1 Abhakörintö 2:6 - Imuuma Eehya

⁶ Nokaanyoora ni-igho ërë, kasi nkoghamba törë amangʼana agha obhongʼaini ko-bhantö bhano umukumo ughwabho ghwakongʼa, to-bhongʼaini ubhwa ko-kebhara keno hë, handë ubhwa abhatöngi abha ekebhara keno, bhayö m-manshë mahëti.

1 Abhakörintö 2:6 ပူးပေါင်းရင်းမြစ်များ

Mataayo 13:22

Ëkërëngyö ikya seheke isya imbusiro seera syaaghööyë mo-maanyamahwa, siyö no-oora akwighwa engʼana iya Obhokama ubhwa Waryobha, kasi abha na ehaho iya amangʼana amaaru na ukutuna ukwaye ubhwamë, komongʼaina. Ku bhuyö takukumya bhököngʼu engʼana iya Obhokama ubhwa Waryobha hë.

Mataayo 19:21

Yëësu akamötëëbhya igha, “Nyoore nkutuna örë obhe ömöntö uwa heene, kaghi öghöri ëbhëntö bhyonswe igho bheno onabhyo, seehera seno oraanyoore-mo, ohaane abhatöbhu. Hayö ho oraabhe na emongo iyaaho mu-ryobha. Bhoono hayö omanye kuusha konsoorana.”

Mataayo 5:48

Mbe, mobhe abharöngë kya Suwëënyu uwa mu-ryobha bhono arëngë uwa heene.”

Ruuka 16:8

“Hano umwamë uyö yaaighuurë amangʼana ghayö, akakumya umwimërërri uyö atarë uwa heene, ko-bhongʼaini bhono yaakörrë. Ko bhoora abhantö abha ko-kebhara kono, mbaana obhongʼaini, hano bhatighinkanerana abheene ko abheene, ko-mangʼana agha ko-kebhara kono, okokera abhantö abha Waryobha.

1 Abhakörintö 1:28

Waryobha yaashaaghööyë ëbhëntö ebhetaaniinu na bheno bhekoserwa ko-kebhara kono, amangʼana ghano ghataaho, okore asöökërri ghano ghaaho.

1 Abhakörintö 12:8

Umwika Ömöhörëëru nkohaana arë ömöntö engʼana iya obhongʼaini, uwöndë amohaana engʼana iya obhomanyi ubhwa amangʼana.

1 Abhakörintö 14:20

Abhakumya bharikyane, motakaabha na amaitegherro kya agha abhaana. Nyakara mobhe abhaana ko mangʼana amaghogho, kasi mo-sehakëri isyënyu, mobhe abhantö abhakörö.

1 Abhakörintö 2:1

Abhakumya bharikyane, hano naaishirë kö-bhëënyu hayö, tenaabharaarëkëëyë imbumbure iya Waryobha, ko bhoghambi ubhwa amangʼana amaiya, handë kwa obhongʼaini.

1 Abhakörintö 2:13

Tetokoghamba amangʼana ghayö kya amangʼana ghano ghakwëghibhwa kwa obhongʼaini ubhwa abhantö, kasi nkwëghibhwa gharë na Umwika uwa Waryobha. Torarahora amangʼana agha Umwika uwa Waryobha, ko bhano bhaana Umwika uwa Waryobha.

1 Abhakörintö 2:8

Taaho ömötöngi uwa ko-kebhara kono kora ömwë, ono amanyirë obhongʼaini bhuyö. Singa bhakaabhomanyirë, tebhakaahanëkirë Omonene uwa ubhuhika ko-mosarabha hë.

1 Abhakörintö 3:1

Abhakumya bharikyane, tenaashumaashirë na bhëënyu kya hano ömöntö akushumaasha na abhantö bhano bhakotangatwa na Umwika Ömöhörëëru. Kasi naashumaashirë na bhëënyu, kya hano ömöntö akushumaasha na abhantö bhano bhaana esemoko iya öbhököri ubhwa ëbhëbhë. Naashumaashirë na bhëënyu kya ebhengʼerre ko mangʼana agha ukukumya Kiristo.

