1 Abhakörintö 2:15 - Imuuma Eehya

¹⁵ Ömöntö ono akotangatwa na Umwika uwa Waryobha nkwitaaha arë, kasi we takwitaahwa hë.

1 Abhakörintö 2:15 ပူးပေါင်းရင်းမြစ်များ

Yohana 7:17

Ömöntö wowonswe igho ono akutuna okokora bhono Waryobha akutuna, uyö naraamanye igha, amëëghyö ghano nku-Waryobha ghaarwa. Kora ghwiki naraamanye igha, tenkoghamba ku ubhwera ubhwane umwene hë.

Amangʼana agha Abhatomwa 16:3

Pauro yaatunanga igha, abhe arahinana na Timoteo okoraareka engʼana iya Waryobha. Ku bhuyö Pauro, akaghegha Timoteo, akamosaara. Ko bhoora Abhayahudi bhonswe igho abha mu-mighi ghiyö, mbaamanyirë bhuuya igha suwaabho Timoteo m-Muyunaani yaarë, na Abhayunaani tebhaasaarwanga hë.

1 Abhakörintö 14:37

Hano ömöntö araaimaahe igha m-mörööti, handë igha të-möntö uwa kinyamöbhërë hë, amanye igha ghayö nkobhandekera, na-maraghërryö agha Omonene.

1 Abhakörintö 3:1

Abhakumya bharikyane, tenaashumaashirë na bhëënyu kya hano ömöntö akushumaasha na abhantö bhano bhakotangatwa na Umwika Ömöhörëëru. Kasi naashumaashirë na bhëënyu, kya hano ömöntö akushumaasha na abhantö bhano bhaana esemoko iya öbhököri ubhwa ëbhëbhë. Naashumaashirë na bhëënyu kya ebhengʼerre ko mangʼana agha ukukumya Kiristo.

1 Abhakörintö 4:5

Ku bhuyö motakaabhotora ikiina, enkaagha iyaako etaraabha, moghanye okohekera hano Omonene ariisha. We aremoreka amangʼana agha mu-kisuntë ghonswe igho ghano ghabhisirwë, na okotoora harabhu ghano gharëngë mo-senkoro isya abhantö. Hayö ho bhoono kera ömöntö arinyoora sinkuma seno aingʼarëëyi, ukurwa ku-Waryobha.

Abhagharatia 6:1

Abhakumya bharikyëtö, hano mwamaaha murikyënyu asarri, bhëënyu bhano mokotangatwa na Umwika, momokaani, ni-igha mumukyöri bhohaabhu igho. Kasi mwiyangarre motakaashaashwa mobhe na eteemo kya iyaaye.

Abhafiripi 1:10

okore momanye amangʼana amaiya agha okokora. Hayö ho moraarongehe, kora temoobhe na amasoro okohekera urusikö roora Kiristo arikyora.

Abhakorosaai 1:9

Ku bhuyö ukusimirya hano twaaighuurë urwa mbere amangʼana aghëënyu amaiya ghayö, nkobhasabhera törë, kora tetwakasinyirë hë. Torasabha igha, Waryobha abhahaane obhomanyi bhonswe igho ko ghano akutuna igha mokore, abhahaane na obhongʼaini bhonswe igho ubhwa amangʼana ghano ghakurwa ku-Mwika Ömöhörëëru.

1 Abhatësarönikë 5:21

kasi moghashaashi, moghoote ghano gharëngë bhuuya.

Abhaëbhuraania 5:14

Kasi abhantö bhakörö, bho ni-bhyakorya ëbhëköngʼu bhakorya. Abhantö bhayö bhëëghibhwa, bhamanya ukwahora amangʼana amaghogho na amaiya.

1 Yohana 2:20

Kasi bhëënyu, Yëësu Ömöhörëëru yaabhahaana Umwika uwaaye, bhoono bhëënyu bhonswe igho, mmomanyirë obhoheene.

1 Yohana 4:1

Abhaghonshe abhaane, motakaakumya kera ömöntö ono akoghamba igha aana Umwika Ömöhörëëru uwa Waryobha. Kasi mumwitaahe bhuuya, momaahe nyoore aana Umwika Ömöhörëëru uwa Waryobha. Ni-igha momanyërri obhoheene bhuyö, ko bhoora abharööti abhaaru abha obhorongo, bhaibhoka ko-kebhara kono.