1 Abhakörintö 2:1 - Imuuma Eehya

¹ Abhakumya bharikyane, hano naaishirë kö-bhëënyu hayö, tenaabharaarëkëëyë imbumbure iya Waryobha, ko bhoghambi ubhwa amangʼana amaiya, handë kwa obhongʼaini.

1 Abhakörintö 2:1 ပူးပေါင်းရင်းမြစ်များ

Amangʼana agha Abhatomwa 20:21

Naatëëbhyanga Abhayahudi hamwë na Abhayunaani igha, bhahongore ëbhëbhë ibhyaho, bhaashe ku-Waryobha, bhakumi Yëësu Kiristo, Omonene uwëëtö.

Amangʼana agha Abhatomwa 22:18

Nkamaaha Omonene Yëësu mo-kerooto muyö, arantëëbhya igha, ‘Wangohe ukurwa Yërusarëëmu hano, ko bhoora abhantö abha mu-mughi ghono, tebhaikërri ubhwimërërri ubhwaho ko amangʼana aghaane.’

Abharuumi 16:18

Abhantö kya bhayö to-Monene uwëëtö Yëësu Kiristo bhakokorra emeremo hë, kasi keno bhakutuna no-kokorra senda isyabho isyene igho. Bhaana amangʼana amaiya agha ököngʼöröngʼööbhya, okore bhangʼaine abhakumya abhatëntëëru.

Abharuumi 16:25

Bhoono ni-igha tötööni Waryobha! Ko bhoora we nkotora arë okobhakora mobhe na umukumo ghono ghonaghirë, okohetera ko Amangʼana Amaiya agha Yëësu Kiristo ghano naabharaarekera, agha ësëëmyö iya Waryobha eno yaarenga ibhisirwë ukurwa kare.

1 Abhakörintö 1:17

Ko bhoora, Yëësu Kiristo tiyaantömirë igha mbatiisi abhantö. Yaantömirë ndaareke Amangʼana Amaiya, kasi ntakesegha obhongʼaini ubhwane ubhwa okoghamba bhuuya, okore omosarabha ughwa Yëësu Kiristo, ghotakaabhorwa ubhwera ubhwagho.

1 Abhakörintö 1:6

Ghayö nkwörökya gharë igha, amangʼana agha Yëësu Kiristo ghano twaabharaarëkëëyë na-agha obhoheene.

1 Abhakörintö 2:13

Tetokoghamba amangʼana ghayö kya amangʼana ghano ghakwëghibhwa kwa obhongʼaini ubhwa abhantö, kasi nkwëghibhwa gharë na Umwika uwa Waryobha. Torarahora amangʼana agha Umwika uwa Waryobha, ko bhano bhaana Umwika uwa Waryobha.

1 Abhakörintö 2:4

Engʼana iyaane, na okoraareka ukwane, tibhyarenga ibhya obhongʼaini ubhwa ököngʼënërrya sehakëri isya abhantö hë, kasi n-ko ebhemanyërryö ibhya obhotoro ubhwa Umwika Ömöhörëëru.

1 Abhakörintö 2:7

Obhongʼaini bhuyö tokoraareka, ni-kibhisirë ikya Waryobha keno yaasëëmëri ukurwa kare, kora ekebhara ketaraabhombwa, okore atokorre ikuughë iya ubhuhika.

2 Abhakörintö 10:10

Nkoghamba ndë igho, ko bhoora abhantö bhandë nkoghamba bharë igha, “Amatashandighi agha Pauro m-marito kora amangʼana aghaaye ngaana singuru, kasi hano aaho umwene, m-mötëntëëru, kora amashumaasho aghaaye, teghaana ubhwera hë.”

2 Abhakörintö 11:6

Nokaanyoora nkomaahekana ndë igha, temanyirë okoghamba bhuuya hë, kasi obhomanyi ubhwane ubhwa amangʼana, m-bonene. Kiyö nkyo mwaarööshë bhuuya kö-bhëëtö, ahasë honswe igho, na senkaagha syonswe igho hano twaarë kö-bhëënyu hayö.

2 Abhatësarönikë 1:10

Urusikö roora Omonene Yëësu arikyora, narëtöönibhwa na abhantö abhaaye, kora naresookwa na abhantö bhonswe igho bhano bhakumukumya. Na bhëënyu bhonswe moreebha-mo, ko bhoora mwikërëëyi engʼana eera twaabhatëëbhëri.

1 Timoteo 1:11

Amëëghyö agha obhoheene, gharëngë mo-Mangʼana Amaiya ghano ghakwörökya ubhuhika ubhwa Waryobha uwa obhongʼoore bhwonswe igho. Amangʼana ghayö, ngo naahaaywë na Waryobha igha, ndaarekere abhantö.

2 Timoteo 1:8

Mbe, bhoono otakaasooka ukwimererra amangʼana agha Omonene uwëëtö Yëësu Kiristo, handë okomaaha sënsöni ko bhoora igha öni mo-kebhohe ndë ko okoghera iya Omonene uwëëtö uyö. Kasi ghömërrya inyaanyi hamwë na öni, ko okoghera iya Amangʼana Amaiya, ku singuru seno okohaanwa na Waryobha.

1 Yohana 4:14

Bhëëtö twaamaaha Omoona uwa Waryobha, kora nkötëëbhya törë abhantö abhandë obhoheene igha, Taata Waryobha yaatömirë Omoona uwaaye ko-kebhara kono, okore abhe Ömötöörya uwa abhantö bhonswe igho.

Okohonyora 1:2

Yohana akaimererra amangʼana ghonswe igho ghano yaarööshë. Amangʼana ghayö yaarööshë, na-agha obhoheene bhono bhwahönyööywë na Yëësu Kiristo. Obhoheene bhuyö, mbo engʼana iya Waryobha.

Okohonyora 1:9

Öni nö-öni Yohana umukumya murikyënyu. Nkötöörrania ndë hamwë na bhëënyu ököghömërrya inyanko ko okoghera iya Yëësu na Obhokama ubhwaye. Öni naarëbhërrëëywë kwi-ghinga reno rekobherekerwa igha Paatimo. Naarëbhërrëëywë iyö, okore igha, ntakaaraareka engʼana iya Waryobha na ntakaimererra amangʼana agha Yëësu.

Okohonyora 19:10

Mbe, ho naaghööyë hansë bhubhuumaayë ko-maghörö agha maraika uyö, okore mmosaasaame. Kasi akantëëbhya igha, “Tigha otakaakora igho! Öni wonswe murikyaho ndë, ömököri uwa emeremo hamwë na abhakumya bharikyaho, bhano bhakwimererra amangʼana agha Yëësu. Sengerra Waryobha! Ko bhoora ukwimererra amangʼana agha Yëësu kuyö nkwo esemoka iya öbhörööti.”