1 Abhakörintö 2:9 - Imuuma Eehya

⁹ Kasi n-kya bhono Amaandeko Amahörëëru ghakoghamba igha, “Taaho ömöntö ono yaarööshë, akaighwa, handë okotoora mo-nkoro iyaaye, amangʼana ghano Waryobha yaasëëmëëyi abhantö bhano bhamohanshirë.”

1 Abhakörintö 2:9 ပူးပေါင်းရင်းမြစ်များ

Mataayo 20:23

Mbe, Yëësu akabhatëëbhya igha, “M-maheene mmoteeseka kya bhono öni ndaateeseke, kasi okobhatoora orobhareka urwane urwa bhoryo, na uwöndë bhömösi, ghuyö te-moremo ughwane hë. Imyeya ghiyö ni-ighya bhano bhaasëëmibhwa na Taata.”

Mataayo 25:34

“Ho bhoono öni Omokama ndëtëëbhya bhaara urinyoora bharëngë bhoryo bhwane igha, ‘Bhëënyu, muushe hano, ko bhoora mwangʼoorwa na Taata. Mosohe mo-Bhokama bhono Waryobha yaabhasëëmërya, ukurwa haara yaabhömbirë ekebhara keno.

Yohana 3:16

Waryobha yaahanshirë bhököngʼu abhantö bhonswe igho abha ko-kebhara kono. Righonshe riyö, ndyo ryaaghërrë akatoma Omoona uwaaye umumwëmwë, aashe ko-kebhara kono, okore ömöntö wowonswe igho ono akumukumya atakaasira, kasi abhe na öbhöhöru ubhwa amakora ghonswe igho.

Abharuumi 8:28

Ntomanyirë bhuuya igha, Waryobha nkokora arë amangʼana amaiya hamwë na abhantö bhano bhamohanshirë, bhano yaabherekera ko okohansha ukwaye umwene.

Abhaëbhuraania 11:16

Kasi bhoono abhantö bhayö, ni-kyaro ikiiya bhököngʼu, nkyo bhaaighombanga igha bhanyoore. Ikyaro kiyö, mmu-ryobha. Ku bhuyö, Waryobha takosooka okobherekerwa igha, we Waryobha uwaabho, ko bhoora we yaabhasëëmërya iyö umughi.

Yaakobho 1:12

Nyakara ömöntö ono aköghömërrya hano yaashaashwa, ko bhoora hano araaghömërri ukushaashwa kuyö, Waryobha narimutuha ituho iya öbhöhöru ubhwa amakora ghonswe igho, bhono yaaraghaini okohaana bhonswe igho bhano bhamohanshirë.

Yaakobho 2:5

Abhakumya bharikyane abhaghonshe, munyitegherre bhuuya. Waryobha yaashaaghora abhatöbhu abha ko-kebhara kono, okore bhabhe abhaamë abha umukumo, kora bharaaghere umwandö ughwa Obhokama bhono yaaraghaini bhano bhamohanshirë.

1 Peetero 1:12

Waryobha yaahönyörrëëyë abharööti bhayö igha, amangʼana ghano bhaarootanga, te-ghaabho ghaarë hë, kasi na-ghëënyu ghaarë. Ghaara bhaaghambirë, ngo mwaaraarëkëëywë na abhantö bhano bhaabharëëtëëyë Amangʼana Amaiya agha Yëësu Kiristo. Bhonswe mbaabhatëëbhëri Amangʼana Amaiya ghayö, ko obhotoro ubhwa Umwika Ömöhörëëru ono yaatömirwë ukurwa mu-ryobha. Amangʼana ghayö, kora abhamaraika nkutuna bharë bhököngʼu igha bhaghamanye.

1 Yohana 4:19

Bhëëtö ntohanshirë Waryobha, kora bharikyëtö bhonswe ntobhahanshirë, ko bhoora Waryobha, we yaatangatirë okotohansha.