëmwë na uwe. Ghwiki ndasabha igha, abheene bhonswe bhabhe ëkëntö ëkëmwë na bhëëtö, okore abhantö abha ko-kebhara kono bhakumi igha, nu-uwe waantoma Taata.

Abharuumi 14:8

Hano törëngë bhahöru, öbhöhöru ubhwëtö bhobhe ko okoghera iya okokorra Omonene Yëësu Kiristo emeremo. Na hano twakwa, tukwe ko okoghera iya Omonene Yëësu Kiristo. Ku bhuyö ntokaabha bhahöru handë igha ntokaakwa, bhëëtö na-bhaaye törë.

1 Abhakörintö 11:3

Kasi bhoono nkutuna ndë momanye igha, Yëësu Kiristo we omotwe ughwa umushaasha, na umushaasha we omotwe ughwa mokaaye, na Waryobha we omotwe ughwa Yëësu Kiristo.

1 Abhakörintö 15:23

Kasi kera ömöntö ko-nkaagha iyaaye, Yëësu Kiristo we omotangi, bhararoobhera-ko abhantö abhaaye hano ariisha.

1 Abhakörintö 15:28

Mbe, hano ëbhëntö bhyonswe igho bheretasherwa hansë, ho na Omoona wonswe ariihoota ku ubhwera ubhwa Waryobha ono yaaghërrë akatashera hansë ëbhëntö bhyonswe igho, okore Waryobha abhe ömötöngi uwa bhyonswe igho.

1 Abhakörintö 7:22

Ko bhoora ömöntö ono yaabherekerwa arëngë omoghorwa, m-mötöönööni ko-Monene. Ni-ighoigho kora na ono yaabherekerwa arëngë ömötöönööni, m-moghorwa uwa Kiristo.

1 Abhakörintö 8:6

kasi kö-bhëëtö, Waryobha nö-ömwë igho, kora we Taata uwëëtö. Uyö we yaabhömbirë ëbhëntö bhyonswe igho. Kora öbhöhöru ubhwëtö ntonabho okore tutighinkanerenga Waryobha. Kora aaho Omonene ömwë igho, uyö we Yëësu Kiristo, ëbhëntö bhyonswe igho mbyaabhömbirwë okohetera ku-uyö, na öbhöhöru ubhwëtö nku-uyö bhokohetera.

2 Abhakörintö 10:7

Bhëënyu na-mangʼana agha kebhara agheene igho, ngo mokomaaha. Nyoore aaho ömöntö wowonswe igho ono akwimaaha igha nu-uwa Yëësu Kiristo, mbe, ömöntö uyö amanye igha, kya igho we arëngë uwa Yëësu Kiristo, na bhëëtö bhonswe na-abha Yëësu Kiristo törë.

Abhagharatia 3:29

Hano oraanyoore igha, bhëënyu m-ba Kiristo mörë, mbe na-bheebhorwa Ibhurahimu mörë, murinyoora umwandö ghoora Waryobha yaaraghaini.

Abhagharatia 5:24

Hano wanyoora abhantö bhaghootaini na Yëësu Kiristo, nkunyoora örë n-kya bhano bhaahanekwa ko-mosarabha hamwë na Kiristo Yëësu. Tebhakotongwa ghwiki na oronamba urwabho urwa ëmëbhërë, hamwë na amaitegherro aghaabho amaghogho ghaara.

Abhaëfësö 1:10

Ësëëmyö iyaaye ni-igha hano enkaagha inshiiya irihika, naretoora hamwë ëbhëntö bhyonswe igho, ibhya mu-ryobha na ibhya ko-kebhara kono, kora akore Kiristo Yëësu abhe omotangati uwa ëbhëntö bhiyö.