1 Abhakörintö 2:5 - Imuuma Eehya

⁵ Naakörrë igho, okore umukumo ughwënyu, ghotakaabha ughwa ukwesegha obhongʼaini ubhwa abhantö, kasi ghwitengʼere obhotoro ubhwa Waryobha.

1 Abhakörintö 2:5 ပူးပေါင်းရင်းမြစ်များ

Amangʼana agha Abhatomwa 16:14

Mo-bhantö bhano bhaatwitegherranga, yaare-mo omokari uwöndë uwa umughi ughwa Tiyatira, ono yaabherekerwanga igha Ridia. Ridia m-möhönia yaarë uwa singibho sinshiiya isya erangë këësërö, omokari uyö, yaasookanga Waryobha. Omonene Yëësu akaghoota enkoro iya Ridia, enkaagha eno yaaitegherranga amangʼana ghano Pauro yaaghambanga. Akakumya amangʼana ghayö, akabhatiisibhwa.

1 Abhakörintö 1:17

Ko bhoora, Yëësu Kiristo tiyaantömirë igha mbatiisi abhantö. Yaantömirë ndaareke Amangʼana Amaiya, kasi ntakesegha obhongʼaini ubhwane ubhwa okoghamba bhuuya, okore omosarabha ughwa Yëësu Kiristo, ghotakaabhorwa ubhwera ubhwagho.

1 Abhakörintö 3:6

Öni nëëmya, Apöörö akeeterra amanshë, kasi Waryobha we akukiinia.

2 Abhakörintö 12:9

Kasi Omonene akantëëbhya igha, “Örööbhö urwane ndukwisirë, ko bhoora mö-bhötëntëëru muyö, mo obhotoro ubhwane bhokomaahwa.” Ku bhuyö nendaaikumi ku ukushomerwa bhököngʼu, ko okoghera iya öbhötëntëëru ubhwane, okore obhotoro ubhwa Yëësu Kiristo, bhobhe hamwë na öni.

2 Abhakörintö 4:7

Bhëëtö bhano toona emongo iyö, ntonga kya ëbhëntö bheno bhyaabhombwa ukurwa ku-rirobha. Ku bhuyö emanyekane igha, obhotoro ubhwa ököröghöörya bhono toonabho, nku-Waryobha bhukurwa, tu-bhwëtö hë.

2 Abhakörintö 6:7

na ko okoraareka engʼana iya obhoheene. Nkokora törë amangʼana ghayö, ko obhotoro ubhwa Waryobha, ko okohetera ku-bhyöghë ibhyëtö ibhya obhoheene, ibhya okorekera na ibhya ukwikengerrya.