2 Abhakörintö 1:12

Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

2 Abhakörintö 13:11

Bhoono abhakumya bharikyane, nkomarërrya ndë ko okobharagha na eno ndabhatëëbhya igha, mohekerane ko amangʼana aghëënyu, mobhe abhantö abha ököröörësania, mobhe ikiina ëkëmwë, mobhe na omorembe. Hayö ho Waryobha uwa righonshe na omorembe araabhe hamwë na bhëënyu.

2 Abhakörintö 4:3

Mbe, hano oraanyoore igha, Amangʼana Amaiya ghano tokoraareka ngakundikiiyi ikikundikiryö, ngakundikiiyi ko bhano bhakusira.

2 Abhakörintö 4:4

Amangʼana Amaiya teghakomanyekana ko-bhantö bhayö, ko bhoora Oghosambwa, oghokama ughwa ekebhara keno, ghoroghaini emetwe ighya abhantö bhano bhatakukumya. Nkyo kekoghera bhatakomaaha obhorabhu ubhwa Amangʼana Amaiya agha emerengaari ighya Yëësu Kiristo, uyö we ituubho iya Waryobha.

Abhaëfësö 2:2

Enkaagha iyö, mwaakoranga amangʼana agha ko-kebhara kono. Kora mwaasorananga omotangati omoghogho uyö, Omonene uwa singuru isya ighörö isya amasambwa. Uyö we bhoono igho akokora emeremo mo-bhantö bhano bhatakwighwera Waryobha.

Abhakorosaai 1:28

Ku bhuyö nkoraareka törë amangʼana agha Kiristo, torakaania abhantö na ukwëghya abhantö bhonswe igho, kwa obhongʼaini bhonswe igho, okore tobhareete bhonswe igho mbere iya Waryobha, kö-bhömwë ubhwa heene na Kiristo.

Abhakorosaai 4:12

Epafura Omokorosaai murikyënyu wonswe nkobhakëërya arë, wonswe m-mököri uwa emeremo uwa Kiristo Yëësu. Epafura uyö, naana omotono ughwa okobhasabhera nkaagha syonswe igho, nkobhasabhera arë igha, monaghe ku-mukumo ughwënyu, na mohangarre ko amangʼana ghano Waryobha akutuna igha mokore.

Abhaëbhuraania 5:14

Kasi abhantö bhakörö, bho ni-bhyakorya ëbhëköngʼu bhakorya. Abhantö bhayö bhëëghibhwa, bhamanya ukwahora amangʼana amaghogho na amaiya.

Abhaëbhuraania 6:1

Mbe, ku bhuyö ni-igha tutighe ukwikarra amëëghyö ghaara twaashumaashëëyë amangʼana agha Yëësu Kiristo ekembere, kasi töghëndërri ukwegha, tokambe tonaghe ku-mukumo. Totakaaghooterrwa ghwiki na amëëghyö ghaara agha okohongora amangʼana amaghogho, na agha umukumo ughwëtö ku-Waryobha.

Yaakobho 3:15

Obhongʼaini ubhwa eteemo iyö, m-boghogho, tibhukurwa ku-Waryobha hë, kasi nu-bhwa kinyabhantö, ubhwa ko-kebhara kono, bhono bhukurwera ko-Ghosambwa.

Yaakobho 3:2

Obhoheene ni-igha, bhëëtö bhonswe igho, hare kaaru ukunyoora toraituuratuura ko bhoghambi ubhwëtö. Hano oraanyoore aaho ömöntö wowonswe ono atakwituuratuura ko bhoghambi ubhwaye, uyö m-möntö uwa heene, aratora okorebherra ömöbhërë ughwaye ghwonswe igho.

1 Peetero 5:10

Waryobha uwa örööbhö rwonswe igho, yaabhabherekera, okore moghootane nawe ku-bhuhika ubhwaye ubhwa amakora ghonswe igho, ko bhoora ntoona öbhömwë na Yëësu Kiristo. Moraanyanke akabhagha akake igho, kasi we narebhatogheka, abhahaane singuru, na okobhaimererra.