1 Abhakörintö 16:22 - Imuuma Eehya

²² Ömöntö wowonswe ono atahanshirë Omonene Yëësu Kiristo, aihiimwe. Maranata!

1 Abhakörintö 16:22 ပူးပေါင်းရင်းမြစ်များ

Mataayo 10:37

Ömöntö wowonswe ono araahanshe suwaabho, handë nyakuwaabho konkera, uyö taingʼarëëyë okobha umwegha uwaane hë. Ömöntö wowonswe ono araahanshe mura uwaaye, handë mohara uwaaye konkera öni, uyö taingʼarëëyë okobha umwegha uwaane hë.

Yohana 14:15

“Hano moraanhanshe, moraaghoote imighiro ighyane.

Yohana 14:21

Ömöntö ono amanyirë na okoghoota imighiro ighyane, uyö we anhanshirë. Ömöntö ono anhanshirë, Taata naraamohanshe. Na öni nendaamohanshe na ukwihonyora ko-we.”

Yohana 14:23

Yëësu akamohonshora igha, “Ömöntö wowonswe ono araanhanshe, naraaghoote amangʼana aghaane, ömöntö uyö naraahanshwe na Taata. Na bhëëtö bhonswe igho öni na Taata, ntoraashe tomenye hamwë nawe.

Yohana 15:24

Singa ntakora emeremo gheno ghetakokorwa na ömöntö wowonswe oora, tebhakaabhaayë na ëbhëbhë hë. Kasi bhoono, bharööshë emeremo gheno naakörrë, bhandëghirë öni hamwë na Taata wonswe.

Yohana 16:14

Umwika uyö, narëbhööryökya ubhuhika ubhwane, ko bhoora arebhatëëbhya ghano arinyooranga ukurwa ku-öni.

Yohana 8:42

Yëësu akabhahonshora igha, “Okaanyöörrë Waryobha we Suwëënyu, mokaanhanshirë, ko bhoora nku-Waryobha naarwa, na bhoono n-hano ndë. Öni tenaasha ku ubhwera ubhwane umwene hë, kasi Waryobha we yaantoma.

Amangʼana agha Abhatomwa 23:14

Ku bhuyö bhakaghya ko-bhanene abha abhasëngëri, na ko-bhaghaaka abha Ikiyahudi, bhakabhatëëbhya igha, “Twihiimirriiyi igha, tetomeene kyokyonswe keera hë, totaraaita Pauro.

Abharuumi 9:3

ko okoghera iya abhantö abha ikyaro ikyëtö. Ekaabhaayë-ho enshera, öni nenkaaikërëëyi nihiimwe, ntighane na Kiristo, okore abhantö abha ikyaro ikyëtö, bhakumi Yëësu Kiristo.

1 Abhakörintö 12:3

Ku bhuyö nkutuna ndë bhëënyu momanye igha, taaho ömöntö ono akotangatwa na Umwika uwa Waryobha, amare aghambe igha, “Yëësu aihiimwe.” Ghwiki ömöntö ono atakotangatwa na Umwika Ömöhörëëru uwa Waryobha, takotora okoghamba igha, “Yëësu we Omonene.”

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

Abhaëfësö 6:24

Örööbhö urwa Waryobha robhe kö-bhëënyu bhonswe igho, bhano mohanshirë Omonene uwëëtö Yëësu Kiristo, ku righonshe reno retakohwa röndë.

Abhafiripi 4:5

Obhohaabhu ubhwënyu bhomanyekane ko-bhantö bhonswe igho. Omonene Yëësu haangʼë arë aashe.

Abhaëbhuraania 6:10

Ko bhoora Waryobha wa heene, taatore ukwebha emeremo ighyënyu gheno mwaakora, na righonshe reno mwöörökya ko okoghera iya we, ku ukutighinkanera abhahörëëru, na kora bhoono nköghëndërrya mörë okobhatighinkanera.

1 Peetero 1:8

Bhëënyu temwakaamörööshë hë, kasi momohanshirë. Kora nokaanyoora igha temokomomaaha bhoono igho hë, kasi nkumukumya mörë. Ku bhuyö, nkushomerwa mörë bhököngʼu moona ubhuhika bhono bhotakoghambwa,

1 Peetero 2:7

Yëësu Kiristo naana ubhwera obhonene kö-bhëënyu bhano mukumukumya. Kasi, ko bhano bhatakumukumya, Amaandeko Amahörëëru gharaghamba igha, “Reghena reno abhahaghaashi bhaangirë, ndyo rebhaayë reghena rinene irya ko-koona iya umusingi ughwa inyumba.”

1 Yohana 4:19

Bhëëtö ntohanshirë Waryobha, kora bharikyëtö bhonswe ntobhahanshirë, ko bhoora Waryobha, we yaatangatirë okotohansha.

1 Yohana 5:1

Ömöntö wowonswe igho ono akukumya Yëësu igha n-Kiristo, uyö we omoona uwa Waryobha. Ömöntö wowonswe igho ono ahanshirë umwibhöri, nkohansha arë kora na omoona uwa umwibhöri uyö.

Okohonyora 22:20

Na ono akuruusya ubhwimërërri ubhwa amangʼana ghano, araghamba igha, “M-maheene, m-böngö ndaashe.” Amina. Otaasha Omonene Yëësu!