1 Abhakörintö 2:4 - Imuuma Eehya

⁴ Engʼana iyaane, na okoraareka ukwane, tibhyarenga ibhya obhongʼaini ubhwa ököngʼënërrya sehakëri isya abhantö hë, kasi n-ko ebhemanyërryö ibhya obhotoro ubhwa Umwika Ömöhörëëru.

1 Abhakörintö 2:4 ပူးပေါင်းရင်းမြစ်များ

Amangʼana agha Abhatomwa 20:27

Ko bhoora tenaakubhiri okobhatëëbhya ko obhokarë ghonswe igho ghano Waryobha akutuna momanye.

Amangʼana agha Abhatomwa 26:28

Aghiripa akamohonshora igha, “Nkokanya örë igha Pauro, notora okonkora Umukiristo ko-mangʼana amake kya ghayö?”

Abharuumi 15:13

Waryobha we tukwitengʼera igha, naraatokorre ghonswe igho ghano yaaraghaini. Ku bhuyö nkobhasabhera ndë igha, abhahaane omorembe, okore mushomerwe bhököngʼu enkaagha eno mököghëndërrya ukumukumya. Hayö ho moraamweseghe bhököngʼu, ko bhoora moraatööribhwi na obhotoro ubhwa Umwika Ömöhörëëru.

Abharuumi 15:19

Mbaarutirwë bhakabha na umukumo, ko bhoora bhaarööshë obhotoro ubhwa Yëësu Kiristo bhono bhwaamahekaini ko-makono na ebhemanyërryö. Naanyöörrë obhotoro ubhwa okokora igho, ko obhotoro ubhwa Umwika uwa Waryobha. Ku bhuyö naainaarrë kera hasë ndaraareka Amangʼana Amaiya agha Yëësu Kiristo ukusimirya mu-mughi ughwa Yërusarëëmu okohekera mo-mokowa ughwa Iririko.

Abharuumi 16:18

Abhantö kya bhayö to-Monene uwëëtö Yëësu Kiristo bhakokorra emeremo hë, kasi keno bhakutuna no-kokorra senda isyabho isyene igho. Bhaana amangʼana amaiya agha ököngʼöröngʼööbhya, okore bhangʼaine abhakumya abhatëntëëru.

1 Abhakörintö 1:17

Ko bhoora, Yëësu Kiristo tiyaantömirë igha mbatiisi abhantö. Yaantömirë ndaareke Amangʼana Amaiya, kasi ntakesegha obhongʼaini ubhwane ubhwa okoghamba bhuuya, okore omosarabha ughwa Yëësu Kiristo, ghotakaabhorwa ubhwera ubhwagho.

1 Abhakörintö 2:1

Abhakumya bharikyane, hano naaishirë kö-bhëënyu hayö, tenaabharaarëkëëyë imbumbure iya Waryobha, ko bhoghambi ubhwa amangʼana amaiya, handë kwa obhongʼaini.

1 Abhakörintö 2:13

Tetokoghamba amangʼana ghayö kya amangʼana ghano ghakwëghibhwa kwa obhongʼaini ubhwa abhantö, kasi nkwëghibhwa gharë na Umwika uwa Waryobha. Torarahora amangʼana agha Umwika uwa Waryobha, ko bhano bhaana Umwika uwa Waryobha.

1 Abhakörintö 4:20

Nkoghamba ndë igho, ko bhoora Obhokama ubhwa Waryobha, tebhokobha ko amangʼana agheene igho hë, kasi nko-bhotoro.

2 Abhakörintö 6:6

Bhëëtö m-bantö abha heene törë, m-bamanyi abha amangʼana törë, m-baghömërrya törë, kora m-basërëënia törë. Nkokora törë amangʼana ghayö, ko okotangatwa na Umwika Ömöhörëëru, na righonshe reno retaana ubhwiköri,

Abhagharatia 1:10

Bhoono bhëënyu nkokanya mörë igha nkutuna ndë okohanshwa na abhantö? Ti-igho hë, keno nkutuna no-kohanshwa na Waryobha umwene igho! Okaanyöörrë igha na-bhantö nkutuna kötëghërya, tenkaabhaayë omoghorwa uwa Yëësu Kiristo hë.

Abhakorosaai 2:4

Bhoono nkobhandekera ndë ghayö, okore ömöntö wowonswe igho atakaabhangʼaina ko okobhangʼënërrya.

1 Abhatësarönikë 1:5

Ntomanyirë igha, Amangʼana Amaiya ghano twaabharaarëkëëyë, te-mangʼana agheene igho ghaarë hë, kasi ntwaaraarëkirë ku singuru, na okohetera ku-Mwika Ömöhörëëru, eno toona obhoheene igha, amangʼana ghayö na-agha obhoheene. Bhëënyu mmönyirë bhuuya kya igho twaarë hamwë na bhëënyu, okore tobhatöörri.

1 Peetero 1:12

Waryobha yaahönyörrëëyë abharööti bhayö igha, amangʼana ghano bhaarootanga, te-ghaabho ghaarë hë, kasi na-ghëënyu ghaarë. Ghaara bhaaghambirë, ngo mwaaraarëkëëywë na abhantö bhano bhaabharëëtëëyë Amangʼana Amaiya agha Yëësu Kiristo. Bhonswe mbaabhatëëbhëri Amangʼana Amaiya ghayö, ko obhotoro ubhwa Umwika Ömöhörëëru ono yaatömirwë ukurwa mu-ryobha. Amangʼana ghayö, kora abhamaraika nkutuna bharë bhököngʼu igha bhaghamanye.

2 Peetero 1:16

Hano twëëghyanga abhantö amangʼana agha obhotoro ubhwa Omonene uwëëtö Yëësu Kiristo na ukuusha ukwaye, tetwaitengʼeranga amaghano agha kare ghano ghaandekwa kinyabhongʼaini ngʼaini. Kasi bhëëtö abheene, ntwaarööshë ubhuhika ubhwaye.

2 Peetero 2:18

Nkoghamba bharë amangʼana agha ikiheemere, ghano ghataana ubhwera. Oronamba urwabho oroghogho urwa kinyamöbhërë, ndo rokoghera bharakemba abhantö bhano bhaakumya bhöngö hano, bhano bhaatigha okokora ghano abhasarya bhakokora.